وان طال الزمن

البــارت " 5 "

آنه الـ عاشگچ والـ گد كلمتي
بديت وياچ من أمي وحلقتي ،
مدري شكم علگ بالحضره شديت ؟
حتى عيونچ يصيرن قسمتي ♥️
┈┈┈┈┈┈┈┈┈┈┈┈┈┈┈┈┈┈┈┈┈
الكاتبة فاطمه علي
┈┈┈┈┈┈┈┈┈┈┈┈┈┈┈┈┈┈┈┈┈
نوره : ثاني يوم كاعدين جاي نتريك نزلت العروس كلها هلهلت
جان ام العريس تكول

ام قيس : خيه ام علي نوره محجوزه لـــ قيس

نوره : اني عبالك نضربت على راسي اباوع على امي فرحت اريد بس واحد يكلي لا جذب جاي تشاقه
بس جان حقيقه خايفه لان اهلي كلهم راح يقبلون وخاصه وليد لان يريد يشتغل ويه قيس
امي تفكر انو حالتهم الماديه زينه ضل بس علي واحمد وذولي فقره و وليد يمشي كلامه عليهم
شلون بيه يا ربي فدواتك لا مستحيل اعوف صفاء احنه راح نتزوج مستحيل اتركه شلون يا ربي
لميت غراضنه  ..... ودعناهم  ورجعنه لبغداد قيس هوه رجعنه بسيارته الطريق من البصرة لـــ بغداد شكد طويل  ولا بطلت تفكير  ادعي رب العالمين   ما يصير هذا الزواج...........عود اهدي نفسي وارجع افكر بالموضوع اريد اصرخ اريد الناس تسمعني والله ما اكدر شلون اذا قبلو اهلي حته كمت ابجي وامسح دموعي
اي نوره  هذا ما حسبتي حسابه هذا الي ما حسبتي يصير وياج لو ادري ولا اجي للعرس
يمه شلون اني مثل الورده شلون يحرموني من المي وصفاء هوه كلشي بالنسبة اليه
بالسيارة من ارفع عيوني اشوفه يباوعلي شكد كرهتك اوووف يا صفاء شلون راح ارجعلك
لا لا ان شاء الله ماكو شي هيه هيج كلمه ونگالت ......... ......
.
.
وصلنا البيت اول ما نزلت صارت عيني على بيت اهل صفاء شكد اتمنى اشوفه اريد اكله يجي يخطبني لا يضيع الوقت والله كلبي كام يوجعني
ضليت على هاي الحاله بس صافنه لو مرات من اصعد اخبز اخلصها بجي وره يومين خابرت ام قيس تسأل امي على ردي اني جان عندي امل تنسى
امي كلتلها كم يوم ونرجع جواب هنا وليد ما سايعته الفرحه وامي هم بس علي حسيته ما قابل ...........جنه كاعدين على الصينيه جاي نتغده
امي سئلتني
.

.
ام علي : هااا يمه نوره  شگلتي على موضوع قيس

نوره : يمه ما اريد اتزوج ما اريد قيس ............ ما حسيت غير وليد شال الصينيه  وركعها بالحايط
ضليت بس ابجي وهوه يصيح

وليد : تقبلين و رجليج فوك راسج مو هيه بكيفج وما تقبلين

نوره : .........

وليد : انتي فگر مو وجه خير ولج اذا تزوجتي قيس راح يتعدل وضعنا  لان اني وياه عدنه شغل سوه واذا ما قبلتي راح يلغي كلشي عاجبج هذا الوضع علي بجميله وعمره 26 سنه وبدون زواج ليش لان فگر و اني كاعد عطال بطال وامي علاجها غالي يادوب ندبر فلوسه كل شهر
واحنه لا مثل الشباب نلبس ولا نطلع ولا نتزوج

نوره : واني شنو ادفع ضريبة سعادتكم اني اصير ضحيه
وليد : لا تفكرين بس بنفسج  فكري بينه وليش تدفعين الثمن انتي وشبي قيس اشو الف وحده تتمنى