وفي صبح وقفت امام مرآتي
وقد بانت على وجهي خساراتي
ارئ شخصاً على المرآة يكرهني
وما اقساه كره الذاتي للذاتي
واسترجعت بعض الايام ذاكرتي
لتأخذني الى أقسى محطاتي الى حب قديم في مدينتنا الى خوف تمادا في كتاباتي
┈┈┈┈┈┈┈┈┈┈┈┈┈┈┈┈┈┈┈┈┈
الكاتبة فاطمه علي
┈┈┈┈┈┈┈┈┈┈┈┈┈┈┈┈┈┈┈┈┈
نوره : ايامي تخلص ويه قيس بالكوه مابين السهر والشرب والطلايب الي كل يوم صايره على فلوس لو على صفقات ماكو راحه صح عدهم فلوس هواي بس ماعدهم راحة بال كمت اشتاق للنومه بين اهلي وراسي بارد ومرتاحه
اما عد بيت عيالي انام وفاز اخاف يجون غير عشيره يهجمون علينه بليل
نوره : قيس فدوه خلينا نترك البصره ونرجع لبغداد
قيس : كل عقلج واهلي واخوتي شنو اكللهم والله ست نوره ضايجه
نوره : قيس ما مرتاحه ماكو امان بهل بيت يعني كل يوم يمر واني بين الخوف والقلق يعني اذا صار بجهالي شي شنو اكول بس كلي
قيس : كلشي ما عليهم لا تخافين جم يوم وتفض لا تكبرين الموضوع
نوره :قيس هوه الموضوع جبير ميحتاج اكبره ناس تطلبك افلوس وانته موقع على اوراق
وما اعرف شنو بعد الي ضامه عليه اكثر من هيج بعد شكد يكبر وبأي لحظه واحد من يمنه يصير بي شي
قيس : اهوووو يمعوده وخري من وجهي تسدين النفس تولي
نوره : دفعني وطلع
اباوع على جهالي ثنينهم مختلسين من الصوت العالي ويباوعولي بخوف
والله يا ماما تعبت وما بيدي شي كلولي شنو اسوي الكم
صفاء : صارت حياتي شغل واطلع العصر ارجع بليل اخلصها ويه ابو ادهم
رجال مثقف ويفهم البشر ويعرف كلشي بهل دنيا
سولفتله حياتي بالتفصيل كلها ما ضميت علي شي
صح علاوي وامجد اصدقائي من الطفولة بس مرات استحي منهم
اما سمر اووووف يا سمر
كل اهمالي الها وهيه كلمه وحده ما طلعت شهر كامل واني كعده يمها ما اكعد ردت اخليها تكرهني اريدها تترك البيت اريد تطلب الطلاق وهيه ابد
بديت احاربها صح مقهور عليها بس هذا الي مفروض يصير
هيه حته الاهلها ما كالت انو اني ما يصير عندي اطفال
كمت شنو تسوي اصيح عليها اكلها اريد القميص الفلاني من تجيبه اصيح عليها اكلها ما ردت هذا
وهيه بليل تجي تحجي وياي وتصالحني مع العلم كل الخطا مني اني
مره انداريت عليها وهيه تبجي وتتوسل بيه انو ما اضوج وهيه قابلة بهل وضع
صفاء : بس كليلي ما مليتي مني ما بزعت روحج من تصرفاتي وياج ما كافي
سمر : واكو واحد يمل روحه انته روحي صفاء
صفاء : بس اني راح ادمر مستقبلج وحياتج سمر مو كلشي نحبه ونريده يكون صح مرات اذيتنا ودمارنه من الاشياء الي نحبها ونريدها
أنت تقرأ
وان طال الزمن
General Fictionتـاريـخ الـنشـر 12/12/2022 ربما في مكان ماَ، في يوم ماَ، في زمن أقل بؤساً ، قد يرى أحدنا الأخر ...
