لم تعد ترعبني أي خيبة، لم يعد لدي أي شيء، كل ما أملكه الأن هو اليأس.💔
عفت بيا بشر يشتاك بس مكسور 💔
┈┈┈┈┈┈┈┈┈┈┈┈┈┈┈┈┈┈┈┈┈
الكاتبة فاطمه علي🦋🦋
┈┈┈┈┈┈┈┈┈┈┈┈┈┈┈┈┈┈┈┈┈
صفاء : بدت الايام تمشي واني مثل الجثة بدون روح لا سالت شنو صار او البنيه وافقت لو لا لحد يوم الخميس امي كالت لازم نروح نشتري حلقات اني بس انفذ ولا اتناقش هوه كلشي خطأ بحياتي ضلت على الزواج
المهم رحنه على بيت خالتي طلعت بنيه لابسه عباية اني ما شايف سمر صار سنين طويله يعني حته اذا اروحلهم هم ما ارفع عيني او اباوع لان خالتي عدها بنات فه استحي منهم وعيب اخلي عيني ع عرض الناس وبنفس الوقت اني گلبي مو اليه گلبي عد نوره الي ضلمت حياتي وراها
المهم رحنه للسوك وامها وامي هنه يختارن حلقات اني شنو يكولن اكلهن اي حلو بس هيه عكسي جانت تختار اذا ما يعجبها شي تكول ما عاجبني بالف يا علي خلصنا من الحلقات ورجعنه للبيت واني ما رفعت عيني وباوعت على البنيه
بيومها عماتي و كرايبنه كلهم اجوي من الليل يمنه واني روحي طافره اخذت موبايلي وقمصله وصعدت للسطح
رغم برودت الجوء واني گلبي عبالك نار كلت اخابر امجد مرتين افتح الموبايل وارجع اسده ما اعرف شنو اسوي
اخير شي طلعت قحطان العطار غنية يا نوره واني اغني وياه
حبنا ورد زرعناه يا نوره،،،،، وبدموعنا سگيناه يا نوره
ليش بعجل تنسينا يا نوره وانتي سنينه يا نوره يا نوره
انوب طلعت غنية شكول عليك اكول انساك روحي وياك ،،،،،،،،،شكول عليك اضل زعلان مـر فركاك.... ومثل فزت طفل روحي تفز لو سمعت بطرواك،،،،،، ومثل ورده وشحيحة ماي مزنت مطر تتنخاك......
اسمع ودموعي على خدي شكد انتظرت اليوم الي اخطب بي بس ما توقعت فد يوم اتزوج بهاي الطريقة..........
اسمع واحد يناشغ عرفتها هيه بس ولا تقدمت عليها اعرف طريقة بجيها تضل تناشغ
متفيد هاي دموعج انتي بعتيني انتي فضلتي على حبي غير واحد الفلوس عمت عينج گلبي وجعني عليها يكلي امشيلها بس عقلي يكلي لا كافي تهين بكرامتك واذا رحتلها شنو يتغير
طفيت الموبايل وبعد لازم اتغير كافي حبج دمر حياتي لازم اشوفلج حل
نزلت جوه حاولت افرح على فرح اهلي وكرايبي.
.
.
.
ثاني يوم كعدت غير بشر كل عاطفه ماكو بداخلي احس نفسي فقدت هذا الشي مجرد جسمي يشتغل اما گلبي فه ماكو نهائياً بدت الناس تتجمع وصوت الاغاني والنسوان تهلهل اخواني ما واسعتهم الفرحه امجد وعلاوي موجودين .......... يعني اجواء فرح بالبيت بس روحي مابيها ذرة فرح اقنع نفسي حته افرح وابتسم بس ابد عبالك روحي مختنكه ماكو هوه شنو جاي يصيرلي ليش هيج معقوله اني مريض كمت اشك بنفسي مريض نفسي وصلت لهاي المرحله
للعصر رحنا لبيت خالتي عقدلنه الشيخ مال الجامع مالتنا فه كلولي يله ادخل حته تلبسون حلقات
دخلت يم النسوان كلها تهلهل لو جگليت تشمر علينا والهوسات دخلت شفتها لابسه فستان بسيط بس مستور كلشي ما مبين منها هيه اتذكرها من جنه صغار ملامحها حلوه وناعمة بس من دخلت ما شفت وجها جانت مدنكه اني هم لتهيت النسوان العجايز كل شويه وحده تجي تبوسني وتباركلي كالت امي يله هاي الحلقات لبسوهن جاي البسها اباوع ايدها البنيه ترجف كسرت خاطري تقربت عليه وشاورتها
صفاء : كافي ترجفين ماكو شي يخوف
سمر : ...........
صفاء : قربت ايدها الي بس بعدها ترجف جاي البسها الحلقه اجتي نوره ابالي مره گلتلي
أنت تقرأ
وان طال الزمن
General Fictionتـاريـخ الـنشـر 12/12/2022 ربما في مكان ماَ، في يوم ماَ، في زمن أقل بؤساً ، قد يرى أحدنا الأخر ...
