إن كُنت تحبني تقبلني هكذا
امرأةً مُضطربة مُتبدلة
عصبية ومُندفعة
إن كُنت تُحبني أفهم كلماتي
نظراتي غصّتي
تنهُدّي وحتى صمتيّ ..
┈┈┈┈┈┈┈┈┈┈┈┈┈┈┈┈┈┈┈┈┈
الكاتبة فاطمه علي🦋🦋
┈┈┈┈┈┈┈┈┈┈┈┈┈┈┈┈┈┈┈┈┈
صفاء : تنرفزت منهن ثنينهن رحت كعدت يم الجهال وهمه يلعبون اجه علاوي ضلينا نسولف على شغلات عامه
بالحجي تعاركو الجهال حمودي ضرب صفاء على راسه ذاك ضل يبجي كام عليهم علاوي
علي : اني الك تعال هنا وشوف شسويلك ليش ولك ليش ضربته وشردت
حمودي هوه وخاتل وره امه : هوه ما ينطيني السيارة
علي : و تضربه على راسه
حمودي : اي اضربه
علي : يا ربي انوب لسان وما يخاف لو بيك خير تعال كبالي وكول ما اخاف
حمودي : ليش ما رايد روحي ادري بيك تضربني
علي : اي اضربك لان وكح انته واني ما احب الوكح وبعد بس صفاء ابني انت مو ابني
حمودي : اني هم ما اريد......بعد ابوي صفاء بعد ما اكله عمو اكله بابا صفاء
صفاء : انصدمت من الطفل اجه حظني ويكلي بابا صفاء...... كلي كلمة بابا الي عمري ما تخيلت يجي يوم واحد يكلي بابا صح مو ابني بس الكلمة دخلت بنص گلبي اني هم حظنته رفعت عيني شفت نوره وهيه تباوع علينه
اكو جانب بكلبي حابها ورايدها بس الي سوته مو قليل احس محتاج بعد وقت يمكن اتقبلها او على الاقل اسامحها من كل گلبي
.
.
.
.
فد يوم بالدوام جان بوقتها هسه طالع الفايبر اجتني رسالة
السلام عليكم
اليوم لا تتغده بالدوام راح يجيك غده للشقه
صفاء : منو
نوره : نوره
صفاء : ابتسمت من كالت اسمها وما جرجرت كتبتلها...... وهيج بدون مقدمات تكولين نوره ما تخافين بعد ما اجاوبج
نوره : يعني لو كتلك غير اسم راح تجاوب
صفاء : اي ليش لا اكو واحد يرفس نعمته
نوره : على العموم لا تتغده
صفاء : واذا تغديت شيصير
نوره : تخسر اني و حوراء مسوين دولمه تخبل وكلها ضلوع
صفاء : ما احبها
نوره : من شوكت صاير ما تحبها
صفاء : معليج
نوره : شوف صفاء خليني انطيها الك من النهاية لو مو تفشلني لو مو ترزل او مو متجاوب مراح اتركك مو شغلة ما عندي كرامه او ذابه نفسي عليك بس اني احس بالذنب من قبل واحس كلشي جاي تسوي ربع الي سويته بيك فه اخذ راحتك ولا راح اضوج من كلشي تسوي
واما اذا حظرت رقمي او متجاوب فه اني احلفك بداعت خاله وبروح ابوك وابويه لا تستعمل وياي هذا الاسلوب مال متجاوب او تحظرني
أنت تقرأ
وان طال الزمن
Ficção Geralتـاريـخ الـنشـر 12/12/2022 ربما في مكان ماَ، في يوم ماَ، في زمن أقل بؤساً ، قد يرى أحدنا الأخر ...
