صَارت عِينه بـ عِيوني
عُبرنه و سَيطرت گوه
عرفت انوخذ شي مِني
و احس انباگ هِستوه
بديت اتلّمس بصدري
اثاري الگلب ما هوَه ..
┈┈┈┈┈┈┈┈┈┈┈┈┈┈┈┈┈┈┈┈┈
الكاتبة فاطمه علي🦋🦋
┈┈┈┈┈┈┈┈┈┈┈┈┈┈┈┈┈┈┈┈┈
نوره : كعدنه ارتاحينه شويه وره ربع ساعه رن جهاز صفاء حجه وياهم بس جان عصبي عافني كاعده وراح ابتعد مني مسافه
صفاء : اجاني اتصال طلع وليد
وليد : صفاء اذا ما رجعت هسه بعد تحلم توصل العراق
صفاء : ما ارجع وشتريد تسوي سوي
وليد : اقره على روحك السلام بعد
صفاء : ميهمني شسوي سوي بعد عندك شي تريده
وليد : اكو ناس بالمطار وياك بالصاله من صفحة اهل قيس لا عبالك هيج بسهوله تروح
صفاء : انداريت ما لكيت لا نوره ولا الجهال سديت الجهاز وركضت ادور عليها
ما خفت على روحي ابد
لا واحد من زلمهم يسويلي شي خفت صار بيها شي لو بالجهال......
عمر خلص بالتضحيات والخوف
ركضت ادور عليها بس لا صار بيها شي اني عمري كله خلصته اخاف على كل الي حوالي بس نفسي ناسيها بس هل مره ما اخاف كافي الي ضاع من عمري
ومستعد اقتل وادخل السجن اذا شعره وحده نلمست من نوره لو من جهالها همه عائلتي ومستقبلي ما اضحي بظفر واحد منهم
وكفت اباوع بنص الصاله ماكو نوره لا هيه و لا الجهال ختفت يا ربي وين راحوا
ادركني يا صاحب الزمان ما اريد اخسر نوره مره ثانيه
رحت ادور ماكو دورت كل المكان ماكو شلون بيه
واكف بنص الصاله وسمعت صوت يصيحلي
حمودي : بابا صفاء
صفاء : يا گلبي وعمري يروحلك فدوه صفاء....... شفتها جايه هيه وياهم من جهة الحمامات شلت حمودي وحظنته واشم بي
صفاء : وين رحتي ليش ما كتيلي راح اروح شايفه شصار بيه من لتفتت ما لكيتكم انتي شوكت تبطلين هل ثول و الاهمال
نوره : ليش تحب تهيني انته تخابر و حمودي كام يبجي يريد يروح للحمام شنو اسوي اخذته ورحت بعد الغلط ماله داعي واحنه بأمان منو يكدر يوصل لهنا
صفاء : اكو جماعه من صفحة اهل قيس موجودين هنا ما اعرف همه منو ولا نكدر نتعرف عليهم بنص هل ناس الي نسوي نكعد سوه ونكوم سوه لا تهبطوني عليكم مره ثانيه
يله تعالو نكعد
بده يمشي الوقت واني كاعد يمهم ما تحركت لحد قبل لا تقلع الطياره كتلهم امشو وياي للحمام بس اغسل وفعلاً خليتهم كلش قريبين عليه دخلت غسلت ايدي وجهي وهمه مقابيل عيني
صعدنه الطياره نوره اول مره تصعد وخايفه حيل حته هبط ضغطها من قلعت الطياره جبتلها مي وعصير يله شويه احسن الجهال احسن منها يلعبون بمكانهم و بس اكلو نامو
وصلنا لتركيا بخير وسلامه والحمدلله
أنت تقرأ
وان طال الزمن
General Fictionتـاريـخ الـنشـر 12/12/2022 ربما في مكان ماَ، في يوم ماَ، في زمن أقل بؤساً ، قد يرى أحدنا الأخر ...
