وان طال الزمن

البــارت " 10 "

ماذا لو لم نفترق ؟
ماذا لو عاد الزمن الى الوراء الى  بدايتنا الجميله
إن عاد بـي الزمن مرة أخرى سأختارك في كُـل مرة

┈┈┈┈┈┈┈┈┈┈┈┈┈┈┈┈┈┈┈┈┈
الكاتبة فاطمه علي🦋🦋
┈┈┈┈┈┈┈┈┈┈┈┈┈┈┈┈┈┈┈┈┈
صفاء : نزلت طلعت للشارع اريد اتنفس ماكو جان بوقتها منع تجوال تمنيت الطريق مفتوح اريد اروح للامام الكاظم كلش ختنكت اريد ابجي معقوله الي جاي اعيشه لكيت الجامع مفتوح دخلت محد بي بس الحارس وكاعد بره رحت اخذت قرآن وبديت اقره سورة يس دموعي تنزل على القران كملت سجدت لــ رب العالمين وكمت ابجي بس بدون صوت بس دموع تنزل شكيت حالي كله ........     ربي ساعدني اريد انساها ربي لا تراويها مكروه وفقها بحياتها يمكن اني ما اكدر اسعدها مدام راحتها وسعادتها ويه غيري اني قابل بس اريد انساها ربي برد هذا الگلب الي محد يعلم بحاله بس انته
طلعت من المسجد شويه مرتاح اشرب جكاير واحس روحي عطشانه ارجع اشرب كعدت على الجذع اجه علاوي من بعيد هوه وليد درت وجهي لغير جهه ما اريد يشوفني علي

علي : هيج صايره صفاوي ادير وجهك من اخوك وعضيدك

صفاء : احجي وياه مدنك....... لا مو يمك اصلاً ما انتبهت عليك من اجيت

علي : ليش ما تباوع بعيوني

صفاء : رفعت راسي صارت عيني بعينه

علي : شكد تمنيت تجي من وكت وقبل كلما نضل لوحدنه اكول هسه يحجيلي ليش اتاخرت

صفاء : علاوي شتقصد

علي : شوف لو واحد غيري ميحجي هذا الحجي بس انته اخوي اني اعزك اكثر من وليد...... اقصد على نوره ادري بيك تريدها من قبل سنه

صفاء : صدمني ........ شلون عرفت

علي : من حاجيتني حته تلبس عبايه كلتلي علاوي تره نوره كبرت لا تضل تطلع بس بالثوب ميصير منا ولد المنطقة...... من يومها عرفتك تحبها وتخاف عليها لان ما عديت روحك من الجوارين  حسبت روحك واحد من العائلة خفت عليها من نظرة الولد

صفاء : دنكت راسي وبس الدموع تنزل همزين طفت الكهرباء حته ما انفضح ...........هاي هيه خويه كلشي قسمه علاوي اترخص منك اريد انام

علي : اخذ راحتك بس لا تنقهر تهون

صفاء : تهوووون نفس كلمتها تهوووون لحد ما هنات عليها العشره وراحت لغيري  ......... بدت الايام تمشي رحت للــ عماله حته اذا تعبان كمت ما انزل لبغداد عادي عندي اشتغل من الصبح لليل ولا اكول تعبت ولا مليت اشتغل بدون صوت دخلت بصمت مو طبيعي امجد يخابرني لو ارد علي لو لا ومرات ارفضه وادزله رسالة
علي ما حجيت ويهاه ابد حته اهلي اخابر بس احجي ويه امي وبدون كلام زايد شلونكم........زينين............الحمدلله مع السلامه هذا كل الي اكول

كمت النهار اخلصه بين الرمل والطابوگ والسمنت و حرارة الشمس كلش اتعب نفسي ولا اهتم وين يكولون اكو شغل اكلهم اني اروح
شتغلت حمال اشتغلت بمحلات بالنهار اشيل غراض وانقل وبليل انام لو على الرصيف لو بالمحلات مرات اصحاب المحلات ينقهرون عليه لان اني مو من المنطقة يكلولي  نام بالمحل شكد اتعب وبليل  من اريد انام تجي تحتل راسي تجي تحرم عيوني النوم رجعت وره شهر من التعب والهم وقلة الاكل والنوم حالتي كلش تعبانه كلبي تعبان دخلت على اهلي الفجر همه نايمين فتريت بالبيت همه نايمين على السطح جاي اصعد سمعت علاوي يسولف ويه وليد وامهم تسولف وياهم كتله بگلبي  كل واحد بيكم صار ضدي اريد من رب العالمين ياخذ حقي منه اريده يلوع گلبه بكلشي عزيز علي  عفتهم و صعدت رحت على الطيور اباوع الطيره نوره تعبانه طلعتها....... شبيج ليش تعبانه منو وياج انتي هم صارت الدنيا ضدج انتي هم ضلمتج باوعت جنحها مريض اخذتها امسح على راسها هاي اعز طيره على گلبي كلهن يموتن ولا هاي يصير بيها شي ضليت احجي وياها رفعت عيني صارت نوره كبال عيني رفعت راسها شافتني ضلت صافنه عليه من حسيت روحي راح اضعف سويت نفسي ما شفتها اخذت الطيره ونزلت جوه حطيتها بحظني واداوي بيها لهناك نزلت امي وحوراء بس شافوني مثل انصدمو ما اعرف ليش حسيت بيهم شي امي اجتي باستني من راسي