وان سَألوك عِن العراق :
فقل وطني جريحٌ ومَعتقل وحَزين ومُقاوم
┈┈┈┈┈┈┈┈┈┈┈┈┈┈┈┈┈┈┈┈┈
الكاتبة فاطمه علي🦋🦋
┈┈┈┈┈┈┈┈┈┈┈┈┈┈┈┈┈┈┈┈┈
صفاء : سديت الموبايل رحت انطيت الفلوس للرجال وكتله يعذرني صار عندي ضرف هاي اني ابجي ما اعرف شلون طلعت للشارع اركض
صفاء : لا علاوي لا تكسرني يا خويه ولك بعدها كسرت اختك .......لا ما اصدك تعوفني
ولك انته اخوي الماجابته امي الي ......شلون تكسرنه اني و امجد ولك خويه ...........وكفت بنص الشارع ما اعرف وين اروح اجتي سيارة تكسي اجرتها وكتله وديني مدينة الطب .......بغداد ازدحامات لان وقت حلت المدارس والكليات والموظفين ومنا السيطرات وصلت بــ1 ونص للمستشفى
شصايره امة محمد كلها هناك ناس تصرخ وناس شابگه التابوت ............مصدوم دم بكل مكان ..................نسوان تصرخ وزلم بالكاع كاعده ادك على راسها اكو جرحه بيهم ملفلفين والدم تارس هدوهم شرطه بكل مكان .. .........ادور على واحد اعرفه ماكو اسال على اسم علي ماكو يا ربي شلون ولك علاوي وينك يا خويه لا تكسر ضهري اجه دكتور سالته كال اكو قسم حولناهم للجملة العصبيه
منظر الموجود بالمستشفى مو طبيعي عبالك بغير عالم ريحة الموت بكل مكان تحسه متروس ارواح المكان يخنك اباوع على الناس وابجي جاي اطلع من المستشفى وعيوني كلها دموع شفت وليد وعلاوي
كمت امسح بدموعي بسرعه وعيوني ما تقبل تسكت اريد اشوف بوضوح اي هذا علاوي اي والله علاوي ركضت علي فتحت اديه وشبكته ضميته لصدري حيل ما مصدك وكمت اصرخ ولك شسويت بيه هوه هم يصرخ
علي : ولك صفاء اخوي راح حمودي راح
صفاء : علاوي شتحجي
علي : اي صفاء حمودي مات
صفاء : تشابكنه ونصرخ وليد يدك على راسه ويبجي
ضلينا هناك للمغرب احنه بالطب العدلي الجثث هواي واكو بيها متفحمه لازم واحد يدخل يشوف دخلت اني وليد ....علاوي ميكدر ضل بره ...........الثلاجه عبالك فلم رعب اكوام فحم صايره الناس اكو قسم زينين محترك ايده او رجله وهيج ....... واكو من الشضايه الناس ميته اندور وماكو اخر 10 جثث اني لگيت حمودي
صفاء : اووووف يا حمودي ولك بعدك طفل بعدك صغير وينك وين الموت اباوعله عبالك ملاك ونام حمودي يشبه نوره بياض على لون احمر وجهم محبوب حمودي نايم بنص موته اووووف يا كسرتك ولك طفل ذاك اليوم تلعب بالشارع شلون راح تنام بالگبر
صحت وليد واجه كام يلطم.......كنالهم هذا ابنه بدت التحضيرات والشهادة الوفاة بــ 9 بليل اخذنا بالتابوت للبيت هناك امه تريده .........اوووف من دخلنه الفرع كل الفرع يصرخ الناس كلها تبجي ( قبل جانت الناس الحزن واحد والفرح واحد ) نزلنا من الكوستر والنسوان تصرخ وتلطم والزم تبجي وادك على راسها وناس حاضنه ناس وتبجي حته الجهال تبجي يوم اسود الفرع بي كهرباء بس اضلم ما اعرف ليش الحزن غيم على گلوبنه كلنه
من بين كل الاصوات سمعت صوتها تبجي وتصرخ
اووووف يا حبيبتي الله يساعد گلبج شبيدي عليج هيه تصرخ واني ابجي من يمي ........وره ربع ساعه كالو عمامه كافي لازم نروح لا يصير منع تجوال قسم ما قبلو كالو بنص الطريق ويصير الحظر خلي يضل بالمسجد للصبح
وفعلاً ضل حمودي بالجامع اليل كله اني وامجد يم علاوي بيتنه ولا وصلته حته سبح دخلت بالجامع شلون اعوف علاوي وهوه بهل حاله ضلينا الليل كلمه ساعه نقرأ قرآن وساعه نبجي اني مسحت دموعي ورحت كعدت يم راسه قريت زيارة عاشوراء وقرآن وادعيه جان بوقتها كتاب مفاتيح الجنان والشيخ مال الجامع هم كعد يقره ما عفناه ابد.............راح تصير صلاة الصبح كلها لتمت صلينا وكملنه بدت السيارات تتحضر للجنازه دخلت امه وراها نوره تمشي وتتعثر بس دخلت اني طلعت وكفت بالباب وادخن اسمعها تسولف وياه امها بس تبجي اسمع ونينها 10 دقائق وشلنه الجنازه حته نخليها فوك السيارة الفرع كله ما نايم للصبح الشارع عبالك حجه شيعنا من الجامع للسياره صريخ النسوان والبجي لليوم ما نسيته حرامات حمودي شاب مؤدب ومحترم و خوش ولد كلها ناس تبجي علي
أنت تقرأ
وان طال الزمن
General Fictionتـاريـخ الـنشـر 12/12/2022 ربما في مكان ماَ، في يوم ماَ، في زمن أقل بؤساً ، قد يرى أحدنا الأخر ...
