حتى وأن عادت ستبقى خائنه
ايهاب المالكي
┈┈┈┈┈┈┈┈┈┈┈┈┈┈┈┈┈┈┈┈┈
الكاتبة فاطمه علي 🦋🦋
┈┈┈┈┈┈┈┈┈┈┈┈┈┈┈┈┈┈┈┈┈
نوره : وصلنا النجف اني كاعده يم راسه دموعي تجري واحجي وياه بعيوني اكله ليش هيج سويت جنت دايماً اكلك قيس راح تأذي نفسك وتاذينا قيس عوف هل درب ليش هيج شنو ستفاديت هسه راح عمرك خلص لا شبعت من الدنيا ولا من جهالك ولا كدرت يوم واحد تعدل روحك هاي تاليتها تموت مكتول ليش دمرت مستقبلنا اني والجهال شنو ذنبي بعدني ما عابره العشرينات واني ارمله شنو ذنب اطفالك حرمتهم منك
ما ادري الومك لو ابجي على حالك لو على حالي
بين هل حجي دفنوا ورجعنا للبصره
من رجعت لكيت خواني ثنينهم موجودين رحت شبكت علاوي وبجيت بعد امي ما دايره السنه مالتها راح زوجي
وهنا بدت قصة عذاب جديده
بس خلصت الفاتحه شدت وياي عمتي و بنتها وزوجة فريد
الشغل كله علي بس اكول ميصير ذاك الباب وروحي لاهلج بس بدون الجهال
بيت ابو مازن صرت حلم اروحلهم هيه ام مازن تجيب البنات وتجيني خطيه تجيبلي وياها شغلات الي حته هيه كامت تخيطلي ملابس سود لان همه كلشي كطعو مني حته حليب الجهال ما يقبلون يكولون الممه بس لليل ماكو نهار كله يشربون حليب شكو خل ياكلون واني عندي صفاء طفل نحس مياكل اله شي يعجبه عكس احمد خطيه شنو اخلي ياكل وهنا عذاب جديد صرت اطلع من فلوس قيس عندي جم فلس والبسكوت انطي للجهال تجيبلي حليب
مره بكت جيس حليب من خالتي والله همه جبروني جهالي يبجون وما يقبلون يجيبون حليب كلت ما تنحسب حرام همه هم جهالهم شفت بالكاونتر 3 جياس نزلت بليل بكت واحد وصعدت
كلما تضيگ بيه ابجي لمن امل من وره قيس لا بحياته رتاحيت ولا من مات
وره شهرين اجوي علينا ناس طلعوا صكوك كالو هاي موقع عليها قيس ولازم ادفعوهن
اني كملت كل الشغل وصعدت ما اعرف شلون تذكرت سند البيت الي بغداد
ركضت ضميت السند فتحت جيس الحفاظات و بداخل وحده من الحفاظات خليت الورقه وراها رجعت الجيس جوه الجرباية
يمكن للعصر كاعده يم الجهال لان خوان قيس موجودين من همه هنا فلا اطلع ولا اشوفهم من اسمع محد جوه عود انزل
المهم ما حسيت غير الباب اندكت بسرعه وبقوه..............ربي دخيلك شكو
فتحت الباب وهجمي علي خالتي ومرت فريد
دفعتني وراحت على الكنتور ما خلت لا ملابسي ولا ملابس الجهال ولا كنتور قيس وهوه ما ضل بي شي همه وره وفاته اخذو كل ملابسه انطوهن ضلن غراض واوراق وقاصه بيها فلوسه بس هاي محد يندلها واني خليتها بكومدي بنص غراض حته ما تبين شمدريني تهجم عليه المكافحة
اباوع عليهن وهنا نفشن الغرفه كلها كل الوراق اخذنها وكلشي يخصه هم ضل بس الكومدي راحت زوجة فريد افتحي وطلعي كلشي بي ومن ضمن الاغراض القاصه
ولا حجيت وهنا گلبن الغرفه كعدت بزاوية الغرفه يم جهالي وهنا يسون براحتهن ويصيحن عليه وين الفلوس وين الغراض
كتلهن ما عندي شي ولا اعرف وين افلوسه كلشي الي عندي هاي القاصه بس حجيت هيج تعاي عليه خالتي
دفرتني برجلها وراها ملخت شعري اني مو خوف منها بس اكول مره جبيرة ورايح ابنها ما كدرت ارفع ايدي واضربها
بس طلعن شبعت بجي حته لطم لطمت ملخت شعري انهاريت تماماً الجهال يباوعون عليه ويبجون ليش محد رحمني ربي اريد رحمتك انته
بهذا الوقت دخلت بيداء عليه بس شفتها كمت اصرخ ولج بيداء احس راح اموت اختنكت وفعلاً من البجي وحرگت گلبي احس النفس ماكو
كعدت كبالي وتصيح عليهم
أنت تقرأ
وان طال الزمن
General Fictionتـاريـخ الـنشـر 12/12/2022 ربما في مكان ماَ، في يوم ماَ، في زمن أقل بؤساً ، قد يرى أحدنا الأخر ...
