وان طال الزمن

البــارت " 9 "

لم تعد ترعبني أي خيبة، لم يعد لدي أي شيء، كل ما أملكه الأن هو اليأس.
نتهت قصتنا ...
أنت لغيري وأنا لنفسي
جادلوني بك فـــ أقسمت لهم انك مختلف
فخذلتني ...💔

┈┈┈┈┈┈┈┈┈┈┈┈┈┈┈┈┈┈┈┈┈
الكاتبة فاطمه علي🦋🦋
┈┈┈┈┈┈┈┈┈┈┈┈┈┈┈┈┈┈┈┈┈

صفاء : ضليت  يومين على نفس حالي لا اطلع ولا اروح للشغل صار علاء يروح بمكاني امي شابعه قهر عليه لو حوراء الي عيونها كلها قهر حاس بيهم بس ما اكدر گلشي اسوي احس الدنيا سوده بوجهي انوب مشتاقلها موت مشتاقلها اتمنى هسه اشوف وجها الي يخبل وين اشوفج هسه ولج عليتي گلبي عليج
اصعد كل يوم انتظارها وماكو حته من اباوع ماكو فراشها بس فراشات الولد يمكن تنام جوه بالحوش
حته علاوي ما شايفه من يوم الي رحت عليهم امجد اجاني ويخابر بس كل هاي الناس ما تسد فراغها
يوم صعدت لكيت مخدتها على الحايط رحت عليها سحبتها واخذتها وكعدت بالگاع ضليت اشم بيها اوووف يا ريحتج يا حبيبتي شلون غيري يشمج شلون غيري ينام يمج على مخده وحده شلون بيه

نوره : شلونك صفاء

صفاء : رفعت راسي ما مصدك ولج هاي انتي يا حبيبت عمري
نوره : شلونك

صفاء : شلوني هذا حالي شلوني واني اشوفج تروحين لغيري

نوره : صفاء هاي هيه خلصت قصتنا

صفاء : شلون خلصت وين كلامج اليه مو كتيلي لا تشيل هم انتظرك لو بعد 10 سنوات مو نفسج الي كتيلي ماكو واحد يترس عيني وگلبي بس انته

نوره : صفاء مو كلشي نريده يصير

صفاء : نوره ليش وافقتي ليش كسرتي بيه وين حبج اليه وين راح كل هذاك العشگ

نوره : صفاء لازم تتقبل هذا الشي احنه مو لبعض

صفاء : صارت عيوني بگصتي لا احنه لبعض بس كولي انتي ما تريدين

نوره : اذا اطلب منك شي  حته نتزوج تسوي

صفاء : كولي

نوره : خلي نشرد

صفاء : وين نروح

نوره : لاي مكان المهم نتزوج واني وياك اترك اهلي وكلشي يخصني وصيرلك

صفاء : نوره انتي مستوعبه شنو تطلبين شنو نشرد احنه بايكين لو مجرمين انتي ارفضي وكلشي ينحل اتحملي شنو يصيرلج بس فتره وارجع اخطبج وهل مره ما اعوف واحد ما اجيبه على اهلج واكيد ما يرفضون ما نشرد شلون اترك امي و اخوتي منو الهم

نوره : صفاء ما اكدر تعبت استوعب هذا الشي هسه ضلت يمك لو نشرد لو لا تلومني اذا تزوجت

صفاء : انلصمي نوره لا تخليني هسه اطفر على بيتكم واجي اكسرج تكسر شنو تتزوجين اذا يسالونج ترفضين  فتهمتي لو لا

نوره : لا ما فتهمت وانته الي ما تريد تسوي شي لعلاقتنا ......عبالك سهل الي جاي امر بي شنو ارفض وره ما وافقت وبعد كم يوم الخطوبه الحل الوحيد نشرد