أحببتك وكأنك هواء مدينتي ،
وكأنك معجزة لن أتلقى بعدها شيئًا ، وكأنك الصواب الوحيد بين كومة أخطائي ، وكأنك أثمن مُمتلكاتي وآخر أحبتي
┈┈┈┈┈┈┈┈┈┈┈┈┈┈┈┈┈┈┈┈┈
الكاتبة فاطمه علي 🦋🦋
┈┈┈┈┈┈┈┈┈┈┈┈┈┈┈┈┈┈┈┈┈
صفاء : يكولون على هاي الحكومه راح يعينون اكثر الخريجين
امجد : صفاء بربك ضلت دائره ما رحنه عليها يمعود همه بيناتهم يوزعون التعينات
صفاء : شبيك تفائل شويه
امجد : والله تفائلت لحد ما الدنيا تفلت بوجهي بربك هذا حال خريج قانون
علي : امجد والله يجي يوم وتفرج شبيك شايل الدنيا على راسك
امجد : ان شاء الله ............. صدك علي هذا اخوك وليد شبي
علي : شنو سوه وياك
امجد : اول البارحه شفته يم فرن الصمون فات من يمي يباوع عليه وما سلم اني رحت سلمت علي اشو يحجي وياي من وره خشمه كلي هلا
علي : هوه هذا من يوم يومه مخزيني
امجد : لا يمعود شبيك بس اني ضل ابالي عبالي انته تعرف شكو
صفاء : شبيك علي شنو قابل احنه ما نعرف اخوك
علي : يله تخلص
صفاء : صدك بس كون بيوم لعبه ينطونه كهرباء
امجد : اني من هسه راح اشتري بانزين
علي : اي والله زين تسوي
صفاء : اني اترخص
امجد : شكو من هسه راح تنام تره بعد وكت
علي : اي صفاء اكعد بعد شويه
صفاء : لا والله اريد انام
علي : براحتك
امجد : خوش باجر اشوفك
صفاء : عفتهم كاعدين ورجعت لبيتنا لان نفسيتي تعبانه منا وضع امي تخبز ومنا اخوتي ومنا نوره اتمنى اروح اخطبها وخليها يمي ........ يا ربي فرجها علينا......... صعدت انام شفت فراشي مخليته نرجس على الستاره اخذته فرشته بمكاني ضليت صافن بالسمه اباوع على النجوم شكد حلو ضليت صفنه تاخذني وصفنه تجيبني سمعت صوت علي جاي يحجي ويه نوره اوووف يا صوتج احب كلشي بيها ان شاء الله ربي يرزقني ونتزوج
كافي خلي انام احسلي اي يله بس خل اشرب جكاره ونام وراي كعده من الفجر
علي : صفاء مو كلت اريد انام
صفاء : صافن وسمعت صوت علي .......... هههههههه شنو مراقبني
علي : لا والله جاي انام وشتميت ريحة جكاير عرفتك انته
صفاء : اي والله ما جايني نوم كلت اشرب جكاره
علي : چااا غنيلي
صفاء : احنه كل واحد نايم على سطح بيته ونسولف........ سمعت صوتها تحجي على كيفها
أنت تقرأ
وان طال الزمن
General Fictionتـاريـخ الـنشـر 12/12/2022 ربما في مكان ماَ، في يوم ماَ، في زمن أقل بؤساً ، قد يرى أحدنا الأخر ...
