وان طال الزمن

البــارت " 27 "

ودعتك و رديت بس شنهو رديت بس

دمعة تمشي وياي زتتني للبيت..💔"

┈┈┈┈┈┈┈┈┈┈┈┈┈┈┈┈┈┈┈┈┈
الكاتبة فاطمه علي🦋🦋
┈┈┈┈┈┈┈┈┈┈┈┈┈┈┈┈┈┈┈┈┈
صفاء : ابو ادهم تحسنت حالته الصحية وبده يمشي على عكازات وبده ينطق كلمات بسيطه وهذا الشي فرحني الحمدلله رجعت عافيته......... واما امجد وعلي اشوفهم كل خميس نلتقي نضل سوه ساعتين واكثر مرات تجرنه السوالف لنص الليل
نوره ما اعرف اخبارها بس كل يوم اشوف الجهال مره لتقينا اني والولد اباوع على علاوي متوتر كتله شبيك ما حجه  وره ما تعشينا طلب ايد حوراء للزواج واني كتله اتشرف بيك
ثاني يوم سمعت جايه نوره وعمته و خالته يخطبن
وره اسبوع تمت الخطوبه
اني بده يصير عندي شغل اكثر بالوزارة يعني مرات للاربعه العصر واني ما طالع للبيت فه لتهيت ما ادري بالتحضيرات
وره شهر صار العرس ما كدرت احضر العرس استحي عيب هوه صاحبي وهيه اختي اجه علي امجد كتله ما اكدر اساعده بكل التحضيرات للحنه والزفه بس ما اكدر اشارك
شكول عليك علاوي حرمتني افرح وياكم بيومها بس بدت الحنه باركتله و رحت يم بيت ابو ادهم نمت  لان بنات وهوسه بس بالعرس اني سلمته حوراء لان هاي بنتي مو اختي كلش انقهرت لان راح تروح من بيتنا بس بعد هاي سنة الحياة والحمدلله اخذها علاوي ولد فقير وعلى نياته ويشتغل وبيته لوحده بعد شنو اريد من رب العالمين المهم الستر

وره فترة اسبوعين المدير العام مال الوزارة رشح كم واحد يروحون يمثلون الوزارة بتركيا واذا تم العقد يستقر هناك يعني يدير الشغل من بره اني وياي 3
فرحت بهل شي بس ضل بالي منا امي ومنا اخوتي شلون
بس امي من سمعت فرحت واخوتي هم  وابو ادهم كال روح وهناك عندي شقه واكعد بيها احسن من الفنادق
بس مقهور شلون اعوف بيتنا والمنطقة واخواني واصدقائي هناك شلون راح اعيش اكدر اتقبل الوضع لو راح اتعب كل هل اسئلة دور براسي
بس من افكر اكول اني هنا شنو عندي لا زوجه لا اطفال كلشي ماكو
ابو ادهم كلش شجعني على خطوة السفر وفعلاً بديت احضر نفسي على هل اساس
اشوف بعيونهم نظرة حزن وفرح
امي دموعها على خدها بيوم ما ردت اسافر اخوتي ما يياوعون بوجهي امجد وعلاوي كاعدين بالباب
حضرت كل اغراضي ودعتهم وطلعت امي تحضني وترجع تبوس بيه ونوب ترجع تحضني عبالك صغير وراح اضيع وبس تبجي ما سكتت طلعت ورحت على حوراء اودعها تلكوني من الباب صفاء وحمودي عمو تفاء نلوح وياك  هههههههههه اكلهم وين تروحون اني رايح بعيد
دخلت لكيت حوراء شابعه بجي بس شافتني اجتي تركض حظنتني وتبجي من بين هل اصوات سمعتها تناشغ تمنيت اشوفها قبل لا اسافر حجيت ويه حوراء ادير بالها على بيتها ورجلها وعلى هل ايتام خطيه
من جاي اطلع حسيت بيها تباوع عليه من وره الجامه رفعت عيني الها وحجيت اشوفكم على خير
طلعت وعلاوي حاضني ويبجي ومنا امجد بجو اكثر من خواتي علي
.
.
.
.
نوره : فرحت كلش من علاوي راد حوراء
هاي صديقة الطفولة والشباب وهيه فقيره وحبابه
والفرحه الاكثر من صارت وياي بنفس البيت صارلي هواي ما فرحانه هيج صح لابسه اسود بس لعبت جوله بعرس علاوي اني جم اخ عندي رحت للصالون وشتريت فستان اسود بس يخبل مال سهرات مال محجبات
جانت احلى ايام بس من سمعت صفاء راح يسافر كلش نقهرت صح اني وياه لا عدنه تواصل ولا حبنا مثل قبل بس مرتاحه هوه قريب عليه من اسمع صوته بيتهم واني بالحوش يسوه الدنيا وما بيها
بيومها للصبح اني ما نايمه ساعه ابجي  وساعه اكول لا خلي يطلع يأسس حياته
من اجه يودع حوراء ما كدرت اطلع لان بس اشوفه ما اعرف اي تصرف يطلع مني واخاف منه هوه كلش كارهني من رجعت لليوم ما شفت نظرة حب بعيونه
من وصل للباب اباوعله  رفع راسه ويباوع على الباب  فدوه لعينك يا خسارة عمري
سلم وطلع واني شبعت بجي انوب اجتي حوراء دخلت تبجي حظنتها وكمنا نبجي سوه بيومها كل احنه لا اكل ولا شرب راح علاوي وامجد يوصلونه للمطار  وبس رجع علاوي عيونه حمر خله وصعد لغرفته ثاني يوم من خابر على علاوي وحته ويه حوراء وحمودي هم حجه وياه هذا ابو لسان ومعذرب اسمع صوت ضحكته وهوه يسولف وياه الله يسعدك ان شاء الله