عند سعود اللي اتجهه صوب المجلس الخارجي و لقى
ابو الترف ( عمه محمد )
ابوه ( محسن )
ابو سلُيم ( عمه سلطان )
جده عبدالله
و اخيراً جدته ( مويضي )
دخل و سلم عليهم و جلس بجنب جدته و هو ع وجهه واضح الضيق
: يا يمه سعود ليش كذا وجهك واضح عليه الزعل ؟
سعود : ابد يا جده مابه شىء بس عشاني ما رقدت زين
" للتوضيح هنا كانت الترف بعمر ١٢ و سعود بعمر ١٥ و سلُيم اكبر من الترف بسنه ١٣ "
مويضي : اجل يمك اخذ لك غطه ع بال ما يأذن الظهر
سعود : ابشري ع خشمي
مويضي : نوم العافيه يمك
,و قام من عند جدته و حب رأسها : يلا استأذنكم
و راح متجهه لغرفة جده الموجوده بالحوش برا
لمحت الترف سعود طالع من المجلس و ركضت له : سعود وقف وقف بقولك شىء
مشى سعود و هو ما يرد عليها , و ركضت له بسرعه و سحبته مع كتفه
: انا يوم اناديك ليش تسفهني ؟
سعود : كلنا نعرف زين ليش اصد عنتس
الترف : سعود والله ما كنت قاصده ازعلك بس كنت اطقطق ما هقيت انك تأخذ الموضوع بشكل جدي
سعود : ما اخذ الموضوع بجدية ؟ هههههههههههههههههههههههههههههههههههه انتي تعرفين زين اني ما اداني سلُيم اللي واقفه تلعبين معه !
الترف : الحين اللي مزعلك وش ، هو مزحي لك و لا عشاني لعبت مع سلُيم ؟
سعود : كلها ي الترف كلها
تقدمت الترف و همست له
: تدري اني كنت قاصده اني امازحك ؟ لأن احب اراضيك
و ابوعدك يا سعود اني احبك ياللي أيامي بدونك . . ما هي من العمر .
ابتسم سعود و قال و هو يتأمل عيونها :
و اني انا اشيلتس في العيون و ابقى احبتس للأبد ..
بس جربي انتس ما تتعودين حركتس لأنه يمكن الجايه ما ارضى ؟
الترف : معليك برضيك بطريقتي (;
ضحكت الترف و ابعدت عنه و سعود قعد يشوف مشيتها و كيف شعرها الأسود الطويل يتهبهب مع الهواء و كان شكلها كفيل بأنه يسرق قلب سعود .. و لين دخلت قسم الحريم و عود يدخل غرفة جده و هو يفكر فيها
دخلت الترف الصاله و الابتسامه شاقه وجهها و دخلت و تسلم ع زوجة عمها ام سلُيم
———————————————————————-
لحظه لحظه تعريف بسيط عن عائلة ابو سلُيم
ابو سلُيم " سلطان " ( اصغر عيال عبدالله ) ٤٣ عاماً :
" ابو وجهين " وجه يكون معك طيب .. و من وراك يعلم الله
ام سلُيم ( مها ) ٤٠ عاماً :
شفتوا رجالها و انه ابو وجهين ؟ ها مها العن منه هههههههههههههههههههههههههههههههههههه
سلُيم ( اكبر عيال سلطان ) ٢٠ عاماً :
عسكري .. مستقر .. مهمل .. و بخيل .. قلبه بدون رحمه
" تقدرون تقولون ماله مشاعر ذا "
و اخيراً رهفُ ( اكبر بنات سلطان و الوحيده ) ١٦ عاماً :
هي شوفوا لو تسلمون من لسانها بس ! .. عليها زين يشلع القلب " بس تخسي تجي زي حلاوة الترف " .
————————————————————————
دخلت الصاله و سلمت على ام سلُيم و عودت تجلس جنب هنادي اختها
: عسى سعادتس دايمه .. هههههههههههههههههههههههههههههههههههه بس يا ربي من سببها
الترف : الله يديم اسبابها
هنادي : امين و يجمعتس معه
الترف بتنهيدة سمعها كل من بالصاله : اميناات و ثم امينات
هنادي : اص اص فضحتينا عند رهُف و امها و عاد مانا سالمين من كلامهم و كثرت اسئلتهم
و طاح نظر الترف بعين رهُف اللي ما منها خير
————————————————————————
وصلنا لآخر البارت الـ 3 🫶🏻 ..
يا ترى سعود بيملى عينه احد غير الترف ؟
و هل رهُف بتقدر تفرق بينهم ؟
او بيجمع النصيب الترف و سعود ؟
