سعود : ها اطلعي قبل ما يجي احد , و انا يالله افتكيت من ابوي من السالفه اللي راحت
الترف : ها انتبه لك , ترا ما فيك روح وحده ترا فيك روحين
سعود وهو يضحك و يأشر على عينه : من عيوني ذي قبل ذي
ابتسمت له الترف و راحت لغرفتها و كانت الابتسامه ما تفارق مبسمها ..
___________________________
" عند حمُيد "
صحى حمُيد من النوم "الساعه 12 الظهر " و كانت هيُام منسدحه وراه و غاطه بالنوم " ما كذب يوم قال انها تحب النوم 🤣 "
طالع فيها حمُيد و لا حب يصحيها لأنه يبي يتأمل الملاك اللي جنبه , فعلاً كانت هيُام جميله جميله .. و صار يمسح على شعرها و شوي و شوي باسها على خدها لحتى ما صحت
هيُام بنعاس كبييييييييير: صباح الخير
حمُيد : مساء الخير يا الطيبه شوفي الساعه كم
غطت هيُام نفسها بالبطانيه : خمس دقايق بس و بقوم
رفع حمُيد البطانيه عنها : وش اللي خمس دقايق ؟ لتس اكثر من ٨ ساعات راقده ما شبعتي فيها ؟
هيُام : لا
حمُيد : اذا ما قمتي بعلمتس كيف تقومين !
هيُام : ها جرب
حمُيد : تتحدين يعني ؟
هزت هيُام راسها بالايجاب : اي
قرب منها حمُيد و مسك يدينها : انتي تتحديني ؟ هههههههههه
و بعدها صار اللي صار 🌚🌚🌚🌚
_________________________________
" عند نويصُر "
قعد يسولف و يضحك على تعليقات و هواشات علي و عبيُد لين أذن المغرب , و ثم تفرقوا و كل واحد توضئ و اتجهه للمسجد
و بعد ما صلى نويصُر سيييييييييده على الغرفه و دخلها و سكر عليه و شغل المكيف , و يوم انسدح تذكر انه ما اتصل على هيُام و ما تطمن عليها , و دامه ما يبي ينام الحين " لانه ما يداني نومة المغرب " بيكلمها ..
دق عليها نويصُر : سلام عليكم
هيُام : و عليكم السلام , من معي ؟
استغرب نويصُر انها تسأله !! معقوله ما تدري انه انا ناصر !! : هيُام ؟
هيُام : مين معي ؟؟
طالع نويصُر في الجوال مره ثانيه و ثم تذكر انه متصل عليها من رقم الشركه ^_^ : ناصر ناصر
هيُام : ناصر ؟؟؟ يا مرحبا اي والله ، اعذرني والله ما عرفتك عشان رقمك الجديد
نويصُر : اي دقيت من رقم الشركه بالغلط هههههههههههههه
هيُام : مو مشكله هههههههههه , وش اخبارك عساك بخير ؟
نويصُر : بخير الحمدلله , و ما انشد الا عندتس
هيُام بعفويه : عاني صرت بخير يوم سمعت صوتك
نويصُر : يا لبى عينتس اي والله ههههههههههه
هيُام : الله يلبيك , شفيه صوتك كأنك تعبان ؟؟؟ فيك شىء ؟
نويصُر : لا والله ما فيني شىء بس عشاني ما رقدت من فجر
هيُام بأستغراب : مو من عادتك تواصل ..
نويصُر : حدني الدوام و لا كان ما واصلت للحين
هيُام : ياااااااا لبييييييه الله يسهل امورك يا رب
نويصُر : ياللهم امين , وشلون حمُيد ؟ حبيب القلب
هيُام انحرجت : بخير بخير •_•
نويصُر : لا يكون مقصر على اختي بشىء ؟
هيُام : لا والله عزالله ما قصر بشىء , كل شىء ابيه عندي
نويصُر : اكيد ؟ , و يا هيُامي لا تحسبين ان ما وراتس اخو و عضيد .. و لا تنسين هاذا الشىء , ابد اذا ما ارتحتي معه او قالتس شىء او رفع يده !! دقي علي و لا تترددين .
هيُام : الله يخليك لي و لا يحرمني منك يا العضيد , و يشهد الله اني ما شفت منه قصور , و ابد ماني متردده بدق عليك
نويصُر : هالحمدلله يا رب , ها يالله يا حبيبتي انا بسكر , تأمريني بشىء ؟
هيُام : ابد سلامتك , و ارقد زين لا ترهق نفسك
نويصُر : ابشري ابشري
هيُام : هالله يستر عليك
و سكر نويصُر , و كان يحب هيُام لأن ماله غيرها احد و هي القريبه لقلبه , و حب يذكرها انه لا تحسب ما وراها احد و هو موجود ..
________________________________
" عند جدنا برنيه "
عبدالله : يا عيال
محسن - ابو سلُيم - محمد : يا لبيه يا ابوي
عبدالله : اليوم وين معزومين للعشاء ؟
محسن : والله محد عزم للحين
عبدالله : ها زين , ابو طارق " جارهم " عازمني للعشاء و قال اني اعلمكم و نروح له , و الرجال قد وافقت له
محسن : ان شاء الله
محمد : الله يبقيه
ابو سلُيم : العشاء لمنهو ؟
عبدالله : عشاء معترض لنسيبه
ابو سلُيم : زين زين
طلع عليهم سعود بالحوش : سلام عليكم
الكل : و عليكم السلام و الرحمه
محمد " ابو الترف " : سعود جيت بوقتك
سعود : لبيه
محمد : عاين وين سلُيم ؟ راح يجيب القهوه و تأخر
سعود : ابشر الحين بروح
راح سعود للمطبخ و كانت المفاجاه له فعلاً !!!
دخل و لقى سلُيم يعاين بالترف من عند باب المقلط و هي بالمطبخ تشتغل و حرفياً قعد يفور و يفور من القهر ..
__________________________________
انتهى البارت 30 ..
