بعد ما صلى عبدالله صلاة الظهر اتجهه لغرفته و لقى سعود راقد بالارض و متلحف
: قم جعل عمرك ما يزين يوم جاء وقت الصلاه رقدت
و طقه عبدالله برجله العصا عشان يقوم به
فز سعود بطوله اول ما شاف جده واقف و معصب منه
: لبيه
عبدالله : لا صلاه و لا عباده و راقد يوم اقرب وقت الصلاه
صلينا و طلعنا و انت مدد عمرك راقد ؟
سعود : والله محد قومني ي جد و لا كان صليت معكم
عبدالله : و جالس عندي للحين و وقت الصلاه راح ؟ ثم قامت قيامتك قم
قام سعود و طلع و توضى و صلى و يوم انتهى من صلاته راح وراه للمطبخ يشوف الغداء
دخل سعود المطبخ و شاف الترف توزع الغداء و بشاير كالعاده جالسه و كأن ما فيه شغل و تاركه الترف
: مساء الخير
الترف : هلا هلا مساء النور للي ما بغى يقوم
مشى سعود و جلس فوق الطاوله يأكل العنب اللي مجهزته للفواكه
: سعود لا تأكله يالله يكفي للفواكه
سعود : عادي لا تحطين عنب ما هو بلازم , الا انتِ اللي هناك " يقصد بشاير " ما ودتس تقومين تساعدين الترف
طالعة بشاير فيه و قامت و طلعت من المطبخ و انقهر سعود من حركتها و هو اساساً تعود عليها و طنش
: دامه مافي الا انا و انتِ خليني اساعدتس
الترف : انت خص لا تساعدني
سعود : افا يالترف و ليه ؟
الترف : انت بدال ما تساعدني تحوس زود
سعود : هههههههههههههههههههههههههههههههههههه لا معليتس معليتس تغيرت
الترف : والله ما ضنتي بس امسك القدر اغرف الغدا في
الصحن
سعود : ها هاتيه
اخذت الترف القدر و اعطته
سعود : شرايتس اقلبها كأنها مقلوبه
الترف : سو اللي تسويه بس اهم شىء تعجل علي
اخذ سعود القدر و هو يقلبها ع الصحن بقوه و كسر الصحن 🤌🏻
الترف بعصبيه : والله اني داريه انك مانك مفلح و بتجيب العيد , هالحين وش بتسوي ؟ بتقدمه لهم و الصحن منكسر ؟
سعود : والله ما هقيت انه بينكسر و بعدين عادي بأخذ الصحن و بطشه و بحط الغدا اللي منثور فوق الطاوله بصحن ثاني
الترف : انا استسلمت بروح انادي نوره
و راحت الترف تناديها بس سحبها سعود قبل ماتطلع مع الباب و قال بصوته العذب :
اي والله يحق لك يا أم العيون الوساع
الروم و الغطرسه و الهيمنه و الكبر
شيخة جمالٍ تسبب للعذاري صداع
و شيهانةٍ مالها عن مجد اهلها وكر
صورتس فيها جمال اليوسفيات ضاع
و اسمتس حروفه ما تترك للأسامي عذر
و الليل لو تلبسينه سترٍ فوق الشعاع
شعاع طلتس ما بيني و بينه ستر
اعشقتس عشق العزاوي لا تعزوا الشجاع
و غلا عيونتس غناهُ ما بعدها فقر . .
و كانت الترف هيمانهُ بكلامه و كيف عيونه اللي تتكلم بحب مو لسانه , و هي كانت متعوده ع الغزل و القصيد اللي يقوله لها
الترف : مالي غناهُ عنك يا مال الغناهُ انت الحياه اللي اهيم بحبها
طيفك يحاصرني مع كل اتجاه
قاطعها سعود و قال : يا أجمل مواضيع القصيد و لبها
شفتي لا قالوا تحب الحياه ؟
اتخيلتس و اقول اي والله احبها . .
و مع تأملهم لبعض قاطعتهم جيت " نوره "
: يا فضحي يالترف وراتس ما سترتي عمرتس عن سعود
الترف بأحراج من نوره : ان..
قاطعها سعود و قال : انا دخلت مدرعم و صدمت فيها و لا انا ما دريت انها موجوده
صد سعود و هو تمنى ان نوره ما جت و قاطعتهم
نوره : يا ما شاء الله يدخل مدرعم ما كأن احد بالبيت
الترف بهمس : ذي كيف اصارحها انه شبع من شوفي بعد هههههههههههههههههههههههههههههههههههه
نوره : قلتي شىء ؟
الترف : لا سلامتس
مشت نوره تأخذ الغدا و شافت الحوسه و الغدا منتثر و الصحن مكسور و كانت طاولة المطبخ حاله مزريه صدقق
: الترف وش ذا الحوسه ؟ ما تعرفين تغرفين الغدا ؟
الترف : ما هقيت انه بينكسر الصحن صخيف " خفيف "
و القدر اثقل منه بمرتين كيف تبينه ما ينكسر ؟ 🥹
نوره : اخلصي اغرفيه بصحن ثاني , وين بشاير ؟
الترف : مدري طلعت قبل شوي
خلصت الترف غرف الغدا و خذته نوره توديه لسعود
: يالله انك لا تهينها و تقويها
نوره : تسلم لبى عينك , هذاني جبت الغدا وده للرجال بالمجلس
أشر سعود ع خشمه و اخذ الغدا و راح يوديه للمجلس و تغدا معهم
" شفتوا يوم كانوا الترف و سعود بالمطبخ و يتبادلون القصيد ؟ كانت رهُف تطالع فيهم و غيرانه من الترف و كيف سعود يحبها "
رهُف : اذا ما خليتس يالترف تكرهين سعود ما اموت رهُف
الترف : رهُف امشيي جدتي تنتظرنا ع الغدا
مشت رهُف من جنبها و تطالع فيها بحقد
الترف بهمس : عسى ذا العين الفقع
خلصوا الحريم الغدا و دخلت بشاير و الترف المطبخ يغسلون المواعين
استغلت رهُف الوضع و اخذت جوال الترف
: اذا ما قهرتس يالترف طيب طيب
ارسلت لسعود و قالت " بعد ما يقيلون " ينامون "كلهم تعال قابلني بالمخزن اللي بالحوش برا , حذفت الرساله من جوال الترف و راحت ترجعه و لا كأن شىء صار
————————————————————————
انتهى البارت الـ 4
و الترف بتكره سعود و يفترقون ؟
و مين راح يعرف ان رهُف و سعود اجتمعوا ؟
