" عند نويصُر "
اخذ نويصرُ جواله و اتصل على عبيُد : الو عبدالرحمن
عُبيد و صوته يالله يوصل نويُصر : هلا ناصررر
نوُيصر : قريب انت من محطة ******
عبُيد : اي قريب من المحطة , ليش وش بغيت ؟ آمرني
نويُصر : يا اخوي جتني حرمه " أمرأه " و هي تصدمني من جنب المرافق و انععععدم كلياً و ابيك تجيني تأخذني .. اول شىء بنجيب رافعه تودي موتري للصناعيه و ثم بركب معك و اروح استرررريح بالشقه عشان عندي دوام بعد شوووي ..
عبُيد : يلاا عاني جاييييك
- وصل عبُيد عند نويصُر و خذوا الموتر للصناعيه و اخذ عبُيد نويصُر و وداهه للشقه .. و بعد ما وصل نويصُر للشقه تروش على طوووول و خذا له خطه ام ساعه و طلع لدواممممه بسيارة علي و كاااانن جداً هلكااان
وصل سعود للشركة و لما دخل لمكتبه " مكتب ناصر مشترك مع شخصين معه بنفس الغرفه " كانوا يتكلمون عن بنت المدير و كيف تصرفاتها و من هاذا الكلام ...
نويصُر : سلام علييكم
: يا مرحبا و علييكم السلام
نويصُر : شفيك انت ووياهه تتهامسون وش عندكم ؟
راكان : بنت المدير جتنا اليوم و يا ولد جايتك متكبره و رافعه خشمها
نويصُر : وهي وش جابها ؟
راكان : والله ما ادري , بس يقولون من بعد اليوم بتكون بالشركة
نويصُر : ما هو ناقصنا الا هي عاد يوم جت
راكان هو يجلس على كرسيه قعد يدور فيه : لو تصير مديرتي يا عييباهه !!!
خالد " خويهم الثالث بالمكتب " : و تدري وش اسمها ؟؟
نويصُر : وش اسمها ؟
راكان : نجد
نويصُر : نجد !
و لما نويصُر نطق اسمها دخل المدير و بنته للمكتب
المدير : اسمع اسم بنتي انتشر على طول بينكم
-فز ناصر و راكان و خالد من اماكنهم و وقفوا -
و مع قمزت نويصُر طاحت عينه بعين نجد
" البنت اللي صدمته "
نويصُر و هو يكلم نفسه : هاذي نجد اللي صدامتني !
" عند نجد "
لما دخلت المكتب مع ابوها , كانوا الشباب جالسين بالكراسي حول بعض " و ناصر كان معطيهم ظهره و جالس يسمع خالد و هو يتكلم عن نجد "
و لما تكلم المدير كلهم فزوا و لما وقف ناصر اقطبته " ناظرته" ً نجد و على طول تذكرت الأحداث اللي صارت بينها وبينه ...
_____________________________
" عند هيُام "
- بعد ما واصلت هي و حمُيد للفجر , صلوا و من بعدها دخلوا غرفتهم و كل واحد انسدح ..
هيُام : محمد
حمُيد : لبيه
هيُام : الله يلبيك , بسألك
حمُيد : اسمعتس
هيُام : لو جانا بنت او ولد وش تسميهم ؟
حمُيد و هو يمسك يدينها : هُمم للحين ما قررت , في اسم ببالتس الحين ؟
هيُام : اي و من زمان مقرره
حمُيد : و من زمان بعد !! هههههههههههه اي قولي ؟
هيُام : اذا كانت بنات بسميها " توق " , و اذا ولد بسميه " سلطان "
حمُيد : ابو سلطااان , يا جعله يسقى اذا احد ناداني ايااهه
هيُام و هي تلف لصوب حمُيد : ابو سلطااان
و لف عليها حمُيد : و لبيييه يا ام سلطاان
و بعدها صارت سالفة متزوجين مالنا فيها لزوم 🙈 ..
__________________________
" عند الترف "
نوره : لا اله الا الله .. بنات وش صاير ؟ وش ذا القزاز المنتثر عند الباب , عسى ماشر ؟ صاير شىء !!
قامت الترف و انطلت " رمت " القزازه على الأرض و طلعت بدون ما تقول شىء و راحت للحوش الخلفي للبيت ..
و على طلوعها من الغرفه شافها سعود و لحقها : ترف
التفت الترف لسعود و على طول ضمته و بدت تبكي 😢
ضمها سعود و قعد يمسح على شعرها : بس بس ليش البكي يا نظر عيني انتِ ؟
الترف بكل حزن و كلام متقطع و تناهيت : يا سعود مانبي نروح والله مانبي نروح , بس الظروف بتجبرنا يا سعوود .. والله اني اتمنى الموت و لا اروحح للرياض مع ابوي ..
سعود : ونعنبوا من غصبتس انتس تروحين
زحفت "ابتعدت" عن سعود و صارت تمسح دموعها : سعود !! امنتك الله انك ما تروح و لا تقول آي كلمه , انت ما تتخيل قد ايش بيسوي !! هاذا الشىء ما راح يضرك بشىء .. كل شىء بيصيب خواتي , و ترجيتك يا سعود ما تقول شىء لأحد
مسح سعود على وجهه بعصبيه : انا بتكلم .. بس اوعدتس ما يصيبس و لا يصيب خواتس شىء .. " ما امدى سعود يتكلم الا وقاطعته الترف "
الترف : سعوود!!!! انا قلت لك ما راك تهرج !! و اذا هرجت ؟ لا تعرفني و لا اعرفك !!
سعود : و بتوصل المواصيل كذا ؟
الترف : اي بتووووصلل
مسك سعود يدين الترف : ترف انتِ خابرتني مستحيل اسوي شىء و هو يضرك انتِ او غيرك .. بس الحين بتكلم و اوعدتس و نذرٍ علي ما يصيبك شىء ، اذا هرجت مع جدي تتوقعين بيسكت ؟؟؟
الترف : يمكن الحين ابوي بيسكت لك , و بعد فتره يبدأ يرجع لك يا سعوود .. حلفتك بالله و سألتك بالله ما تهرج !
سعود : يلييللل يا ترف قسم بالله انتس ترفعين ضغطي .. الحين ها رحتي معه ! وش بيصير لك ؟؟ بينفعك طول عمرك بتعانين هاذي المعاناهه ؟ .. تهقين ابوتس بيتغير للأحسن و هاذا تعامله !! ترف ترف ترف اسمعيني زييييين , ابوتس ما راح يتغير الا بيزيد اذا محد وقفه عند حده
الترف : ما ابيه يتغير دامه بيضر احد يا سعووود
سعود : يا ترف ما راح يتضرر الا انتِ و خواتك و من غيركم ؟؟
اتركته الترف و دخلت لقسم الحريم و داريه لو يتكلمون زياده بيجرحون بعض و اكتفت انها تسكت و تتركه ..
سعود : ترف وينتس رايحه !
" و قال سعود بخاطره : هين هين يا محمد هين "
— و بعد مرور نص ساعه مشى محمد " ابو الترف " هو و بناته ...
و استغرب عبدالله " الجد " ليه البنات بكل هاذا الحزن ؟و هاذا و هم بيطلعون من الديره للمدينه!! ليش كل ذا الضيق ؟ ..
و سعود ): اللي ضاقت عليه الدنيا و هي وش وسعهاا , كيف يخلي الترف تروح و هو عارف وش بيكون مصيرهن مع ابوهن ؟ كيف يخليها تبدأ تعاني ؟ ليش ما سوا شىء و خلاها تجلس ؟
و انقطع تفكير سعود ما قال محمد " ابو الترف " : يالله اركبوا السياااره
و ثم طاحت عينه بعين الترف اللي مليييياااانه عتاب و حزن و ضيق .. و قرب لها سعود و من بعيد و هو يقول لها : استودعتس الله , و لا تنسين اني بأقرب وقت بجيتس و اخذتس كزوجة لي , و انتظريني والله ما اخليتس
زادت دموع الترف من كلام سعود و قالت له : بأنتظارك يا سعود لين يوم وفاتي
— نادى محمد الترف و ركبوا و توجهوا للرياض
و سعود اللي ما تحمل و طلع من البييييت و ضاقت فيه الوسيييعه
____________________________
انتهى البارت 40 ..
و افترقت طرقااات سعود و الترف ): ..
