استندت الترف على كتف سعود : ليتنا يا سعود نقعد كذا للأبد
سعود : يا ليت الليت .. بس خليني اتوظف و اضبط شغلي و ثم نذر ان اخذتس
الترف بضحك : اخاف انك تتوظف و تسحب علي هههههههه
سعود : افاااا و تهقين مني اسويها ؟
الترف : الله و اعلم 🤷🏻♀️
سعود : ترف
الترف : لبيه
سعود : سكري فمتس
الترف : سم ههههههههههههه
طال صمتهم لمدة نص ساعه و كان سعود مستمتع و هي الترف جنبه ..
سعود : ترف بقولتس
الترف : اسمعك
سعود : عمي بيمشي بكره الساعه 12 الظهر
الترف : ابوي ؟
سعود : اي
الترف : زي دايم بيروح و يرجع
سعود : بس ذا المره يقول بأخذ بناتي
الترف : بس هو ما قالنا شىء !
سعود : يمكن يعلمتس الفجر , بس عيي انتس تروحين
الترف : و متى شفته يسمع كلامي انا و خواتي ؟
سعود : و ليه ؟
سكتت الترف و لا كانت تبيه يدري وش كانت تعاني ضرب من ابوها ..
الترف : كلهم عماني كذا ما يسمعون كلامنا
سعود : ترف فيه شىء اهرجي
قامت الترف و جلست بعيد عن سعود : اقولك مافيه شىء
سعود : اذا ما علمتيني نذر ان تزعلين !!
الترف : ما فيه شىء يا سعود .. و يوم تكلمت انفجرت الترف بكاء
سعود و هو يقرب منها : افااا يالترف تبكين ؟
حضنته الترف و بدت تزداد بكاء : انا تعبت يا سعود تعبت
سعود و هو يمسح على ظهرها : يا عسى تعبتس بضلوعي اي والله , وش متعبتس يا محبوبتي ؟
الترف : تعبت من ابوي .. يعاملني انا و خواتي معاملة كلاب يا سعود و يحملني مسؤولية كل شىء و اتمنى اروح لقبري و لا اروح معه , ابوي يا سعود ما يرحم كل يوم ضرب و كل يوم مذله , ابوي يعاملنا ما كأننا بناته .. و ايام المستشفى لولا الله و ثم انت يا ضني ذبحني ! يا سعود مابي اروووووح و اذا تكلمت معه نذر ان يسفهني و لا يدري عن خبري
سعود : يا نعنبوا وجهه !! كيف سوا فيكم كل ذا و لا تكلمتوا ؟ و لا على الأقل ما علمتيني ؟ ليه ليه سكتي له ؟؟؟
ليه خفتي منه يا ترف ؟ ليه ما واجهتيني و علمتيني ؟ .. والله و ثم والله ان يندم على كل اللي سواهه .. نعبنوه صدق كيف قوى قلبه عليكن !!!!!! و انتن بناته بعد !!!!
الترف : كنت ما ابيك تنشغل فيني و تدخل نفسك بمشاكل و خليت ابوي يسوي فيك بكره شىء , انا و خواتي ما سكتنا الا على شأن ابوي ما يضر احد بمشاكله , صح خفت و لكن ما قويت اشكي عن ابوي يا سعود ! بس سألتك بالله يا سعود تقفل على الموضوع و لا تسوي شىء !! و لا كأنك دريت عن سوايا ابوي و وش يفعل .. و احلف لي انك ما تسوي شىء !!
انصدم سعود بحلفها : ترف ؟؟؟ مريضه انتِ ؟ كيف ينسكت لواحد ابن حرا///م مثله ؟؟؟ تحسبين الموضوع زي السلام عليكم و اقفل عليه و كأني ما سمعته ؟؟ بكره لو ذبحتس بينفعس حلفتس علي اني اسكت له ؟!! و لا بكره ينفعتس اذا سترتي عليه و ذبح النجود ولا هنادي ؟؟؟؟ , اححح قسم انها كأنها جمره و انحطت على صدري من سوايا عمي ..
الترف : والله بكره بينفعني انك ما تدخلت بمشاكل ابوي يا سعود و انا والله ابي مصلحتك و لا ابي يصيبك شىء .. و انت خابر ابوي قسم لو تشتكي و تسوي و تفعل !! ما يهز منه شعره و بيزيد علينااا و لا كأنك فعلت شىء ..
سعود : ترف لا تقهريني يا ترف انا كيف تبيني اسكت و لا كأني سمعت شىء !!!!! ترف هاذا الشىء مو لعبه و ينسكت لها يا ترف
الترف : بتسكت يا سعود و بتسكت
ارتفع ضغط سعود من برودة الترف : ترف تراتس جلطتيني يا ترف لا تقهريني زووووووود
الترف : سعود بتسكت و لا كأنك سمعت مني شىء!!!!
قام سعود من عند الترف و اخذ الكرسي و كسره و كسره و حط الحرهه فيه لييييييييييييين تكسر كلياً ..
الترف : بس بس بس كسرت الكرسي
ناظرها سعود بكل برود و جمود و تركها
الترف : سعود وينك راييييح ؟؟؟
سفها سعود و نزل للمجلس و قفل عليه ..
الترف : يا خوفي انه يسوي شىء !____________________________
تتوقعون بيستجيب سعود لحلف الترف ؟
او بيقدم شكوى بخصوص عمه محمد ؟
او او او يمكن يمكن يسكت له 🤷🏻♀️ !
انتهى بارت 35 ..
