ما بين الحرب و الحب . .

19

بعد انتظار دام لـ ٣ ساعات انتهت عملية الترف
و من ثم طلع حمُيد من غرفة العمليات , و يوم طلع مسكه سعود
سعود : ها يا حمُيد وش صار لها ؟
حمُيد : الحمدالله يا رب نجحت العمليه و بعد شوي ان شاء الله بنطلعها لغرفة التنويم . .
عبدالله : الله يبشرك بالخير
زفر سعود براحه : يا ربي لك الحمد الحمدالله
محمد " ابو الترف " : الحمدالله, متى نقدر نشوفها ؟
حمُيد : بيأخذونها لغرفة التنويم الان , بس لا تطولون عندها عشان تقدر ترتاح , يلا و ان شاء الله ما تشوف شر
محمد & عبدالله : يعطيك العافيه يا دكتور ما قصرت 
حمُيد : هاذا واجبي
تركهم حمُيد و كان رايح لغرفته لكن ! وقفته مسكت احد له
حمُيد : ها يا سعود
سعود : والله ادري اني ناشب بحلقك بس اسمع
حمُيد : زعلتني بكلامك ترا
سعود : ما عاش من زعلك ههههههههههه
حمُيد : اخلص اخلص قل وش تبي هههههههههههه
سعود : ابيك تصرفهم تكفى يا حمُيد
حمُيد : كيف تبيني اصرفهم بالله ههههههه
سعود : تكفى يا حمُيد قل انك تبيهم يعبون اوراق او تبي تعرف وش سبب طعنها , ابي اكون اول مايشوفها
حمُيد : بصرفهم بس بشرط !
سعود : وش شرطك
حمُيد : تقهويني بعد ذا كله , بس مو آي قهوه !
سعود : تم تم تم بقهويك قهوه ع كيف مخك بس صرفهم
حمُيد : ها يلا
————————————————————————
" بالبيت "
نوره : اتصلتي على ابوك طلعت ترف و لا باقي ؟
هنادي : اي كلمته و يقول للحين بالعمليات
مويضي : الله يقومها بالسلامه و عيني خير يا نوره و ان شاء الله ما فيها شىء
النجود : كيف يا جده ما فيها شىء ؟ انتي ما شفتي كيف كان شكلها و حالتها يوم انها بحضن سعود !
نوره : بس بس انتي و هي ماني بجالسه اسمع حلطمتكن
اشرت على هنادي : قومي عطيني جوالي اكلم ابوتس
اعطتها هنادي الجوال و اتصلت على عبدالله . .
————————————————————————
دق جوال عبدالله و كانت نوره و رد عليها
: هلا يا نوره
نوره : وش صار على ترف
عبدالله : الحمدالله و طلعت من العمليات و ان شاءالله انها طيبه
و قاطعتهم جيت حمُيد
عبدالله : يلا جاني الدكتور اكلمتس بعدين
سكر عبدالله جواله و مشى هو و عياله مع حمُيد بحكم انه عندهم اوراق ناقصه بخصوص الترف
و استغل سعود الوضع و دخل على الترف بغرفة التنويم
سعود : يا مرحبباااا يا ترف سعود
حاولت الترف تتكلم بس سكتها سعود : لا تتكلمين و تتعبين عمرتس , خليني احكي و اسمعي لي يا غُلاي انتي
, و الحمدالله على سلامتس و انا والله لو فقدتس بكون فاقد لي بلد مو حبيب . .
————————————————————————
انتهى البارت 19 . .
اعجبكم نزلت لكم ٣ بارتات 🥳