بعد ساعه تقريباً من يوم سكر عبدالله من مويضي , دخلوا على الترف و استقبلتهم بإبتسامه و رحابة وجهه
عبدالله : الحمدالله على سلامتس و انا ابوتس ما تشوفين شر
محمد " ابو الترف " : طهور ان شاء الله يا بنيتي و اجر و احتسب , و عساس ما عاد تشوفين شر
الترف : الله يسلمكم و اللهم امين
و ثم رفعت نظرها و وقعت على عيون عمها محسن و كان واضح عليه الندم و لا كان يدري كيف يعتذر لها . .
محسن : الحمدالله على السلامه و انا عمتس , و اعتذر لتس و انا والله ماني بعامد و لا قاصد اني اطعنتس و لكن والله ما ارضى عليتس حتى لو مشخه , و انا اعتبرتس مثل بنتي و لا اتمنى لتس الشر , و اعيد و اكرر انا اعتذر لتس . .
الترف : الله يسلمك , والله اني داريه يا عم مانك بقاصد و لا فيها شك , و النعم فيك والله , و لا كان فيها داعي تعتذر و انا شهادتي فيك مجروحه و كنت واثقه مانك بقاصد , و ها عاين جت خفيفه و بدون آي مشكله .
محسن : الله يخليتس يا بنيتي و النعم بحالتس , و الحمدالله و عسى الصحه دايمه عليتس
هزت الترف راسها : اجمعين يا رب
عبدالله : يلا انا و محسن نستأذنكم ما جينا الا عشان نتطمن على الترف و هاذي هي تزقح " بمعنى بخير "
محسن : يلا مع السلامه
محمد " ابو الترف " : الله يستر عليكم و لا يهينكم و اتعبتكم
عبدالله : و لا انت , لا مابها تعب .. بس الحقونا لا تتأخرون
الترف : ابشر يا جد بجيكم ماني بصابره عنكم
عبدالله : هالله يقويتس عجلي بالجيييه
الترف : ازهلها هههههههههههههه
ضحك محسن و عبدالله و طلعوا و توجهه للبيت .
__________________________________________
بعد ما ضحكوا حمُيد و سعود على مواقفهم قديم
قاطعتهم جيت ابو سعود , محسن : يلا سعود مشينا
سعود : على وين يا ابوي ؟
محسن : للبيت يلا امش
سعود : بجلس هنيا ماني برايح , بلحقكم مع عمي محمد
محسن : بصرك متى ما جيت تعال
" محسن ما كان يبي يحارج سعود و لا كان له نفس ابداً و تركه "
سكر محسن الباب و ركب بمرتبة السواق و ابوه مرافق
عبدالله : وينه سعود
محسن : يقول انه يبي يجلس و كبيته " بمعنى خليته "
عبدالله : يا نعنبوا وجهه يبي يجلس , و ليش ؟
محسن : والله مدري عنه
مشى محسن و قفل عبدالله الموضوع لانه مايبيه يطول .
__________________________________________
طالت السوالف بين حمُيد و سعود , بين فضفضه و كيف كانوا مشتاقين ثنينهم لبعض . .
حمُيد : من متى تحبها
سعود : تقصد الترف ؟
حمُيد : اي
سعود : من يوم كنت ثاني متوسط و انا احبها
حمُيد : افا و لا علمتني
سعود : والله و تصدق ؟ مدري ليش ما علمتك
حمُيد : الشكوى لله ^_^
ضحك سعود و هو يقول له : مدري يا اخوي من يوم شفتها ببيت جدي و لأول مره حسيت انه فيه شىء يجذبني فيها , و من عقبها و انا احبها و احب كل تفاصيلها ):
حمُيد : الله يديم محبتكم و يكتب لكم نصيب لبعض
سعود بتنهيدة : مثل ما قلت لك بالسياره ذاك اليوم انا طحت لي ما بين الحرب و الحب . .
حمُيد : و جدك صامل يزوجك رهُف
سعود : اي والله و صامل , لكن نذر ما اخذاها
حمُيد : انت ما تبيها عشان الترف ! اكيد فيه اسباب ثانيه !!
سعود : اي و تخيل وش سوت فيني انا و الترف , اخذت جوال الترف و راسلتني كأنها هي .... قاله سعود كل علومها و كيف انها خسيسه و ما يدانيها
حمُيد : والله و ذي تمادت و بقوه , و وراك ما تقول لجدك كل علومها ؟
سعود : كيف تبيني اقول له ؟ اقول بنت ولدك سوت كل هاذي البلاوي ؟
حمُيد : اي و وش فيها يوم انك ما تهرج ؟ افضل من انه يغصبك تتزوجها
سعود : يا اخوي ما عندي الجرأه اقول له
حمُيد : اتركنا منها , الترف تدري ؟
سعود : لا
حط حمُيد يده على رأسه : يا راسي صدعت !!!!
سعود بضحكه : شفيك ههههههههههه
حمُيد : كان علمتها يا ولد , الحين لو درت من احد غيرك بترجع لك ؟
سعود : ادري ادري بس انتظر الوقت المناسب . بس لحظه يا حميدان اشوفك تفهم في هاذي الامور ؟
تكى حمُيد و تعدل بالجلسة : احم خبره سنتين زواج و تبيني ما افهم بهاذي الامور ؟
انصدم سعود و لا توقع بأن حمُيد متزوج ! : عشتووووووا و طلع الاخ متزوج بعد ! و انا آخر من يعلم !!!!!
ضحك حمُيد : ما عطيتني فرصه اتكلم راحت علومنا فيك
سعود : يا ما شاء الله وربي ما توقعت انك متزوج . .
__________________________________________
انتهى البارت 21 . .
بالبارت الجاي بنتعرف على شخصيه جديده 😎
