ချူရှင်း မင်းသားအန်းနဲ့ တွေ့ဆုံဖို့ နန်းပြင်ထွက်လာခဲ့ပေမယ့် အချင်းချင်းမမြင်ကြည်ကြသည့်နှစ်ဉီး မည်သို့ ပြောဆိုဆွေးနွေးရမည်မှန်း မသိသောကြောင့် အတော်လေး ဉီးနှောက်ခြောက်နေလေပြီ....
တော်ဝင်ညီလာခံမှာ မတည်မငြိမ်မှုတွေ ဖြစ်လာမှာစိုးတဲ့အတွက် မင်းသားအန်းကို ဘုရင်ခံအဖြစ် ယာယီအုပ်ချုပ်ခွင့်ပေးထားကြောင်း အမိန့်စာ အတုကိုလည်း ထုတ်ပြန်ကြေငြာခဲ့ရသေးတယ်....
မင်းသားအန်းရဲ့ နောက်ခံအင်အားကြောင့် အတင်းအဖျဉ်းများသည်လည်း အခြေမြစ်ရှိလိမ့်မည်မဟုတ်...
ကျင်းကျောက်ကလွဲရင် မင်းသားအန်းတစ်ဉီးတည်းကသာ တော်ဝင်သွေးရှိသူတစ်ဉီးဖြစ်တဲ့အပြင် ချူရှင်းရဲ့ ကူညီထောက်ပံ့ပေးမှုတွေပါရှိနေတဲ့အတွက် မည်သူမျှ မလှုပ်ရှားရဲတော့ပေ.....
ချူရှင်း ရှဲ့ဟယ်ကို အချိန်နဲ့အမျှ စိတ်ပူနေတာကြောင့် အပြင်မှာ ကြာငြာမနေနိုင်ခဲ့ပေ..ဒါ့ကြောင့် ရှဲ့ဟယ် မှာလိုက်တဲ့ ထန်ဟူလု နှစ်ချောင်းဝယ်ပြီး နန်းတော်ဆီ အသော့နှင်ခဲ့တယ်.....
သို့ပေမယ့် လမ်းတစ်ဝက်မှာတင် တားဆီးခံခဲ့ရတယ်.....
ချန်ချူံက ချူရှင်းရဲ့ မြင်းရှေ့မှာ ပိတ်ရပ်နေပြီး မီးဝင်းဝင်းတောက်နေတဲ့ အကြည့်တွေနဲ့ ကြည့်နေတယ်.....
ချူရှင်း သက်ပြင်းချလိုက်ပြီး....
" တခြားမှာ သွားပြောရအောင်...."
နှစ်ဉီးစလုံး မြင်းတွေကို သစ်ပင်မှာချည်ထားပြီး ခြေထောက်အောက်က မြက်ခင်းပြင်ကို အကြောင်းမဲ့ ငေ့းကြည့်နေကြတယ်....
ချူရှင်း လက်နှစ်ဖက်စလုံးနောက်ပစ်ထားပြီး လေညှင်းခံရင်း ......
" မင်း စိတ်ထဲရှိတာ အကုန်ပြောပါ....."
ချန်ချုံ ချူရှင်းကိုလှည့်ကြည့်လိုက်တဲ့အခါ သိပ်ကိုအံ့သြနေခဲ့မိတယ်....
သူဘာလို့ ဒီလောက် အေးဆေးနေတာလဲ....ရှောင်ယန်ကို သတ်လိုက်တဲ့ ဘုရင်ယုတ်ကို ဘယ်လိုကြောင့်များ လွယ်လွယ်လွှတ်ပေးနိုင်တာလဲ......
YOU ARE READING
ငါးဆားနူအထက်ပုဂ္ဂိုလ်တစ်ယောက်ကိုဖြားယောင်းခြင်းနည်းဗျူဟာ
General Fictionဝင်ဖတ်ကြည့်ပါ။အားမနာတမ်းဝေဖန်ပေးပါ။
