مرحبا اسمي ساره عمري حاليا ٢٥سنه وراح اكتبلكم قصتي سنه ٢٠٠٤من كان عمري ١٤سنه ...... اسمي ساره عمري ١٣سنه اعيش ويه ابويه وامي وخواتي اثنين بابا اسمه علي عمره ٤٢ ماما اسمهه انتصار عمرهه ٤٠ اختي الكبيره حوراء عمرهه ٢١ طالبه كليه تربيه قسم لغه عربيه اختي الوسطانيه اسماء عمرهه ١٩طالبه سادس اعدادي المفروض كليه بس عادت سنه تحسين معدل واني اخر العنقود سكر معقود ههههه ساره عمري ١٤ صف ثاني متوسط بس بعدنه ممداومين لان هسه نجحت للثاني واحنه حاليا بعطلة اخير السنه ومن جنه نداوم بعد نصف السنه طلبت من بابا اشتري موبايل طبعا جانن هسه داخلات الموبايلات للعراق واقتنع لان احنه بلبيت بس ابويه عنده تليفون وباعتباري اخر العنقود مدللة مينرفضلي طلب والحمدلله قبل بشرط انجح بتفوق وبلفعل نجحت وجابلي التليفون لسه اتذكره نوكيا الف وميه اسمه لون اسود ورصاصي وكولش فرحت بي لدرجه انه ماخلي احد يلزمة بس ماما كد المخابره النهار كله مخليته بجيبي وهذا شكله جان
Oops! This image does not follow our content guidelines. To continue publishing, please remove it or upload a different image.
فبيوم جان الدنيه العصر وجانت جيرانه صديقتي لو اني اروح يمهه لو هي تجي يمي فاجتي هي يمي واني جنت من نوع كولش معتنيه بنفسي يعني يوميه العصر اني لازم اسبح وابدل اكشخ كانه اريد اطلع طبعا اني ممحجبه فاسشور شعري وهو لونه احمر توتي لان اخليله حنه واظيفلهه دم الغزال فجان لونه يجنن بمعنى الكلمة طبعا اني طولي ١٦٤بيضه بخدود ورديه لان اتحسس من الحرارة والبروده شعري لنص ظهري مو كولش طويل عيوني وسط مو كبار كولش صاحبه حاجب عالي وعين مسحوبه خشمي صغير وحلكي زغير يجنن يعني بلمختصر ينطلع بيه هههههههه المهم طبت لكتني لابسه تنوره كابوي قصيره لنص الركبه وقميص نص ردن ابو الشدة ويه الخصر لون ابيض ورافعه شعري ذيل حصان عالي وكذلتي مسشوره عالكصه ومخليه مسكرهومرطب شفه وعطر ابتسمتلي وكالت
صابرين:: يعني حتى العروس وره السبعه تمل من التبديل وانتي متملين هههههه ساره ::مو بيدي اعشق هالروتين شلونج انتي شخبارج لج باعي اشتريت تليفون طبعا اني وصابرين نتخابر عالتليفون الارضي جان موجود بوقتهه
صابرين ::واوووو بلعافيه مجنصه انتي كلشي تردي تحصلي ساره ::ههههه اسم الله من عينج الحسوده صابرين::باعي جيت اعزمج واروح باجر خطوبه خالتي حلا واصرت اعزمج ترحين ويانه رادت تخابرج والتهت وطبعا امي راح تخابر امج فانتي حضري نفسج باجر ب٣نطلع ساره ::اوك اذا قبل ابويه اروح واذا امي تجي وياي بعد احسن بس شو استحي من بيت جدج صابرين::يمعوده دسكتي همه كلهم يعرفوج وشايفتهم عليمن المستحى ديلة خلي اروح لان اريد اروح للسوك ويه امي يله باي ساره :: الله وياج راحت صابرين واني كعدت بلحديقه اني طبعي انطوائيه شويه على نفسي بلبيت احب اكعد وحدي وخصوصا الوقت من ال٩لل١٢بليل وقتي المفضل للتأمل وبقيت افكر ومخليه سماعات باذني واسمع اغاني بجهاز mb3محولتة عالراديو واسمع برنامج شعر واغاني ومتونسه للاخر وصارت ب١٢ ودخلت نمت وكعدنه الصبح بالعشره تريكنه ونظفنه وسوينه غده وكالت امي تحضري حتى نروح ويا ام حسين بديت اسوي بشعري ولبست كيلوت نيلي وبدي ابيض وبي وجه بنيه بلبلك لونهن سمائي كولش حلو حذاء كعب عالي لون فضي وجنطه فضي وخليت مسكره وولبست عدسات لون ازرق وخليت مرطب شفه وعطر واكسسوارات وكذا طلعت كتلهه يله ماما كالت ماروح راح يجون خطار على ابوج روحي انتي وياهم اني كوه قبلت المهم رحت وياهم والكل رحبو بيه خصوصا بيبتهم كولش تحبني ومنو يشوفني يسال منو هالبنيه وتجاوبهم بيبي هاي بت صديقتي ههههه صابرين ::عزه يعزيج راح ياكلوج بعيونهم وكلهه تسال عليج بس بصراحه حقهم طالعه تخبلين انتي وبيني وبينج هواي جتني تساؤلات عليج وناس تريد رقمج هههه ساره ::طبعا غير اني شخصيه ههههههه امشي لج دير بالج تنطيني رقمي صابرين ::لج هاذ ابن عمت ماما كتل روحه عليج كل شويه يطب يحاجيني على رقمج بس منطيته مجال لان جبير اكبر منج ١٢سنه ساره ::اهم شي حلو؟؟؟ صابرين::ههههههههههههههه ولا تكعدين راحه ساره ::دمشي امشي هههههه خلي نروح يم حلا خلصت الحفله ودخلو ولدهم وره مراحت الناس بس اني كاعده مدنكة لان هواي بيهم ماعرفهم اعرف بس كم خال من خوال صابرين وسلمت عليهم ومنتبهت للباقين لان احسهم كلهم يباوعولي شويه وكالو يله نرجع للبيت مشيت وداطلع اجه ولد زغير كال يبنيه دنكت عليه كتله هاحبيبي كال عمو حسام يكول هاي الج باوعت علاكة بيهه جبس وكيكتين وعصير كتله منو عمو حسام كال راح اخذتهم وطلعت صعدت بلسياره لان اني ظعيفه كدام الحلويات ورجعت للبيت بلعشره سبحت وبدلت وتمددت انام وتذكرت الحلويات رحت طلعت العلاكة وفرغتهه عالجربايه جان اشوف ورقه فتحتهه ولكيتة كاتب ظروري تخابريني شغله حياة او موت وكاتب رقمة بقيت افكر وحايره بس الشيطان شاطر ههههههه كتبت الرقم وخزنته باسم صابرين ونمت ووره يومين يله طلعت الرقم ودكيت وانوب تندمت كبل كطعته ماكو شويه ودك نطيت رفض ورجع دك مره ومرتين نوب دز رساله ليش تشلعين كلبي جاوبي ادري هاي انتي راح اتصل وجاوبي شويه ودك قبل مينكطع فتحت خط وكلت الووو .................يتبع
