كعدت الصبح على صوت فهودي يصيح عليه عمه لان متعلم على عماته فتحت عيني لكيته يم راسي فديته حبيب عمته وخالته شبكته بوسته باوعت الساعه بلدعش الا ربع عززززه يربي شلون بيه ويه هالتاخير شلته ونزلت بوست خواتي وصبحت على امي وسلتني اسماء كالت شنو هالنوم المتاخر والكعده المتاخره اكو شي واحنه مندري بي ضحكت كتلهه انتي امي ابوي واذا اكو شي اكلج اني اذا عندي شي اكول لحبيبتي وبس وشبكت ايد امي
ام ساره:: تعرف شلون تلوتهه عليه .... سويره سالفتج مو خاليه يمه صارلج يومين ماعاجبتني
ساره:: اووو يمه شنو تطوفين ويه البنات انتي ... اروح اغسل واكل احسنلي ههههه
اسماء:: باعي سويران اكشفج اكشفج لو مو تغلسين
ساره:: غير اكو شي وتكشفي.... بس بيني وبين نفسي كعدت حيل مرتاحه ومادري ليش احس ايهم يختلف عن القبله يعني احسه رجال بمعنى الكلمه رغم انه مزاجه حاد وعصبي واخاف منه بس مادري اكو شعور غريب ديصير عندي اوووووو هسه اني شفكر
حوراء::ساره اجه ابويه طلعي جيبي السمج منه بساع لتتريكين حتى ناكل سوه
ساره:: ماشي ... طلعت اخذت السمج من ابويه وطبيت غسلته عالحوض بلحديقه عدنه حوض جوه البوري ابويه مسوي غسلته وملحته وخليته بلمشواية شغلت التنور وخليت السمج ورحت طبيت يم البنات وامي ديسولفون ويا محله لمتنه القديمه اشتاقيتلهه اباوعلهم وهم يتناقشون واني مبتسمه كالت امي
ام ساره؛؛ ها يمه وين وصلتي
ساره :: وياكم يمه اباوع لمتنه حلوه اتذكرت قبل ما يتزوجن البنات هالشكل جنه ربي يحفظكم الي وبجيت ماعرف ليش بس بجيت حسيت انقهرت وادنيت على امي وحظنتهة وخواتي اجوي حضنوني وكلنه حضنه امي فد لحضه وفد شعور ماكدر اوصفه ساعتهه تمنيت الوقت ميخلص
حوراء::؛ اووو خره بيج بجيتينه هلكد حاسه بفراكنه باجر عكبه انتي هم تتزوجين ويفرغ البيت على امي وابوي
ساره ببجي:: اني ماتزوج ماعوف امي وحدهه شبيه تخبلت
ام ساره:: حبيباتي الله لا يحرمني من لمتجن لا يمه لتكولين هيج سويره هم تزوجين وتكونين عائله واني بلعكس افرح من اشوفجن كلمن مستقره بيتهه ويه وزوجهه واطفالهه ولج صدك اسماء على طاري الاطفال ماكو منا منا
اسماء:: لا يمه اسم الله احنه منريد هسه نريد نتونس نطلع نطب نسافر عود بعدين نلحك
ام ساره :: شوف هاي ولج اريد اشوف جالهجن قبل ماموت واشيلهم ولعبهم
اسماء وحوراء وساره:: اسم الله يمه عمرج طويل يومنه قبل يومج
ساره:: يمه عفيه لتحجين هيج اني اخاف
ام ساره :: يمه الموت حق على شنو تخافين
ساره:: ميخالف ادري حق بس لتحجين بعد بلموت ...... ومر اليوم حلو وتونسنه كلش بلمه البنات وباتو يمنن وايهم متصل كلت يجوز مشغول واني التهيت بخواتي وابويه مكيف بيهم ولليل رحنه كلنه لبيت خالي وهم بقينه يمهم للوحده ورجعنه لفينه روسنه ونمنه وثاني يوم كعدنه تريكنه ونظفنه وغده ووراهه اجوي ازواج البنات وراحن وامي راحت يم ام حسين وبقيت بلبيت لان ابويه بلشغل ودكيت على ايهم انطاني رفض ورجع اتصل
الوووو
ايهم:: هلا بهالصوت شلونج
ساره:: الحمدلله انت شلونك وين مختفي
