صار اليل ومنزلت واسماء سوت عشه وحدهه خطيه ونزلت اكلت وطلعت بلحديقه خليت باذاني سماعه وشغلته التليفون عالراديو وطلعت اغنيه
واني شبعت بجي صح اني ماجنت احبه لعلي بس جنت معجبه جدا بي وبتصرفاته خلاني اتعلق بي بس كبريائي يخليني ادوس على كل العواطف تجاهه واكمل حياتي للامام وبدون ما تراجع باي قرار طبعا بقيت يومين اني بدون سيم كارت امي كالت الابويه دك رقم غريب واني كسرته وخطيه راح جابلي خط جديد يومين اني ظايعه لان جنت متعوده احجي ويه علي لحد مانعس يله اعوفه ونظحك ونتشاقه وبهاليومين حتى ماجه يم المدرسه وراها داومت ومن طلعت من المدرسه دخلت للمكتبه اشتري نواقص وبعدين طلعت جان اشوفه كدامي واكف بسيارته وطالعتله لحيه خفيفه حسيت بي ظايج مكسور مقهور مانكر بكلبي حنيتله وجنت اتمنى احجي ويا بس كتلكم كبريائي وكرامتي ابد ميسمحن وعبرت الشارع وهو بدى يمشي وراي
علي:: ساره ...... ساره اوكفي شويه نحجي
ساره:: ساكته حتى منداريت عليه
علي ::انطيني فرصه ساره جنت غلطان وحسيت على غلطي .....ساره والج والله منايم صار ٤ايام لج راح اتخبل لان مسامع صوتج وضحكتج
ساره:: واني امشي محسيت غير بس على دموعي وهي تنزل على خدي بس مبينتله خلي يحس بغلطه حتى ميغلط بعد بحق اي شخص وزدت بسرعه مشيتي
علي::ساره الله يخليج احجي كولي اي شي رزلي غلطي بس لتعذبيني بسكوتج..... ساره اذا محجيتي شي والله انزل واصعدج كوه بلسياره حتى تحجين
ساره:: وكفت وانداريت عليه .. واني اشهك بجي علي البينه انكسر وعمره ميتصلح انت خنت ثقتي بيك خنت كل لحظة حلوه جانت بينه متصورتك بيوم هيج مسترخصني وتخليني فرجه لاصدقائك جنت احسك تخاف عليه حتى من اهلي ومن اقرب الناس الي بس طلعت بلعكس خوفك عليه بس حجي علي انت كسرتني كسرت كل فرحه جانت بداخلي لا عبالك اني مرتاحه لان ماحجي وياك لا بلعكس اني داتعذب بفراكك بعد ماعودتني عليك علي انت اذا جان قصدك تلعب عليه ليش علقتني بيك ليش ليش .... روح علي روح وانساني بلكت اني هم اكدر انساك واكدر اطيب جرحك الي جرحتنيا روح وبعد لتصير كدامي باي مكان وحتى لو تشوفني بشارع دير وجهك مني لان بعد ماتحمل الله يخليك علي والله ماتحمل وما سامحك طول عمري لا انت ولا حيدر ولا حسام وشيصيرلي ذنبي بركبتكم ........ عفته ومشيت ودخلت لفرعنه ومسحت دموعي وترجع تنزل بس ماعرف عليمن ابجي لان اني ماحبه لا لا ماحبه. ودخلت للبيت همزين جانت امي تصلي ومحد بلبيت سلمت بدون ماخليهه تنتبهلي وصعدت كبل طبيت للحمام سبحت وطلعت صليت وتمددت شويه احس ارتاحيت وهديت اجت اسماء من دوامهه ونزلت وتغدينه ومر اليوم نفس الروتين ومرت الايام علي بعد مشفته وداومت تقريبا شهر وانطونا عطله ٤٠يوم قبل الامتحانات وكعدت اقره كل ماتذكره الهي نفسي اما انزل يم امي او الزملي كتابي اقره بس مرات اضعف احس روحي اريده اريد احجي وياه مع العلم ان حافظه رقمه مثل اسمي بس ابد مجربت ادك عليه تعبت تعبت حيل بحيث مرات من افكر بي احس روحي اصخن وادري بي هو هم مثلي وارجع اكول لا انسى احسن وركزت بدراستي بس كوه لان اكثر الايام احس روحي مريضه مالي خلك وامي مساندتني وواكفه وياي وبدت الامتحانات والحمدلله كملتهه ورا اسبوعين طلعت النتائج ونجحت ورحت للرابع الاعدادي والتهيت صار عدنه كم عرس وكم خطبه بحيث التهيت بيهم ونسيت علي وعلاقتي بي ومدخلت نهائيا بعد باي علاقه وي اي شخص لان ماوراهم بس حركان الدم وشلعان الكلب وورت الايام والاشهر ماكو شي جديد ومهم ينذكر وقرب الدوام ورحت اشتريت ملابس للدوام وداومنه وصارت نص السنه وامتحنت طبعا صديقاتي نص وياي بلاعداديه ونص لا تزوجن وبعطله نص السنه انخطبت صابرين طبعا صابرين اهلهه مبطليهه من المدرسه بلخامس الابتدائي لان هم متحب المدرسه المهم انخطبت لشخص كرايب امهه ماعرف بلظبط صله القرابه وعزمونا وشي اكيد اروح حتلو ميعزمونا لان صديقتي المقربه هي وفعلا امي كالت تردين تشترين فستان مناسبه لو لبسه فاني فضلت البس لبسه عاديه مال طلعه بس مقبلت امي كالت هي حفله بس بنات البسي وخلي مكياج بس شي بسيط وسوي شعرج وفرحي لتبقين منطويه على روحج عاد صدك عندي فستان اشتريته بخطبه بت خالي لبسته كولش حلو خصوصا انه جسمي رشيق بس مربرب للعلم جسمي وفستاني مثل الصوره ظبط
