احجي ويه حيدر وانفتح الباب جان اشوف امي واكفه وعيونهه كلهه غضب كبل كملت مسديته كتله يله صابرين ابقى اتوسل حتى تجين لتجين يله طبج مرض باي
ام ساره::ويامن تحجين
ساره ::شبيج يمه مو سمعتي احجي ويه صابرين الحقيره اتوسل بيهه تجي بس متقبل تكول انتي تعالي اني كل مره اجي
ام ساره :: صابرين مو؟؟؟ دكيلي عليهه اشوف
ساره ::شبيج يمة شنو اجذب عليج قابل
ام ساره :: دكي لتشلعين كلبي يله بساع اشوف
ساره:: كلبي يرجف بس حاولت مابين قدر الامكان وكتلهه صار راح ادك وبهالاثناء ابويه صاحلهه مدت راسهه من الدرج تحاجي وعالسريع دزيت بصمه لصابرين كتلهه راح تخابرج امي انتي جنتي تحجين وياي واريدج تجين ومتقبلين ترديني اجي شفتهه وصلت وحذفتهه بس مادري سمعتهه اولا وطبت امي وسدت الباب كالت خابري واتمنى يطلع صح التكولي عاد اتصلت اول مره مجاوبت المره الثانيه فتحت خط واني فاتحه سبيكر
صابرين :: دانظف بلمطبخ وجابلي التليفون اخوي الزغير كال ساره تخابرج ردت اجاوب انكطع باوعت دازه بصمه سمعتهه يله رديت عرفت مصخمه روحهه ويه امهه وجاوبت وكلت ... الو ها العوبه لتظلين تتوسلين كتلج ماجي انتي تعاي جاي اشتغل جان تجاوبني امهه
ام ساره :: ها خاله صبيره اكلج جنتي تحجين ويه ساره قبل شويه
صابرين:: ها خاله العفو عبالي ساره .... اي ليش
ام ساره :: لعد منو حيدر التكلج عليه ماكدر
صابرين :: خاله هذا يصير ابن خالتي وذاك اليوم من رحنه حاجاتي على ساره راد اجس نبض اذا توافق يتقدملها هم شافها بيوم الخطبه بس هي متقبل تكول اريد اكمل دراسه ياحيدر يابطيخ والله يا خاله كثرو خطاطيبها وبارت ههههه
ام ساره :: لعد شو امج مكالتلي
صابرين:: خاله هو مكل الاحد بس الي رادني اسالهه بيني وبينهه واردله خبر
ام ساره:: ماشي ديله حبيبتي خلي نشوفج
صابرين :: انشالله خاله يله مع السلامة
ام ساره:: يله كملي قرايه سوالف ويه صابرين عوفيهه هسه متفيدج وراج امتحانات
ساره:: صار راح اقره والله .... طلعت امي واني حمدت الله وشكرته الف مره لان متت خوف بس والله طلعت صابرين سبعه وطلعتني منهه بعدني افكر دزتلي صابرين شلوني ضحكت كتلهه عفيه هيج اريدج كالت روحي اقري وبليل امرلج كتلهه اوك وكعدت اقره ودزيت رساله لحيدر كتله قلل مكالمات امي بدت تشك بيه وفعلا قلل كمنه بس بليل نحجي وكلام عادي ومرت اول كم يوم من الامتحانات بس امي مادري شبيهه يوم مالهه خلك ويوم زينه واحنه ملتهين بدراستنه وابوية بدوامه الى حد اخر يوم امتحان الي جانت بي بدايه معاناتنه ويه مرض امي والي هدت حيلنه بمرضهه رجعت من الامتحان مكيفه خلصت وخواتي هم دخلت لكيتهه كاعدة تسوي زلاطه بس وجهه اصفر كلش مادري شبيهه وعركانه حيل
ساره:: يمة شبيج يوجعج شي
ام ساره :: لا مبيه شي روحي بدلي حتى نتغده وكلي لخواتج هم بيومهه جنه مسوين دجاج بلفرن وتمن احمر وفعلا بدلت واجيت اساعدهم واكلنه وكملنه وبلشنه ننظف البيت بعد الغده وكملنه وامي عادتهه بعد الغده اذا دجاج او سمج تبخر البيت بخور عالفحم طلعت من المطبخ وهي دخلت اباوعلهه كوه تمشي شغلت النار عالفحم وطلعت اني وجان اسمع صوت طبه قويه ركضت اني وخواتي ولكينه امي واكعه بلكاع ووجهه اصفر وعلى ازرك وفاقده كامن خواتي يعيطن وابويه بدوامة طلعت مثل المخبله للشارع اريد احد يساعدنه لكيت محمد ابن جيرانه يصلح بسيارته صارت روحي بي
ساره :: محمد محمد
محمد::ها عيني شبيج
ساره:: عفيه الحكلنه امي تخربطت بلكاع ومحد يمنه فدوه بساع اجه يركض وطب للبيت وشافهه وتخبل كال لبسوهه عبايه راح اجيب السياره واجي وصدك لبسناهه ولبست حوراء لان مقبل كلنه نروح وشالهه وخلاهه بسيارته وياه حوراء وراحو بقينه اني واسماء نبجي بلبيت لان منظرهه لسه ميروح من بالي وهي متمدده وكاطعه النفس عاد اتصلت على ابويه وكتله كال خابري حوراء بيا مستشفى خابرت حوراء ومن استعجالها مماخذه التليفون دك بلغرفه يمي رجعت خابرت ابويه كتله مماخذه تليفون كال روحي لبيت محمد جيبي رقمة بين ماوصل راح اوصل اني سديته منه ورحت لبيت محمد طلعتلي زوجته سلمت عليهه وكتلهه اريد رقم محمد هي عدهه علم بلصار كالت هسه اخابره خابرته بس وجهه كام ينطي الوان وكتلهه بس كليله يامستشفى وكالتلي بابن النفيس وجان يدخل ابويه للفرع عفتهه ورحتله حضنته وابجي مسح على راسي ودخلنه سالني كتله بابن النفيس كال لبسو بسرعه بين ماطلع فلوس ولبسن صايات وشالات هاي مستشفى وانوب خابر خالي وكله عشر دقايق اني يمك الكاك جاهز وطلعنه ورحنه واخذنه خالي ومرته وثنين من ولده والطريق كله نبجي اني واسماء ووصلنه للمستشفى انصدمت بيت خالاتي جاين كلهم وبيت عمتي وكلهم يبجون اني هنا بعد مكدرت اوكف كلت ماتت وكلهم التمو كبل عطت وكعدت بلكاع والطم حيل اسماء شافتني وهم لطمت اجوي يركضون علينه
ساره:: اعيط وابجي يمه .... يمه
خالتي::يمة مابيهه شي والله مابيهه
ساره:: تجذبون علينه والله ماتت مو احجي خاله امي ماتت واعيط حيل
خاله:: حبيبتي والله مبيهه شي كومي طبي شوفيهه اذا مصدكين
ساره :: خاله امي اريدهه امي والله بعدني مشبعانه منهه فدوه كليلي فدوووووووه ولج يمممممممه ..... اجه ابويه شبكني وكومني كال كومي شوفيهه راح تموتين مابيهه شي والله
سندني هو خالتي. ودخلنه لكيناهه سوده عليه نايمه بلانعاش وصوندات بحلكهه وخشمهه ويمهه مثل الشيشه مال معجون كبار ثنين كل وحده بيهه نص مي اصفر ووجهه شاحب كابلتهه من الجامه واحجي وياهه
ساره::يمه..حبيبتي كعدي يمه النومه موالج يعمري ... سوده عليه يعمري كون اني نايمة بمكانج.... فدوه يمه لتشوفينه كبار عبالج كبرنه تره بعدنه نريد حنيه ... يمة عليج الله لا تيتمينه من هسه اروحلج فدوه اني بس فتحي عيونج ... ولج يمممممه .... يمممممه واجوي جروني وطلعوني بلحديقه واني انهاريت بلبجي ماهتميت منو يمي وشيحجون كل الادري بي اريد امي
طبعا تليفوني عفته بلبيت لان مالي خلك حتى اشيله بيدي لساعه بلوحده بقه ولد خالتي ومرت خالي يمهه مقبلو احنه نبقه يمهه عاد رجعنه كبل كلمن بفراشه بس حوراء سوت عشا بس منو الاله نفس ياكل عفتهم وتمددت فتحت الجهاز واجتني كووووومه رسايل ومكالمات من حيدر والرسايل كلهه رزايل عباله اني بطرانه وجنت اتونس دزيتله رساله
