سديت التليفون منه ومسحت الرسائل والسجل وفتحت الباب
ساره:: ها يمه بيج رايده شي
ام ساره:: لا مبيه انتي البيج
ساره:: مبيه شي ليش شبيه اني
ام ساره:: باعي حبيبتي بنتي مهما تكبر البنت تبقه بعين امهه طفله وتعرفهه من تزعل ومن تضوج ومن تنقهر من تمرض من تقلق شنو يصير وياها الام تعرف تحس بيهه تعرفين ليش لان هنه روح وحده وانقسمت لا عبالج اني مادري بشي ولا محاسه عليج انتي كدامي كتاب مفتوح ... ساره ماما اني امج صديقتج ابد لتخافين بيوم تفتحيلي كلبج اقلاها من تحجيلي اكدر انصحج اكدر اساعدج اوكف وياج ... باعي ماما اني بكلشي وياج مو ضدج بس بحدود المعقول .... اني ادري انتي هسه ممستوعبه الاحجي لان اني محاجيه وياج قبل لان جنتي طفله ووراها صرتي مراهقه والمراهق من يحجون وياه تكون هرموناته مظطربه يحس الناس كلهه ضده لذلك شوكت متحبين تحجين اني مستعده اسمعج واساعدج بلاكدر عليه تمام ... يله اني اروح انزل كملي قرايتج لتلتهين بشغلات تلحكين عليهه بعدين لان اذا هملتي دراستج مستقبلج كله يضيع وسلاح البنيه هو دراستهه وشهادتهه ومره الخ اكلج شوكت متحبين تحجين اني موجوده واني وياج مو ضدج تاكدي من هالشي
ساره :: امي تحجي وياي هذا الكلام👆واني مصدومه على فرحانه على خايفه وماعرف شنو اتصرف كملت كلامهه وجان كلش مقنع وراها باستني من راسي ونزلت بس صدك بعد كلامهه حسيت روحي قويه واني امي ساندتني كمت توضيت وصليت ركعتين وطلبت انه يبعد على وكل اليردولي الشر عن طريقي كملت قرايتي ونزلت سوينه العشى ونظفت البيت واسماء عليهه اليوم المطبخ والطرمه ورحت انطيت لامي دواهه وكعدت يمهه واني حايره احجيلهه لو لا هي حست عليه وكالت كعدي
ام ساره:؛ شبيج يمه مرتبكة عندج حجايه طلعيهه وارتاحي
ساره:: يمه اني اريد اكلج شي
ام ساره:: كولي واني كلي اذن صاغيه الج
ساره:: بجيت وحجيتلهه على كوووووووووووولششييييييي من يوم خطبه حلا لليوم طبعا مانكر ماعصبت بس مسوت شي غير رزلتني رزاله تسوه عمري انوب جرتني حضنتني لان اني شبعت بجي وكالت سهله كلشي ينحل اني اصلا عرفت الولد الاجه للمستشفى مو اخونورلان اني شايفه اخو نور مره من جابهه اني طلعتله وبقينه نسولف بس ردت اشوفج تكليلي لا
ساره:: والله يمه اني بيومهه جنت خايفه لان وحدي ومنو الاخابره يكلي بلدوام وخفت عليج حيل ومجان كدامي الا هو وصدك ساعدني بيومهه
ام ساره:: ساره انتي صغيره وحلوه والعين عليج اني من اروح للسوك وانتي وياي احير شلون اظمج من عيون العالم .... حبيبتي الدنيا متتامن وشباب هالوكت طايشين يشوفون كل بنيه عباره عن جسد يتحرشون بي لاشباع غريزتهم لو مهما ينتظر حتلو اشهر ينتظرهه وياخذ منهه اليريده برضاتها حتى من يصير شي يكلها مجبرتج ... بنتي فتحي عقلج وانتبهي للحواليج وبلنسبه لخطج باجر اخلي ابوج يجيبلج خط جديد وهذا نكله عطل توقفت الخدمه زين
