سديته من ايهم ورحت وانظف واني افكر وحايره شنو الي غير ايهم وين حبه الي وين لهفته عليه وين عصبيته من جنت اتاخر بلرد عليه يخبص الدنيا هسه حتى ميخابر الا اني اخابره وبلكوه يرد كانه مغصوب كملت العشا وانتظرت ابويه واجه واكل وبدل وطلع يم اصدقاءه هو من قبل هذا طبعه وحاليا زاد لان ميطيق البيت بدون امي مرات اسمعه يحجي ويه امي كانه موجوده ويانه .... طلع وكالعاده بقيت وحدي ويه ذكريات امي وانوب كمت اطلع من اليوتيوب نعي للام واكعد اشبع بجي وانتظرت ايهم كالعاده ومتصل وكلت هاي هي مانزل بعد نفسي واخابر شنو ابقى اتوسل بي حتى يحبني وتعبت من البجي والتفكير و الانتظار الى ان غفيت بدون ماحس وكعدت ثاني يوم طلعت كتبي كلت التهي اقره منا للدور الثاني لان اني امتحنت بس ٣ وبقن ٤ بس اني بديت اقراهم كلهم خاف ارسب بواحد منهم وكل شوي اباوع للتليفون بلكت مخابر او حتى رساله دازلي وكملت روتيني اليومي ومرن يومين وايهم ماكو طك كلبي ومكدرت بعد اتصلت علي ونفس الشي دك لمن مليت بدون رد وعفته واجتني رساله وره ربع ساعه صدمتني
ايهم:: هلو ساره شلونج انشالله بخير ادري اني مقصر وماسأل عليج بس هذا الاحسن والي داسوي هو لمصلحتج صدكيني اني وياج بعد طريقنه مسدود منكدر نكمل سوه اني شفت انه اني وانتي مناسب بعض الظاهر جانت لحظات طيش وعشناها بحلوهه ومرهه واتمنى تنسيني وتعيشين حياتج بسعاده ويه الانسان الي يناسبج ويناسب عمرج وتفكيرج لان اني شايب بلنسبه الج مو كل التوفيق وياريت بعد متتصلين بلسلامه
ساره:: شفت الرساله لو اني تخبلت ليش يحجي هيج شنو السنتين المرن علينه جان يلعب عليه لا لا لا ماصدك هذا ايهم الحبيتة الي يخاف حتى من نفسه عليه متحملت كد ما صرت اعصاب دكيت عليه دك دك دك وماكو رد عاد دزيتله صوتيه
ساره ابجي بحركه واحجي بصياح:: ايهم ليش مجاوب ها جاوبني فهمني شنو الي سويته اني واكتشفت منرهم البعض واحلامنا ايهم وتخطيطنا. لزواجنه ولحياتنه هاااا شهكت ....ايهم لتخبلني تريد تموتني انت شنو شايب من شوكت هذا تفكيرك بيه وشنو اليناسبج اني محد يناسبني بس انت ايهم معقوله؟؟؟ معقوله جنت تضحك عليه هاي السنتين واذا صدك تضحك عليه شنو لعد فرقك عن علي وحيدروحسام .... ببجي وصوت مبحوح ايهم لتكسرني الله يخليك امي كسرتني ومتت ماتحمل بعد كسره ........ دزيته سمعهه ودزلي
ايهم:: روحي غسلي ونامي ماكو داعي لكل هالبجي
ساره:: مانام والله مانام الا تفهمني وتنطيني سبب يقنعني حتى اعوفك اني احبك تعرف شنو احبك
ايهم:: بصراحه اني تعرفت على بنية بهالشهر واكتشفت نفسي مو يمج يمهه فرجاءا ساره بعد لتتصلين
ساره:: الظاهر اني جنت غلطانه بحبي الك مع الاسف طلعت صدك غشيمة على كولتك وقشمر هم لان بسرعه قشمرتوني كلكم ولعبتو عليه بس ماكلك غير الله ليوفقكم كلكم وحسبي الله بيكم كلكم ..... شافهه ومجاوبني بس احسه منتقم واني جنت بقمة غضبي ورحت غسلت ونمت وكعدت العصر على دكت الباب
