ساره:: يعني شنو تريدني شنو اني لعبه باديكم من واحد لواحد تره ميصير هيج اني مصدكت خلصت من حسام تطلعلي انت
حيدر::باعي ساره اني اختلف عن حسام صح هو صديقي واحبه مثل اخويه بس بصراحه اني اني ماحب احد يكون عنده شي احسن مني وحسام مو احسن مني وتكونين اله باعي راح اخابرج وفتحي خط نتفاهم
ساره :: على شنو نتفاهم ماكو اي تفاهم بينه ذيج المره خاف قبلت بحسام لان جنت مجبوره هسه لا ماكو شي يجبرني فهمت ورجاءا رجاءا. بعد لتتصل تره مللتوني ماطلعت وضعيه هاي
حيدر :: بكيفج بس انتي التخسرين
ساره:: بقيت ساكته شويه واجتني منه رساله صوره فتحتهه بيهه صورتي من اني واكفه وية حسام بس حسام بس ظهره مبين واني وااااضحه بلصوره
اني تخبلت بساعتهه بس حاولت مابين قدر الامكان لا كاعدين كلنه بلحديقه فاي رده فعل تبين عليه بقيت صافنه عالصوره بس اليحاجيني ابجي شويه وسالتني اسماء اختي
اسماء:: ويامن تحجين
سارة :: ويه صابرين
اسماء:: شبيهه خلي تجي
ساره :: مادري هسه اكلهه ..... راسلت صابرين كتلهه اذا تكدرين تجين ظروري عندي شغله وياج
صابرين :: خير شبيج شكو خوما صاير شي
ساره ::مصيبه وحايره بيهه
صابرين ::ولج شبيج خوفتيني
ساره:: تعالي ويصير خير ..ها باعي خاف اسماء تسالج جنتي تتراسلين وياي كليلهه اي
صابرين :: تمام حبي هسه اكول لامي واجيكم
ساره:: ماشي انتظرج
بهالاثناء رسايله منقطعت حتى دزلي فديو واني اسولف ويه حسام
حيدر :: بس تدرين حقه يبجي عليج انتي متنعافين ..... ولو انتي المفروض تشكريني لان خلصتج منه .......وينج ليش متجاوبين شنو انصدمتي ؟؟؟
هيج اني انصدمت من ظرب عليج الايت مال سياره حسام كبل صليت على محمد وال محمد وكلت ابد متبقين اله لان ميلوكلج.......يمعوده شبيج متردين يعني تشوفين الرسايل ومتردين بكله .........يله ابقي هيج بس باعي منا لباجر اذا مقبلتي بصداقتي اطبع الصور مالتج وادزهن لابوج لو اخليهن اله بسيارته وكم نسخه منهن بلفرع اذبهن
ساره :: شكد حقير انت وتروح فدوه ونذر للتراب اليمشي عليه حسام اقلها بقيت ويا ٥اشهر مابيوم هددني هيج تهديد ولا تجرأ يضرني او يمسني بضرر بس ماكول غير حسبي الله ونعم الوكيل عليك اكو الاقوى منك
حيدر :: هههههههههه عادي على كلبي مثل العسل كلامج ... غبي حسام لو اني بمكانه اخذج غصب عنج واول وتالي يزوجوج الي وانتي الممنونه بس شسويله يله هذا هم من حسن حضي......... باعي هسه اني حروح وبليل بلدعش اتصل عليج وتجاوبيني ماشي
ساره :: بقيت ساكته ومجاوبته وكرهت اليوم الرحت بي لخطوبه حلا خالت صابرين بقيت كاعده ويه البنات وحاولت اتناساه وره ساعه كمنه سوينه عشا وتعشينه وراحو بيت خالتي وسبحت وبدلت واجتي اسماء كالت صابرين بره تريدج اخذت المشط بيدي وتليفون بجيبي وطلعت سلمت عليهه وكعدنه بلحديقه نسولف عادي لان اسماء اجت كعدت يمنه وره شويه دخلت واندارت عليه صابرين
