عذاب الحب

بارت ٢٤

فتحت عيني واني ماممصدكه الخبر اكول يمكن حلم يمكن يتخيلي اي اكيد داتخيل باوعت اني بغرفتي كمت طفرت وفتحت الباب على صوت عياط ونزلت لكيت البيت مليان نسوان والي تفرغ بلصاله والي تفرغ الاستقبال وخواتي كاعدات بلطرمه ويدن ويلطمن هنا تاكدت اني مجاي احلم ردت اعيط مكدرت ماكو صوت بس دموعي تجري واملخ بنفسي صوتي اختفى من الصدمه هنا تاكدت راحت صديقتي وحبيبتي ورفيقت دربي امي اي امي خسرت الدنيا كلهه من خسرتهه نكسرت وفقدت سندي بلدنيا رغم وجود ابويه بس تبقى الام هي سند البنتهه بلدنيا كاعده ادك والطم واجت بت جيرانه ام علي اسمهه نور كالت فدوه بس كومي دلينه وين نظملكم الاغراض صح يمكن هسه تستغربون تكولون انتي بيا حال وتكومين تلمين بس هاي حقيقه اعترف بيهه الله بيومهه انطاني قوه وسيطره احسن من خواتي يجوز لان اني ودعتهه وجنت وياها باخر يوم؟؟؟ ماعرف لان خواتي منهارات الى حد مينوصف عاد كمت وياها واني ابجي لميت الذهب مالتنه و التليفونات والفلوس. وخليتهم بجنطه وانطيتهه لنور وصيتهه تظمهن بيتهم لان فاتحه وهوسه يروح يصير شي ورحت كعدت يم خواتي كملت الى ان حانت الحظه الي بعمري مانساها ولي اتمناها جذب لمن وصلت جنازه امي   ودخلوها بلصاله والدنيا نكلبت عليهه شكد احنا بناتهه ميتين عليهه ولد وبنات خالي وخلاتي اكثر بعد منه نامو عالجنازه نوم كوه لزمناهه منهم امي جانت طيبه وحنينه وصديقه للصغير وللجبير مخلت بخاطر احد يوم ولا زعلت احد منهه جانت تعامل الزغير باحترام مثل متعامل الجبير اوووف امي يامي شحجي وشكول عليج يايمه اهنا انهاريت متت واني اعيط بدون صوت ..... ولج يمهههه. ولج يمه كعدي حركتي كلبي بروحتج يمةةةةة ولج يمه كوميلي ليش عفتيني وحدي يمههه. يمه وديتج اطيبج مو تموتين حبيبتي يمه كون اني بمكانج انام وانتي مابيج شي ااااااااخ ااااااخ ولج كلبي يوجعني كومي فدوه اروحلج كومي ولج بعدني مشبعانه منج والله يمه. والله مشبعانه ...... جروني من التابوت اني وخواتي كوه وشالو التابوت ودعوهه من البيت من بيتهه الي طفه بعدهه وماظلت بي كل روح طبعا مقبلو ياخذونا وياها للنجف بس ملخت روحي لان ماعندي صوت عاد مرت خالي كالتلهم لازم بناتهه وياهه رحنه اني وحوراء واسماء بقن يمهه بنات خالاتي وراحن خالاتي ومرت خالي وعمتي والجيران صديقات امي كم مره من ظمنهم ام حسين وام علي وطلعنه كانه زفه كوستر وتلث كيات الكوستر للنسوان والكيات زلم ولدنه وعمامي وخالي ورحنه الطريق كله نبجي ولو نبجي العمر كله منعوض لحظه وياهه وهذا الطريق للنجف شطوله صار جنه نص ساعه بساع وصلنه واخذناها للمغتسل وردنه بيدنه نغسلهه بس مقبلن المغسلات كالو هذا شغلنه من خلوها اباوعله كانه نايمه وجهه راجع طبيعي وابيض ومابي كل زراك والله كانه نايمه بوستهه وشميتهه وعطت باعلى صوتي يم اذنه يله طلع شويه صوت كتلهه ليش عفتيني يمه والله ....العظيم ولتكولون ابالغ فتحت عينهه باوعت ورجعت غمضت ونزلت دمعه منهه اني هنا تخبلت ظليت ادك والطم والنسوان يهدون بيه اريد اكلهم كعدت بس محد يسمعني عاد كملو تغسيل   وتكفين وطلعنه للامام زورهه وانوب توجهنه للمقبره ولكينه الدفان مجهز كلشي هنا اني منزلت مكدرت اتحمل يدفنوهه وتبقى وحدهه بقيت كاعده بلسياره واباوع عليهم بس عيوني نار من البجي وحصرتهه ظلت بكلبي  انتهيت على امي حيل ورجعنه وتلكتنه اسماء وكعدنه ندك ونلطم والعالم تبجي على حالنه وطبعا الفاتحه مقبل خالي تصير بيتنه راد ببيته لان هو بيت الجد وجانت كل مناسبات عوائلنه عدهم فصارت رجعتنه كبل على بيت خالي ومشت الفاتحه وادنيا نكلبت بفاتحته كلمن يكول جنهه فاتحه شيخ. بيوم الثالث اجت نور بت جيرانه هي وصابرين ويه امهاتهم وبعد ما خلصت الختمه وكعدت يمي كالت