سديتته من علي واني ممقتنعه بجوابه والتهيت بدراستي لان السنه اني ثالث واجت امتحانات نص السنه وامتحنت والحمدلله نكول انجح لان مجنت كلش مركزه لان امي تخربطت بقت ٤ ايام كلش مريضه وبلمستشفى واني اقره بدون تركيز ومن طلعت التهينه وياها فجانت قرايتي مو هلكد وبدت العطله واجتني رساله من رقم غريب خلتني اعيد كل حساباتي ويه علي
رقم غريب:: مرحبا ساره شلونج اني فاعل خير بس ردت احذرج من علي
ساره:: ومنو حضرتك ... وعلى شنو تحذرني
رقم غريب:: كتلج فاعل خير .... علي يلعب عليج ومن يكعد يخابرج يفتح سبيكر وجماعته كلهم يمة ويسمعون شنو تحجون وهذا باعتبار تشهير وانتي بعد بقت يمج وبكيفج
ساره:: وانت شكو مغثوث من يمك اني قابله ولو متاكده ماكو من هالحجي
رقم غريب:: تمام اني راح اثبتلج
ساره:: ولنفرض كلامك صح انتو شنو غايتك تنبهني
رقم غريب:: شوفي اني ماكلج اني نبي وماعندي هالشغلات بس اني اعرف الزينه من الموزينه وانتي اذا تبقين بهاي فطاريتج راح ترحين بلرجلين
ساره:: زين انت منين جبت رقمي
رقم غريب:: طبعا من علي
ساره:: وشلون انطاكيا بهالسهوله
رقم غريب:: عادي انطيته ٢٥وانطانيا بابا هذا يبيع امه عالفلوس
ساره:: عموما اشكرك عالنصيحة وبعد لتراسلني .....عفته وبقيت صافنه اذا كلامة صح ليش هيج يسوي بس لا علاوي حباب ماعتقد يسويهه وخابرني علي بليل وسولفنه ومجبتله طاري بلموضوع ومر اسبوعين واحنه عادي وكاعده اقره وهم جتني رساله من نفس الرقم
رقم غريب:: شلونج ساره
ساره:: تفضل رايد شي
رقم غريب :: شبيج يابه ليش ظايجه
ساره :: اني مو كلتلك بعد لتراسل شلون يعني احضرك يله اخلص
رقم غريب:: باعي اني ادري انتي كلشي متصدكين بس شوفي راح ادزلج مقطع شوفي وبعدين كليلي صدكتي لو لا
ساره:: دزلي مقطع كاعدين علي وحيدر واربع ولد من غير الي يصور كاعدين وكدامهم ميز ومشروب يعني كعده تعبانه والتليفون عالميز ومفتوح السبيكر واني داحجي ويه علي انصدمت رجع دزلي فديو لاخ يسولفون عليه واحد منهم كله ليش متخطبهه صارلك سنه وياهه وتكول خوش بنيه
علي:: صح هي خوش بنيه وحبابه بس قبلي حجت ويه حيدر وحسام حتى لو اتزوجهه ماامن اعوفهه واطلع يجوز تبقى تخابر من وراي وكلهم ضحكو
والولد الي يصور :: عوفهه لعد خطيه بحال سبيلهه
علي :: وشنو زوج اعوفهه هيج
الولد :: شتريد بس لا تكسرهه
علي :: لا مو لهلدرجه اني مااذيهه لا هي ولا غيرهه بس مشتهي ابوسهه هههههه وبصراحه تعرفت على وحده جديده وهليام اكثر وقتي وياه
حيدر:: انسى هي حتى طلعه متقبل تطلع قبلك حاولت ردت ماكو
الولد :: انطيني رقمهه اذا انت تعرفت على غيرهه
علي :: انطي بس مو بلاش
الولد:: بيش تريده
علي :: ب١٠٠ وها تنطيني اسبوع اكثر امهدلهه
الولد :: هو رقم قابل تزوجنياهه شدعوه ١٠٠ هو ٢٥وتوكل
