ايهم وام احمد :: اللهم صلي على محمد وال محمد
ام احمد:: ولج ساره شنو كاشان ؟؟؟متخربين؟؟؟ ماشاء الله اللهم صلي على محمد تخبلين صايره شكد ماجنتي حلوة صايره احلى بعد
ايهم بحسرة:: هي حلوه بس صايره بطه
ساره:: شكرا خاله عيونج الحلوه... شنو ايهم هلكد سمنانه اني رره لان حامل
ام احمد :: لتكولين هيج كلبي تخبلين انتي من زمان بس شوي مدبدبة اكثر
شكد عليج هسه
سارة:: ٥اشهر
ام احمد :: يله كلبي اعوفكم تحجون اروح اشوف الاكل دير بالج منه سرو هذا سرسري ههههههه
ساره:: هههههه روحي كلبي الله وياج
ايهم:: لحظه سرو اطب للاستقبال ......ها حبيبي .. لج مشتاقلج ساره مشتاقلج بكد رحمه الله
ساره:: اباوع عليه وغوركت عيوني متحملت دنكت وبجيت .. ليش رجعت ايهم ليش شتريد مني اني عوزي قهر اني تره صار سنتين بس شويه بديت اتعود واتاقلم جنت بس جسد عايشه حياتي واجيت اليوم هيجت كلشي عليه من جديد
ايهم :: اباوع عليهه بجت متت قهر ... ساره حبيبتي لتبجين اني الخسرتج يعمري اني الي بجيت عليج سنين والله اني من ايدي من ايدي مجان لازم اسمع الاحد ساره ليش عبالج اني مرتاح ؟؟؟ لا والله ممرتاح حتى بعرسي مفرحت مرات اكول ظلمت فرح وياي من تزوجتهه وارجع واكول لا هذي سنه الحياة لازم اكمل مثل مانتي كملتي بس كوه والله كوه ساره اني اكثر وقتي مخلصه لو دوام لو اروح يم خواتي والله ارجع بس وكت الانام
ساره:: ايهم احنه لازم نكمل حياتنه لان بعد ماكو مجال للرجعه اني صار وياي تلث اطفال وانت متزوج لا اني الاكدر استمر وياك بعلاقه لسببين اولا والاهم هو مخافه رب العالمين وثانيا هو لان ماريد اخون زوجي لان هو صاني ومخاني ولا حاول يجرحني بعلاقات ويا بنات ابد من اخذته لليوم هو صفحه بيضه كدامي وحلفت اني هم ماخونه ابد واربي اطفالي واعيش حياتي حتى لو جان هذا على حساب كلبي وسعادتي ..... اوعدني ايهم اوعدني انه هاي اخر مره تحجي وياي واخر مره تحاول دورني وتشوفني كرس حياتك لبيتك وعائلتك واني هم اسوي هالشي مثل ماهمه جاي ينطونا كل ماعدهم احنه هم لازم نكرس حياتنه الهم
ايهم:: بس احنه منطيهم حياتنه ... ساره انتي شتحجين اني اليوم رجعتلي روحي اليوم يله انتظمت دكات كلبي .. ساره والله ماريد منج شي لا اريد علاقه ولا شي بس ولو كل شهر اسمع مره صوتج حتى اكدر اكمل حياتي ساره اترجاج
ساره:: ايهم ليش تحيرني عفيه انطيني فرصه احب رجلي ....بجيت .. ايهم صارلي تسع سنوات احاول احبه صارلي تسع سنوات اريد اطلعك من كلبي وبالي وماكدرت ايهم واليوم انت جيت وفتحت جروح كلبي ورشيت بيهم ملح ... مادري ايهم مادري يجوز اخابرك او لا ما وعدك بهالشي تمام وهسه لازم اروح
ايهم :: ساره قبل مترحين بس اريد اكلج شي .... ساره انتي حبي الاول والاخير انتي الحب الي نزرع بكلبي وميموت ابد باعي ساره انتي تعرفين صفحتي ورقمي هم عندج ومراح اغيرهم طول العمر راح يبقن مفتوحات الا اذا متت راح اخلي احمد يخلي حداد بيهم وبعدين يغلقهم حتى تعرفين
