سديت التليفون من ايهم واني متت بجي لان اريده واحبه رغم احمد مابي كل قصور ويحبني ويتمنى انه بس ارضى وميستاهل الشي الموزين بقيت لل٣ كاعده اخر شي تعبت كمت توضيت وصليت ركعتين لوجه الله بنيه تسهيل امري ولفيت راسي ونمت كعدت الصبح ابويه جايب ريوك ويمنه حوراء مسويته ودياكلون طبعا هي تجي يمنه لان زوجهه اليوم التحق وهي صايرة من يلتحق تجي يمنه هم متبقى وحدهه وهم علمودنه بوست جهالهه وجبتلي كوب وكعدت اتريك واني حايره يربي شلون افتح الموضوع سكتت محجيت شي للعصر خابر احمد كال راح اجي كتله لا لتجي احنه راح نطلع ناخذ فهد للدكتور خليهه غير مره وسديته تفاجأت حوراء بيه
حوراء:: ساره تره الي دتسوي غلط
ساره:: حوراء الله يخليج ساعديني اني اريد ايهم ماريد احمد
حوراء:: شنو متردين احمد حرام عليج اصلا مجرد تفكرين بايهم. لان انتي على ذمة احمد وحرام تفكرين برجال غيره
ساره:: ادري والله حوراء بس اني ماحبه وقبلت بي عناد بايهم وانتي شفتي الحجي كله البارحه كدامج شنو الي فرقنه
حوراء:: حبيبتي ساره يجوز رب العالمين خله هالشي يصير لان ايهم مو الج يجوز جان ازوجتي واطلكتي منه بسبب مشاكل لا سامح الله تره مو كلشي نريده معناها صح وربج بي اله اراده وحكمة لكل شي يخلي للبشر والا مجان نزل الايه ( وعسى ان تكرهو شيئ وهو خير لكم وعسى ان تحبوا شئ وهو شر لكم) فحبيبتي استهدي بلرحمن وسدي هالسالفه وزواجج بعدله ست ايام بس هم العالم من تبطلين شتكول متكول انتي مردتي يكولون شوف اشاف عليهه قبل العرس وبطل منهه
ساره:: كلامج كله صح حموراء بس ماكدر والله حسي بيه اريد اموت اني والله ماكدر بدونه لج البارحه بقه يدك وماجوبه اشتعلت واحترك كلبي لحد ماجاوبته وسمعت صوته يله ارتاحيت ....... بجيت حوراء اني وايهم صارلنه اربع سنوات يخاف عليه من الهوه ميقبل البس شي ظيك ولا كصير ويدك عليه علحجاب وحتة من نطلع الاي مكان اني واهلي افتح كامره يشوف لبسي يله ... جان يوميه يجي يوصلني للمدرسه ويرجعني مجرد يمشي قريب حتى ميقبل ارفع عيني واباوعله ميريد احد ينتبهله انه وياي حتى بس يأمن اوصل للبيت مبيه شي ..... حوراء بايام الامتحانات ميقبل يخابرني يكلي لتلتهين وياي ادرسي اريد درجات عاليه ... يخاف عليه حتى من نفسه اربع سنوات هو حتى مطلب نطلع اني ويا اربع سنوات حتى محجه وياي كلمه سخيفه يكول اريد ابقيج بريئه من هالاشياء.... شنو الي ماحبه بي خوفه عليه اهتمامه بيه حرصه الزايد حركة كلبه من اسوي شي غلط لو من لومن احد من اضوج يحير شلون يراضيني. .... حوراء جنت حتى من اكون احجي ويا وهو بدوامه واكله اليوم اشتيت هيج لو يجيبه الي بنفس الساعه لو ثاني يوم لو من ازعل يحير شيجيبلي يكلي انتي بنتي وحبيبتي وصديقتي وامي حوراء شحجي شحجي ماوفي ايهم وتكليلي لتفكرين بي لي اني عفتالتفكير بي لحضه بس اني غلطانه اي اني شكم مره راد يتقدملي واني ماقبل اكله لا خلي اكمل هاي السنه لج تدرين هو انطه حصص اخوته ورمم البيت وره امتحانات الخامس ويقت بس الغرفه يشتريهه وحتى ابسط تفاصيل العرس اتفقنه عليهه وامي تخربطت بوكتهه من بقت غيبوبه اسبوعين ...... شتحجين حوراء اني اريد اموت لتشوفوني كاعده واكل واشرب والله ابسط كلمه يحجيهه احمد اكعد اقارن ويا وماكو مقارنه ابد ابد حسو بيه ياعالم ماكدر بدون ماكدر والله وكت ابجي حيل
