مر اسبوعين على التحاق ايهم بس عبالك سنتين لان بس ٣ مرات كدرت احجي ويا شبكة يمة ماكو كولش ضعيفه ومنا ضغط المدرسه ومنا ضغط امي هليام مريضه بحيث تعبت نفسيتي كولش حتى مالي قابليه للاكل بحيث اسوي شي قليل علكد امي وابويه واني اقضي جوعتي لو بفاكهه لو دبس وراشي لو لفه جبن اي شي المهم املي معدتي وخلص وكاعده بليل كالعاده انتظر الفرج بلكت ايهم يدك عليه لان اني من اتصل يطلع خارج نطاق التغطيه وصدك دافكر بي ودك فز كلبي من الفرح من شفت اسمه وبسرعه رديت
الووووو
ايهم:: حبيب كلبي فديت هالصوت شكد مشتاقله
ساره:: ياعمري انت اني الي افديك .... مشتاقتلك يروحي شلونك
ايهم:: شلوني بدونج سرو من احجي وياج ترد روحي انتي شلونج
ساره:: هسه صرت زينه من سمعت صوتك ... بالي يمك والله تاكل تشرب مكانكم زين لو متعب؟؟؟؟؟
ايهم:: حياتي لتخافين مكانه مابي شي بس هو معسكر بعد قابل يخلون بي وسائل راحه اكيد لا لان مكان تدريب بس عموما الحمدلله ناكل ونشرب ليضل بالج .... دوامج شلونة خوما هامله دراستج؟؟
ساره:: الحمدلله كلشي تمام بس تفكيري يمك لذلك شوي درجاتي نازله وهمات امي مريضه وبالي يمهه ومستشفى ودكتور فوقتي قل للدراسه بس لتخاف ناجحة
ايهم:: شبيهه امج مثل كل مره؟؟
ساره:: سكتت مجاوبته لان خنكتني العبره على امي
ايهم:: شنو حبيبي وينج
ساره ببجي :: وياك
ايهم:: حبيبتي كولي يالله انشالله عدهه بس العافيه وامج قويه انشالله تعديهه
ساره:: خايفه اخسرهه ايهم والله اموت وراهه... خصوصا حالتهه بلنازل نسبه العجز زايده شويه عدهه بحيث كامت تفحط من تمشي منا لهنا
ايهم:: لا انشالله يحفظهه الكم وتشوف جهال جهالكم .. مزين البجي انتي تفاولين عليهه
ساره:: من اشوفهه مختنكة اموت من القهر لان مابيدي شي عليهه
ايهم:: بلعكس كوني قويه حتى هي تتقوة بيج هو بس انتي اليمهه
ساره:: انشالله ... اي حبيبي سولفلي اخبارك ماقللو المده مال الدوره
ايهم:: اني بخير طول ماانتي بحياتي ... هههههه خرب ببليسج ساره شلون يقللو وهي دوره ثابته وبعدين مابقى شي شهر واسبوع تلكيني يمج .. اكلج شوكت امتحانتكم
ساره:: ٥/٢ انشالله ليش
ايهم:: هااا يعني شهر الجاي حلووو يعني بين ماكمل الدوره وانزل تكونين لو باخر ايام امتحان لو مكمله مو
ساره:: اي صح اكون بنصهم
ايهم :: يله حتى تكملين وترتاحين اسبوع وادز ام احمد ونسوان عمامي
ساره بخجل:: انشالله يعمري ماصدك يجي اليوم الي نكون بي لبعض كدام الناس
ايهم:: اوووف اوف شيخلص هالشهر بس يله مضل شي
ساره :: انشالله
ايهم:: يله حبي اروح اني لان تعبان ونعسان بس مصدكت اجت الشبكة واسمع صوتج واطمن عليج ..... باعي ساره حبيبي ماوصيج بعد لبسج واكلج ودروسج يادروسج حاولي كل جهدج ترفعين درجاتج تمام وطبه وطلعه بلبس ماعرف شلونه ماريد اوك
ساره:: بدون متوصي حياتي والله معتبرتك يمي اطمئن....
ايهم:: يله يعمري ديري بالج على نفسج وعلى امج
ساره:: انشالله وانت دير بالك على نفسك حبيبي واهتم باكلك ونام زين تمام
ايهم:: تمام يروح الايهم ... حياتي تصبحين على خير
ساره:: وانت من اهل الخير الله وياك محروس باسم الله ومحمد وعلي....... سديته منه واني مرتاحه احس روحي ارتوت بسماع صوته اوف اوف وين جان هالايهم مضموملي شكد احبه ..........................................
