شبعت بجي وحدي بلغرفه نوب دخلت سبحت ونزلت جوه امي بعدهه مجايه وابويه بلشغل شغلت التلفزيون على كربلاء وكمت اكلب بلانستا وانوب دخلت عالفيس ونوب اليوتيوب مليت من التليفون واني منتظره يدزلي رساله اعتذار اخر شي ذبيت التليفون ورحت صليت لان اذن وانوب دخلت للمطبخ اجهز بلعشا طبعا امي اجت بس وجهه مادري شبي سالتهه كالت ماكو شي بس شويه نفسي ظايك اخذت حبه تحت اللسان وتمددت بين ماكمل العشا كملت العشا واجه ابويه واكلنه بس اني اكلت شويه احس روحي ماشتهي كملنه وامي اخذت علاجهه ودخلت تمددت وابويه طلع صعدت فوك باوعت للتليفون ولا داك ولا مراسل ابد ولاكانه مسوي شي يمكن منتظرني اني اعتذر بس والله ولا اسويهه فوك ما شبعني رزايل واهاين واني اتنازل ؟؟؟ مستحيل خذت التليفون وياي ونزلت شغلت التلفزيون طالع فلم مصري بقيت شويه اتفرج طلعت امي من الغرفه بس فد مره متغير لونهه وكوه تجرالهوه ركضت عليهه
ساره:: هايمه شبيج
ام ساره :: طلعيني بره اختنكت اريد هوه
ساره:: طلعتهه كعدتهه عالكرسي وركضت خابرت ابويه ... الوو ها بابا امي تخربطت تعال بسرعه خلي ناخذه .... اي اي راح البسهه والبس
لبست امي ولبست صايه وذبيت الشال على راسي لان دنيه ليل وقفلت البيت وكعدنه ننتظربلطرمه شويه واجه ابويه وخالي ومرت خالي صعدناهه بسياره ورحنه لابن النفيس بس احس روحي صارت بامي هالمره وكعتهه فد مره بحيث بقيت بس ابجي وادعي ربي يكومهه بلسلامه ... دخلوها كبل للانعاش وكالو انه المي راجع بصدرهه الي قبل فتره سحبو وانه صايره عدهه ذبحه جديده اني هنا متت انهاريت بلبجي خفت لا افقدهه بقينه ل٣ وكالو لازم تبقى ميطلعوهه كتلهم اني ابقى وياهه بس ابويه وخالي رفضو كالعاده بقت مرت خالي يمهه واحنه رجعنه للبيت تمنيت ايهم يتصل واشكيله حال امي بس ايهم متصل ولا حتى دز رساله والصبح كعدنه اخذني ابويه ذبني عالمستشفى وهو راح لدوامه ورجعلنه الظهر طبعا كالعاده انكلبت المستشفى بخواتي وخالاتي وعمتي وخوالي بس امي الحمدلله مفاقده بس وظعهه تعبان تكعد وتسولف ويانه شويه ووراها تنام ومرت يومين واحنه على هالوظع وايهم ماكو ولا خبر منه اني هم التهيت بامي وتركت موضوعه على جهه بليوم الثالث طلعناهه للبيت لان اتحسن وضعهه الحمدلله عاد وصلتني رساله منه
ايهم ؛؛ الحمدلله على سلامت الوالده متشوف شر
ساره:: الله يسلمك اشكرك
ايهم :: شلون صارت هسه
ساره:: الحمدلله زينه
ايهم :: تمام ماعطلج خاف عندج شغل بس حبيت اتحمدلج بسلامتهه
ساره:: متقصر رحم الله والديك
ايهم :: انتي شنو عود زعلانه ؟؟؟ فوكاهه هو منو اليزعل اني لو انتي
ساره:: على شنو ازعل ليش انت حجيت شي يزعل ؟؟
ايهم :: لا
ساره :: هنتني؟؟؟
ايهم :: لا
ساره:: خلص لعد مدام تشوف روحك ممسوي شي طبني مرض اني من رخصتك اروح اسوي اكل لامي
ايهم :: تمام بليل اخابرج
ساره:: ماعتقد اكو شي نحجي بي
ايهم:: اي اعرف هيج عاجبني اخابرج
ساره:: خابر براحتك بس كلشي ماحجي اني
ايهم:: اي ماشي ميخالف لتحجين
ساره:: رحت سويت اكل ونظفت البيت وساعدت امي طبت تسبح وبدلت ومددت وصبيت الاكل ووديت لامي اكلت وشربت علاجهه وابويه هم اتعشى وطلع ونزلتلي فراش بلهول تمددت خاف امي تحتاج شي بين ميجي ابويه شغلت التلفزيون ومحسيت غير على ابويه يكعدني ويكول كومي نامي فوك بغرفتج باوعت الساعه عشره بس احنه كلنه تعبانين عاد دخلت لامي باوعتلهه نايمه ووظعهه كولش زين الحمدلله. خليت وصعدت للغرفه وبدلت لبست دشداشه قصير فضفاضه لونهه فيروزي غامق ارتاح بيهه جان تجي رساله من ايهم
