غلقت التليفون نهائيا ونزلت جوه لكيت امي كاعده تتفرج مسلسل اجيت كعدت يمهه نتفرج باوعتلهه ردت اكوللهه بس مادري ليش مكتلهه ولا جبي طاري حسيتهه مرتاحه وماريد اضوجه واصلا اني غلقت الموبايل شويه ودك تليفون امي وجاوبت
ام ساره:: الوو
ابو ساره :: ها عيني وينكم ادك على ساره ليش تليفونهه مغلق
ام ساره :: هايه يمي كاعده ليش .... لا بعدنه ممسوين ..... ها تمام
ابوساره:: لا ماكو شي .. سويتو عشا.... لتسون حجيب ويايه من بره
ام ساره::ابوج راح يجيب عشا لتسوين شي
ساره:: ها بعد احسن
ام ساره؛؛ لعد تليفونج وين ابوج يكول مغلق
ساره :: جنت اكلب بليوتيوب وخلص شحن وطفه ومخليته عالشحن
ام ساره:: متاكده لو اكو شي
ساره:: لا يمه ماكو شي اذا تردين اشغله واجيبه الج
ام ساره :: لا يمه ميحتاج لاني واثقه منج وادري بيج بعد متظمين عليه
ساره:: كاعدين نتفرج تلفزيون واندك الباب تقريبا ساعه بل٨ ورحت اشوف منو طلعت فتحت الباب وكعت ورقه مشكليهه جانت بلباب شلتهه وباوعت منا منا ماكو احد سديت الباب وفتحت الورقه مكتوب بيهه هالمره خليتلج ورقه اكلج بيهه فتحي تليفونج المره الاخ تلكيني بوجهج .... فتحت عيوني بصدمه ورجعت فتحت الباب باوعت يعني حتى سياره ماكو زين شلون خله الورقه وراح بهالسرعه شكيت الورقه وذبيتهه بلزبل ودخلت
ام ساره ؛: منو
ساره :: جهال واكعه طوبتهم علينه.... رجعت كعدت يمهه اتفرج بس بالي ولا يم المسلسل افكر منو هذا اكيد احد من الفرع لان ممعقوله من خارج الفرع وبهالسرعه اختفه اذا مشي واذا بسياره وره شويه ابويه دك هورن يعني اجه طلعت سلمت عليه واخذت منه العشا وطبيت جهزته بين ما صلى ابويه وتعشينه وامي اخذت دواها ونامت وابويه كالعاده يروح لبيت خالي او اصدقاءه يتعلل يمهم لل١٢ ويجي نظفت المطبخ ورتبت البيت وطلعت خليت الهتفون باذني وشغلت التليفون وفتحت مكتبه الاغاني وكعدت اسمع اغاني واني بيدي الصونده ارش بلحديقه متونسه حيل ونسيت روحي وسرحت ويه الاغاني وفزيت من صفنتي على التليفون يدك شفته هو جانت الساعة بلدعش مجاوبت عفته يدك هواي تقريبا ٨مرات جان يدز رساله اذا متجاوبين متتوقعين شسوي خفت دك شويه وجاوبت بدون ماحجي
ايهم:: بصوت خشن ورجولي وهادي:: كلفتي على نفسج وجاوبتي
ساره:: ساكته محجيت شي
ايهم :: متجين بلعيني واغاتي .... شبيج متحجين لو السانج كصو
ساره :: هم ساكته
اييهم:: اهااااا عبالج عود تملليني هالشكل واسده؟؟ غلطانه والله اني هم راح اسكت ماحجي بس اذا تسدي الدنيا اشعلهه زين
ساره:: كلشي مرديت واكتفيت بلسكوت بقيت ارش بلحديقه وهو هم ساكت اسمع صوت الجداحة شغل جكاره واسمع صوت نفسه وشغل اعتقد تلفزيون لان صوت مسلسل او فلم اجنبي بقينه على هالوضع تقريبا ساعه وشفت سياره ابويه اجت اظطريت احجي وكتله اجه ابويه تصبح على خير وكبل سديته منتظرت يجاوب
ايهم:: عجبيب امر هالبنيه شكد خلكهه طويل محجت ابد واني هم سويت مثلهه تعجبني العنوديه وبقينه على هالحطه ساعه تقريبا فجاة حجت وكالت تصبح على خير اجه ابويه كبل دزيتلهه رساله ... منو كلج اريد انهي المكالمه يدخل ابوج وصعدي لغرفتج وارجع اخابرج مو بكيفج تنهين الاتصال
