سديت منه التليفون وكمت نزلت بلحديقه لان طارت من عيني النومة بعد بس اكو شي يجذبني اكمل احجي وياه ماعرف حسيت الشغله عجبتني والله بقيت كاعده كالعاده ل١٢ ودخلت نمت كعدت الصبح بلعشره لكيته دازلي صباح الخير شفتهه ومرديت ومشه روتين اليوم عادي لل٩طلعت بلحديقه لكيته متصل هواي ودازلي رسائل. كلهه رزايل لان ماجاوب دزيتله ....هلووو
حسام:: وينج شنو عود حضرتج متردين
ساره :: والله جنت مشغوله ومكدرت ارد
حسام ::بيمن مشغوله بلبواخر لو المعامل يله راح اتصل عود هم لتجاوبين
ساره ::ههههههه وعلى شنو هالعصبيه تمام حجاوبك
حسام::: الووو
ساره :: الو الو ههههه
حسام :: اي شكو عليج ظحكي واني مشعول الخلفوني
ساره:: على كيفك ريلاكس مو زينه العصبيه شلونك
حسام :: مو زين انتي شلونج
ساره ::هههههههههه البارحه اني مو زينه اليوم انت شنو تبدلت الادوار
حسام ::لا والله ضجت حيل من متجاوبين حسيت تتعمدين متردين علمود بس تحركين دمي بس شسوي هاذ اليمشي وره زعاطيط
ساره:::ااااااه يعني هسه اني زعطوطه لعد شكو محروك دمك اذا اني زعطوطه بس اطلع صدك زعطوطه اذا ابقه احاجيك وراح اسده
وبعد ابد ابد ماجاوب
حسام :: انتي مره وسدي والله والله هسه اجي وادك بابكم كافي عاد تصرفات طفوليه .... هف عصبتيني شلونج اشتاقيتلج
ساره ::لاوالله فوكاتهه فوك متكلي زعطوطه نوب معصب
حسام::اي شنو جذب نسبه الي انتي زعطوطه لو مزوج يمكن ابني بكدج
ساره :: اممم عموما اني زينه انته شلونك
حسام :: هسه صرت زين شخبارج بشنو ملتهيه اليوم اشو عطله وماكو شي وراكم بس النوم
ساره :: اي والله كعدت متاخره وبين ريوك وتنظيف وخلص اليوم وبعدين هو الدوام شبقاله كلهه شهر هسه يطب منا ويطلع منا انت شسويت اليوم
حسام:: والله ماكو نفس روتين شغل وكعده من الصبح بس للظهر السياره ماعرف شبيهه رجعت للبيت وسويتهه وانوب غسلته ومعجبني اطلع بعد
ساره::حسام
حسام :: ها
ساره:: ليش اني بلذات ردت تحجي وياي تره عدكم كووومة بنات وكلهن حلوات
حسام ::باعي اني سابقا مريت بقصه حب وتعبتني حيل من نوع التتشرط وعنوديه وجنت بكل الصور انفذ التريده وتالي تزوجت وعافتني وللعلم جانت بعمري كرهتني بكل البنات بس بصراحه من شفتج ماعرف شصارلي وحسيت انتي راح تكونين الي
ساره:: ههههه زين انت ليش متزوجت وره ماهي تزوجت احسن هيج تخليهه تحس انتصرت عليك
حسام:: بصراحه جان الظرف ميسمح فشلتهه من راسي
ساره:: انشالله تلكة التتمناه .... بقينه نحجي وهو فتحلي كلبه وحباب كلش بس شنو احنه مو احباب مجرد اصدقاء حتى مفكر يشوفني ولا اني طلبت اشوفه جنت من اضوج من شي اجي احجيله وبدت المدارس ومرت اول تلث اشهر وبيوم قبل نص السنه دنحجي اني وياه وكال هذا صديقي يريد يسلم عليج وانطانياه وعادي سلمت وبقه شويه الولد يحجي وياي وانوب سديته ونمت وبدينه نمتحن وامتحاني بغير مدرسه لان مدرستنه بيهه اعمار يعني لازم اصعد مرتين سياره عبريه يله اوصل بس جنت اروح ويه ابن خالي ياخذني ويجيبني لان يم دوامه لان بصراحه اني خوافه ماكدر اصعد وحدي سياره واستحي هم وبيوم اخذني ابن خالي وامتحنت وطلعت ملكيته بقيت منتظره لل١٢وماكو خابرت ابويه وخابره وطلع الافندي ناسيني وراجع للبيت عاد كالي ابويه شلون لان ابويه عنده سياره كبيره يشتغل بيهه خط بلمصفى فللخمسه العصر يله يكمل كتله حرجع ويه البنات بس اني بصراحه انتهزتهه فرصه اشوف حسام لان جان عندي فضول اشوفه وهو ابد مطلب يشوفني لن هو شايفني بس اني استحي اكله خلي اشوفك عاد جتي من الله اليوم كبل اتصلت عليه اول مره دك ومرد انوب جاوب
ساره:: الووو
حسام ::الو هلو سوسو اليوم من وكت متصله شعجب
ساره:: حسام انت وين
حسام ::بلشغل بس ليش تسألين
ساره::تكدر تجيني
حسام ::شنو وين اجيج بيج شي
ساره ::شوف حسام اني يوميه مو ارجع ويه ابن خالي
حسام::اي
ساره ::اليوم ناسيني وراجع للبيت واني بقيت منتظرته من العشره لهسه وابويه بدوامة وابن خالي صايره عنده شغله وطالع بيهه فاذا تكدر تجي ترجعني تمام واذا متكدر انتظر ابويه يدزلي اي احد
حسام ::لالا اجيج عادي بس هذا شكد حيوان شلون ينساج ... وين انتي بلظبط
ساره ::بس لحظه راح انطيك الحارس اساله ماعرف اوصف بس كله انت اخويه اوك
حسام ::اوك يله حضري نفسج نص ساعه يمج
ساره ::تمام وفعلا وصفله الحارس ودخلت اني للحمام غسلت وجهي ورتبت شعري وملابسي وانتظرت بس اني ماعرف لا شكله ولاسيارته بقيت واكفه وهمزين جانو هواي طالبات مال الظهري وفعلا نص ساعه خابرني كال طلعي كتله اوك وين انت كال اطلعي بيسار المدرسه واكف باوعت انصدمت شفت ولد موزغير كبير ومبين عليه التعب والفقر صح الفقر مو عيب بس قصدت انه مبين متعوب عالعيشه تقربت وسديت التليفون هو ابتسم واني هم ابتسمتله وصعدت وسلمت عليه بس جنت كولش مستحيه منه ولاجن اني الي الساني شطوله من اسولف وياه بس جانت عينه فوكهه اصابه ماثرة شويه على عينه بس هو كلش حباب
حسام::اوف ام خدود ليش هيج صايره حمره
ساره ::حسااااام حباب لتحرجني هنه هيج من الشمس والبروده هالشكل يصيرن
حسام :: ساره ليش متتحجبين ؟؟
ساره::ليش قابل لبسي بي شي
حسام ::مبي شي بس انتي تجذبين لج تخبلين مادري شلون ابوج يخليج طلعين مال تنظمين من العيون
ساره::ههههههه لا يمعود مو الهدرجه
حسام ::ببتسامه لج شكد حلوه انتي
ساره بخجل:: شكرا عيونك الحلوه
حسام::ليش مدنكة ومتخلين عينج بعيني وين السانج ام لسان هههههه
ساره::حسااام عفيه لتحجي هيج استحي
حسام ::ههههههههههه ليش يابه تستحين يله نروح نتغده واوديج للبيت
ساره::لالا ماكدر والله اصلا لوما الموقف اليوم الصارلي جان هسه اني بلبيت
حسام ::لعد شتشربين خلي اجيبلج
ساره ::اريد مي ماريد غير شي والله
حسام::صفنت بوجهه لج شدعوه انتي هيج حلوة باعي تتحجبين اني ماقبل احد يشوفج هيج بعد
ساره ::لاوالله هو ابويه وقابل بصفتك شنو تكلي تحجبي هههه
حسام :: بصفتي اخ صديق اب حبيب بكيفج
ساره::بقيت ساكته محجيت وصلنه قبل فرعنا وكتله نزلني هنا زحمه احد يشوفك موصلني وسلمت عليه ورحت للبيت بس كلامه ضوجني حسيته ديفرض عليه الحجاب رجعت ونمت منا ضايجه من ابن خالي انهديت بلبجي كالت امي شبيج كتلهه على ابن خالي وصعدت سبحت ونمت كعدت لكيته مخابرني دزيتله رساله كتله جنت نايمة
حسام :: نوم العافيه....ساره
ساره::نعم
حسام ::شنو رأيج بيه
ساره ::شلون يعني من اي ناحيه
حسام ::من كلشي
ساره :: ونعم منك من كلشي
حسام ؛:ساره تزوجيني ؟؟
ساره ::هاااا
يتبع ................................
