انداريت جان الكاه كدامي شهكت حييل وبقيت صافنه بوجهه
ايهم:: ساره شلونج
ساره:: بقيت ساكته واباوع لعلي صافن بوجهه ووجهي
ايهم:: اكدر احجي وياج خمس دقايق بس الله يخليج
ساره:: اكو العاب بنفس الطابق ...علي حبيبي اخذ اختك للالعاب هسه اجي وراكم
علي :: ماما بس
ساره:: حبيبي لتخاف اني هنا داباوع عليكم وهسه شويه واجيكم تمام
علي:: اي ماما يله ليونه امشي
ساره:؛ تفضل ايهم
ايهم ؛؛ افااا هيج بدون سلام
ساره:: غوركت عيوني لان بحر مشاعري تجاهه رجع غرك كلبي .... اسفه شلونك
ايهم:: عايش انتي شلونج ولو انتي مثل لونج بعدج تخبلين انوب صايره بطه ساره :: الله يخليك ايهم تره حماتي وياي لتجي وتشوفنه محلو الموقف يكون
ايهم : : لتخافين مراح اعطلج ساره ظروري احجي وياج ليش حظرتيني
ساره:: محظرتك بس هو غير الخط مالي فذاك انغلق نهائيا وبعدين مابينا كلام بعد ايهم شوف ثنين وياي والثالث بلطريق
ايهم:: لو عشره ساره لو عشره عندج يبقى هذا ( يأشر على كلبه ) ينبض بسمج ساره احلفج بروح امج اذا عدهه معزه وغلا بكلبج اريد احجي وياج هنا المكان ممناسب وتره سنين صار احضرلج حجي احجي وياج من اشوفج بس مالكاج
ساره:: ايهم حماتي ذيج دتشتري لابنهه الله يخليك روح لتخليني بموقف صعب
ايهم :: طلع كارت هذا رقم تليفوني واذا متردين اعرف رقمج صفحت الفيس بعدهه نفسهه راسليني تمام
ساره :؛ اي ادري بفيسك بعده
ايهم :: يعني بعدج دوريني
ساره :: ايهم روح فدوه لتحرجني بروح امك وابوك
ايهم /: ماروح الا تحلفين تراسليني او تخابرين
ساره:: اي اي بس روح
ايهم:: احلفي
ساره :: والله وروح امي اراسلك بس روح
ايهم:: تمام انتظرج مع السلامه
ساره:: الله وياك راح واني كلبت شكم قطعه واجتي مها حماتي كالت
مها::ساره وينج شو ابنج يكول تحجي ويه عمو
ساره:: اي صح سالت العامل عالقياسات عبالي اكو اكبر
مها :: ها زين هسه شنو
ساره:: محبيتهم نروح لغير مكان (واني كلبي صاير طبل)
مها:: يله
ساره :: خلينه ورحنه للاعظميه ومناك اشتريتلهم وكملت ورجعنه للبيت ومرت الايام وفات اسبوعين وصارت سفره لاحمد لدهوك خمس ايام يبقه هناك شغل وحضرتله غراضه والفجر يطلع طبعا نسيت اكلكم ابويه تزوج وحده مو كبيره اكبر من حوراء ب ٥ سنوات ارمله عن طريق عمتي بعد زواجي بكم شهر لان بقه بوحده وجابتله ثنين ولد حسين وعباس وصار بيهه مرض اعوذ ب لله وشالو رحمهه اصغر من علي ابني واني بقيت عد عيالي سبع سنوات واشترى احمد مشتمل قريب على اهله واثثناه وطلعنه والحمدلله يعني حياتي مستقره صح اني جنت كل فتره ادخل على صفحت ايهم مال الفيس واستعيد ذكرياتي بس ابد مفكرت اراسله بيوم................... المهم طلع احمد الفجر واني نمت وكعدنه تريكنه وراحو الجهال علي للمدرسه وليان للروضه نظفت وجهزت الغده وكعدت ماعندي شي جانت ساعه بلعشره خابرت احمد كال بعدنه مواصلين عاد دخلت عالفيس وسويت صفحه جديده وبدون رقم هاتف
ومخليت بيهه ولا صديق ابد ودزيتله طلب صداقه طبعا اني مابالي ارجع اعيد الماضي ويا ابدا ولو جنت اريد من زمان اني اكلب بصفحته بس لان بقى يحلف اريد اشوف شيريد لان ممستعده اخرب بيتي واخرب مستقبل جهالي بس ماكو لهسهه مموافق عاد بقيت متمدده عالتخم واكلب بلتليفون جان تتم الموافقه عالطلب دخلت للماسنجر وكتبت
