كعدت العصر ميته جوع نزلت جوه سويتلي لكمه اكل واخذت الصينيه وطلعت بلحديقه لكيت امي واسماء وام حسين كاعدين كعدت يمهم همه يسولفون واني اكلب بلتليفون واكل بيس حرامات صابرين بيت جدهه لذلك مجتي ويه امهه كملت اكل وكمت غسلت مواعيني وانوب شكلت التليفون عالشحن وطلعت شغلت ماطور المي وفتحت الصونده داغسل الطرمه لان حاره واكيف ابقى العب بلمي غسلت الطرمه وكملت لباب الشارع غسلته وبعدني ممنشفته بلماسحه دخلت دوريه شرطه للفرع وباوعو عليه راحو النهايه الفرع وكفو يم بيت ونزلو حجو وياهم مهتميت بقيت اغسل بلباب للعلم اني جنت لابسه تراك جويتي بس تشيرته طويل للركبه تقريبا وشعري شايلته ذيل حصان وكذلتي مسشورتهه ليكدام نازله ومخليه مسكره ومرطب شفه وره شويه رجعوا فاتو خففو يمي وجان الي بلصدر ذب ورقه باوعت عليه واخذت الماسحه ودفعت الورقه والمي للمجاري حتى احسسه شكد احتقرت تصرفه. ظحك وحركو وراحو لا فو من الفرع الورانه وهم رجعوا وهم نفس الشي بس هالمره تنرفزت رحت شلت الورقه بايدي وذبيتهه بلزبل هم ضحك وراحو كملت تنشيف الباب ودخلت سبحت وبدلت تراك لون نيلي ورصاصي هم طويل لان دائما يجون ولد خالي او خالاتي وسشورت كذلتي وخليت عطر ومرطب شفه ومسكره واخذت تليفوني وطلعت داكعد يمهم بلحديقه جان تندك الباب كالت امي روحي فتحي من يمج رحت فتحت الباب انصدمت نفسهه الدوريه وهذا البصدر هو دك الباب والباقين كلهم مبتسمين بوجهي
الولد:: السلام عليكم
ساره:: عليكم السلام
الولد/:بله زحمه السياره حمت بلكت دبه ماي
ساره:: طبعا استغربت لهجته لان ذيج وينهه مو بغداديه ...كتله والله ماعدنه دبه بس بطل
الولد::: ههههه اووووي بوتل ليش ماعدكم دبه
ساره:: اي ماعدنه هسه تريد بطل لو لا... طبعا الي بلدوريه ميتين ظحك ليكول جاين يخطبوله عابتلهم
الولد:: اعصابج عيني ام البوتل جيبي البوتل ههههههههههه
ساره:: باوعت عليه وسكتت ورحت اجيبله البطل من دخلت امي كالت منو كتله الدوريه حاميه السياره عدهم ويردون مي كالت خطيه فتحيلهم الصوند
وفعلا فتحت الصونده وطلعت كتله شكلتلك الصونده
الولد :: بس انة اريدن دبه
ساره:: هسه تريد لو متريد تره نفس الشي بس الكميه مختلفه
الولد::: ههههههههه انريد بويه انريد
ساره :::من تكمل دك الباب حتى نسده
الولد ::ماشي يابه بس لا تتعصبين علينه
ساره ::عفتهم وطبيت وامي طلعت وره ام حسين واخذت منهم الصوندة وسوينه عشى اني واسماء وتعشينه وكملنه ونظفنه البيت واني كالعاده خذت حبشكلاتي وطلعت للحديقه اتصل علي وسولفتله عالدوريه وبقى يحذر بيه منهم يكلي تره من يخلون شخص ببالهم ياذوه كتله الله الحافط وا ومرت الايام عاديه ووره اسبوع كاعدين نتغدى وندكت الباب ابويه طلع ودخلن نسوان اربع وحدة كبيره مبينه لبيبيه والام وبنات ثنين دخلهم ابويه للاستقبال. واني كملت اكل امي كالت روحي قدمي مي بس طبعا احنه منعرفهم بس همه سالين على امي المهم اخذت مي ودخلت للاستقبال كلت السلام عليكم
ام خالد(الولد الشرطي بلدوريه):: اللهم صلي على محمد وال محمد وعليكم السلام حبيبتي
البيبيه :: شسمج حبوبه
ساره:: اسمي ساره خاله
البيبيه :: خاله شني كولي حبوبه لو جده
ساره :: هههه حاضر جده
ام خالد:: يمة هي هي هاي الي يريدهه خالد
البيبي:: جا خوش يتخير خويلد
دخلت امي وسلمت عليهم وكالتهم غده وكالو لا والله متغدين لان احنه جاين من البصره لذلك تغدينه بلطريق ترخصت منهم وطلعت لان عندي امتحان باجر واريد اقره
ام خالد:: ام ساره الله بلخير ..
ام ساره :: الله بلخير والرحمه
ام خالد:: ام سايره جايكم احنه اليوم من البصرة ورايدين نطلب ايد بتكم ساره لابنه خالد ابنه عسكري ودوامه اهنا بمنطقتكم وشايف بتكم المحروسه ومتسودن بيهه وباخلاقه واحنه يام ساره مشترين البنيه .... ابنه عسكري ١٥ب١٥ يعني اذا صارت القسمه بسلامه ال١٥ليمنه يجيبهه ويا وال١٥ الي بدوامه يجيبهه يمكم واحنه ناس معروفين بلبصره بيت الشيخ (...) بمنطقه(...) وهو الوسطاني اخوته متزوجين وكلمن طالع بيت باقي خالد واخو ازغر منه طالب وهاي اخته ونتمنه تنطونه البنيه لان حبيناكم ونتمنه نسبكم
ام ساره:: اهلا وسهلا بيكم من البصره لهنا بكل خطوه الف هلا ... بس تعرفين يام خالد الراي راي ابوهه ورايهه وانتو والنعم منكم وانشالله البي خير يقدمه الله .... بقو كاعدين شويه نوب كالت المره
ام خالد:: احنه نترخص وننتظر منكم الجواب وانشالله خير وهذا رقمي وهذا عنوان مكان شغله هنا حتى تسالون عليه وهذا عنوانه هم بلبصره
ام ساره :: انشالله خير هي اذا من قسمتكم تصير والبي خير يقدمه رب العالمين وترخصو وراحو ودخلت امي وكالت
يتبع ...............
