راحو النسوان ودخلت امي وصبينه جاي وكعدنه نشرب بدت امي تسولف عليهم وامي بصراحه جانت حابه الفكره بس اني جنت خايفه مكان مرايحتله بعمري اي البصره اني ابدا مرايحله الهه وحتلو رايحه من جنت كلش زغيره هاي من ناحيه ومن ناحيه ثانيه ناس ماعرفهم واساسا اني جنت فكره الزواج رافضتهه بلوقت الحالي لا وانوب شيوخ هو اني بيتنه وبس احنه بي واتعاجز مرات منه انوب كل شوي خطار واساسا الولد ماذكر اصلا شكله بس امي جانت حيل مرحبه بلفكره تكلي حالتهم زينه وسمعتهم مثل الورد واشيوخ بعد والعالم تدخل عليهم وعلى بختهم عاد تناقشو بينهم بس مجان الي رأي لان ابويه خصم الموضوع. وكل الامي لا مموافق لان هنه بس بنات باجر عكبه لو صارلي شي منو يتعنه ويروح يسال عليهه وهي بعيده عاد ازوجهن هنا قريبات وعيني عليهن فوره يومين رجعت امي خبر للمريه ونسد الموضوع بس كولش نقهرت امي تكول المرة حيل مقهوره لان مصارت القسمة بهاليومين اني ممخابره علي لان شاحنت موبايلي نكسرت وممشتريه والتلفون طافي لحد مابويه جابلي وشحنته بس بيني وبينكم اني مجان الي مزاج احجي ويه احد شحنته وشغله ساعه عشره الا ربع وخذت حبشكلاتي وطلعت للحديقه جان راسا يدك
ساره :: الو
علي :: ليش هيج تسوين
ساره:: شنو ليش شسويت وبعدين الواحد يكول الو يسلم مو يبدي بليش
علي :: وينج صار يومين متكولين احد يقلق يخاف عليه لو متفكرين بيه انتي
ساره:: حقك والله بس صار عندي ظرف وبنفس الوقت شاحنتي عطلت والتليفون طفه شحن لان مترهم عليه شواحن اهلي ووصيت ابويه يجيبلي يوميه ينسى اليوم يله جابلي
علي:: ومتعرفين تخابرين من اي تليفون وتكليلي اريد شاحنه ليش اني مو محل قنادر موبايلات
ساره:: علي وحتلو كتلك شنو دزلياهه برساله لودزهه دلفري
علي :: لا جان جبتهه واجيت تدرين اني كم مره جيت يم بيتكم بهاليومين
ساره:: يالله صدك تحجي وشسوي جاي
علي :: اجي على امل انه اشوفج المحج او الكاج تغسلين بلباب اربع مرات جيت بهل يومين وتعذبت وانتي ماكو
ساره:: ههههههههه اسفه والله عذبتك وياي .... على طاري الباب غير خطبوني
علي ::شنو ؟؟ منو ؟؟
ساره:: هو هذا الظرف الاكلك عليه خطبني شخص انت تعرفه ومجنت متوقعته يسويها
علي :: دحجي منوعاد مو شلعتي ابو الخلفني ساره
ساره:: حيدر
علي:: شنووووووووو
ساره:: شنوشنو ليش نصدمت ليش مكلك
علي :: لتشاقين ساره
ساره ::وليش اشاقه مجذبه عليك بيوم اني
علي :: سدي ساره شويه واخابرج
ساره:: وين وين
علي :::شويه واخابرج كتلج
ساره:: لحظه علي ههههههههه....هههههههه....هههههههه
علي :: شبيج ووجع ليش ضحكين
ساره:: علي انت تتوقع هذا يسويهه هو فد واحد اناني وبله ظمير وحتى لو سواها ماقبل بي لو يبقى اخر واحد بلدنيا ماقبل بي
علي :: وليش يابه شبي وبعدين احجي الصدك صدك خطبج لو لولا
ساره:: صح اني نخطبت بس مو لهذا لاغير شخص واصلا من كتلك تعرفه اني ممجذبه عليك
علي:: ومنو هذا الاعرفه؟؟
ساره:: الشرطي بلدوريه الراد دبه ماي على كولته ههههههه
علي:: لا بشرفج
ساره:: اي والله علي قبل يومين جوي اهله ووووووو حجيتله الصار كله
علي :: يعني ابوج رفض مو انتي
ساره :: اي هو رفض صح بدون ميسالني بس حتى لو سالني جان رفضت
