انصدمت من كلي تزوجيني لان احنه حتى منحب بعض مجرد صداقه عاد كتله ....شنوو
حسام ::ساره شبيج صفنتي اني اريدج مره الي واني حجيت ويه امي اليوم عليج فانتي شنو جوابج
ساره:: حسام احنه اصدقاء وانت بعدك متعرفني زين واساسا اني ممفكره بلزواج والله لان بعدني زغيره واريد اكمل دراستي
حسام :: واني ماعندي مانع تكملين دراستج ....ساره اني اكتشفت اليوم انه اني احبج وماكدر بدونج
ساره :: حسام الله يخليك انت شنو دتحجي لا عفيه شيلهه من بالك الفكره اني ماريد اتزوج لا عبالك انت شخصيا رافضتك لا ابد والله بس
حسام بعصبيه::بس شنو اكو احد ببالج صارحيني
ساره :: لا والله حسام ابد بس كتلك انت بنظري صديقي واخويه وهذا الشي اعتقد واضح بعلاقتي بيك
حسام:: شنو شنو شنو اخوج وين اكو علاقه بين الاخ والاخت
ساره :: اولا لتصيح ماكو داعي ثانيا اعتقد تذكر انه اني جنت رافضه العلاقه وانت جبرتني على هالشي مو لو لا
حسام :: هااااااا هيج صارت لعد واليوم من دزيتي عليه شتحسبيهه هااا لو بس تحركين كلبي
ساره :: لا مو هيج بس اني ماامن باحد واستحي واخاف ارجع لوحدي عبريه واتصلت بيك لان مامنه بيك وعموما اسفه اذا هذا الشي حسسك بغير مشاعر وبعد هاي المناقشه البينه اتمنى انه نخلي النقاط على الحروف ولهنا وننهي كلشي بينه حتى لا انت تتعذب بشي وهمي ولا اني اخذ عليك غير نظرة خليك بنظري حسام صديقي الاحبه كأخ فالله يخليك حسام لهنا ونسد كلشي
حسام:: اي مو هي بكيفج نبدي وننهي باعي ساره راح انطيج كم يوم تفكرين وادز امي عليكم هي وام حسين وانتي عقلج براسج وعرفي خلاصج
ساره بعصبيه:: يعني شنو حسام شنو هو كله تهديد وجبر ماريدك يا اخي ماريدك حياتي وحياتك غير انت واني غييييييييير ما ممكن نصير لبعض والاحسن مدز احد لان راح يكون جواب رفض وهسه اكلك مع السلامه
حسام :: باعي ساره شتعتبري اعتبري مو صارلج وياي ٥اشهر تضحكين عليه لو على نفسج الاسبوع اليجي تجي امي وغصبا عليج تقبلين
ساره :: ما والله ما شوف لو اعرف احرك روحي ماكون الك وكافي كافي كول خطيه مو دمرتني متشوف ذيج عافتك اذا انت بس تهدد وبعد لتخابرني زين مع السلامه سديته وكعدت ابجي على حضي ليش يسوي وياي يعني كوة اني ازوجه ماريد والله واذا جبرني اسوي شي بنفسي
هو هم بعد مخابر يومين وانتي نفسيتي تعبانه وبلبيت اليحاجيني كبل انفجر كالت حوراء شبيج كتلهه مبيه شي بس عوفوني اني بخير ومر على هالكلام اسبوع وهو سنطه كلت الحمدلله نسه وشويه بديت ارتاح وبيوم العصر اجت ام حسين سلمت وكالت وين امج ودخلت ودينالهه ظيافه وكعدت تسولف ويه امي اخر شي كالتلهه ام حوراء بصراحه ابن عمتي بيوم الخطبه مال حلا شايف ساره وميت عليهه وكال ساليهم اذا ينطوهه حتى اتقدم فانتو فكرو وانطينه خبر عاد امي كالتلهه هاي كدامج هي وساليهه احنه يشرفنه نسبكم كتلهه خاله انتو والنعم منكم بس اني مافكر بلزواج واريد اكمل دراسه كالت تره هو ماعنده مانع تكملين كتلهه لا خاله اني ماريد كالت اعرفي مواصفات شي كتلهه ماكو داعي اعرف شي الله يسعده ويهني ويه غيري ورجاءا سدو الموضوع وخليت وطلعت ومر اليوم عادي لليل ودك تليفوني هو رفضته وحضرته ورجع دك عليه من غير رقم هم حضرته رجع المره الثالثه دز من رقم لاخ رساله
حسام::اني حسام اذا متفتحين هسه ادك الباب عليكم وحق الله لان اني بفرعكم
ساره ::شتريد حسام الله يخليك روح واعتبرني وحده من خواتك تقبل هيج يصير بيهه
حسام :: كتلج فتحي خط بسرعه
ساره بخوف::الووو
حسام(يجر بلكلمه يمكن شارب)::ليش هيج ولج ليش شنو البدر مني ومترديني هااا احجي
ساره::حسام الله يخليك
حسام::اششششششششش هسه طلعيلي احجي وياج يله بساع
ساره ::انت شجاي تحجي اكيد تخبلت
حسام:: تخبلت مو هسه اشوفج الخبال شلونه
