سديت التلفون ورحت تمددت ونمت بدون مافكر بشي لان وكلت امري لله ووين متوصل خل توصل وكعدت ثاني يوم ونفس الروتين دوام وارجع انام واكعد اكل وانوب اقره واكمل في سبيل اكعد بره بلحديقه لان متابعه برنامج اسمة مساء العاشقين بلراديو يقرون بي اشعار ويطلبون اغاني واغلبهن جان هادئ وحزين وهذا الشي جنت كلش احبه وخلص بلعشره وخابرني حيدروجاوبت... الو
حيدر:: هلا بهالصوت الحلو
ساره::هلاووو
حيدر::شلونج مشتاقلج
ساره:: الحمدلله وانت
حيدر:: بخير اذا انتي بخير....مشتاقتلي
سارة:: لا
حيدر ::ليش لا
ساره :: مادري بس اني اصلا بعدني ماعرفك حتى اشتاقلك ولا طريقه تعارفنه حلوه بحيث تخليني اشتاقلك
حيد:: يله انشالله خير اول وتالي تتعلمين عليه
ساره:: ههههههه واثق؟؟
حيدر :؛ انشالله
ساره :: بقينه نحجي سوالف عاديه وبقينه على هالحال اسبوعين يوميه يخابرني حيدر ويسلوفلي شيسوي وين يروح وعلى اهله بس جان اكو شي غريب انه يوميه ب١٢تصيحله بنيه صوتهه ناعم تكله حبيبي تعال تعشه ومن سالته كال اختي الزغيره هاي ومن كتله احجي وياها مقبل ومن سالته ليش كال زغيره ماريد انبهه على هيج شغلات ومر على علاقتنه شهرين بديت اتعود عليه وبيوم الميتصل اني اتصل لان افتقده بس ابد مشعرت بحب تجاهه جان حنين كلش ومن اضوج واختنك من شي يواسيني ويهديني لو يكلي ابجي ترتاحين وجان دائما يكلي محتاجه شي فلوس تره صح وضعي مو هالكد بس ماقصر عليج وعده مرات يدزلي رصيد ومن اكله ماريد يكلي لا معليج هديه مني ومرت تلث اشهر وجنه دنحجي وكتله
ساره:: اكول حيدر
حيدر:: عيون حيدر
ساره:: اريد اشوفك دزلي صوره
حيدر :: يمعوده بس تشوفيني تقلبين عليه واني ماصدكت ترضين عليه
ساره::هههههههه لا امن راضيه عليك وماقلب والله اريد اشوفك يعني شنو اني احجي ويه سراب ماعرف شكلك
حيدر:: لا عوفيهه فديوم نطلع وتشوفيني
ساره :: ياعزه وين تطلع راح تبلش امتحانات اخر السنه التهي بلامتحان واساسا لتفكر اطلع وياك
حيدر:: ليش يابه مافكر حسام احسن مني طلعتي ويا
ساره:؛ يعني شنو تعيرني مثلا وبعدين حسام ابد مطلب نطلع اني وياه بس صدفت مرجعني ابن خالي وخفت ارجع وحدي وخابرته رجعني لا اكثر ولااقل
حيدر:: اي سويلج نفس السالفه ونطلع نتونس نغير جو
ساره :: لا عيني ماسويهه ابد تريد دزلي صورتك اهلا وسهلا متريد براحتك
حيدر:: سرو
ساره:: نعم
حيدر:: تحبيني ؟؟؟
ساره::بصراحه لا يعني عادي مجرد صديق ماعندي مشاعر حب الك بس اني اكلك تعودت عليك اسولف وياك يوميه بس مال احبك لا مو حب هذا تعويد
حيدر:: بس شو اني احس احبج
ساره :: لا لتوهم نفسك بحبي انت عندك حب تملك وتحس ملكتني مو اكثر
حيدر :: اريد اعترفلج بشي
ساره::اي اعترف شنو.... بس لا مجرم هههههههههه
حيدر :: لا يابه الله يبعدنه ... عوفي بعدين مو وكتهه اجوي جماعتي
ساره:: براحتك يله لعد اروح اني
حيدر:: لالا اوكفي يردون يسلمون عليج
ساره :: لا شنو حيدر يسلمون عليه اعرفهم يعرفوني
حيدر::سوسو ..حبي فتحت سبيكر صاحبي يريد يسلم عليج
ساره:: حيدر بس
حيدر ::لا بس ولا شي هذا علي صاحبي كتل نفسه ........
علي(صديق حيدر)::الووو
ساره :: الو
