وراهه بيومين بديت اجهز نواقص العندي بس شنو احس كانه بده العد التنازلي لموتي ... وصابرين من راجعه لعيالهه مسولفه لعبير كولشي وني رحت لنور حجيت وياها نكرت كولشي وكالت كذب اني كلشي محاجيه انوب كامت تحجي عليه كدامي ولزمتهه غسلتهه غزل رزلتهه رزاله تسوه عمرهه كله وقطعت علاقتي بيهه وحتى معزمته على عرسي وفديوم قبل العرس باسبوع بلظبط يمي حوراء لان تحولت بمنطقتنه فبقت هي تجيني واني اروحلهه فبيومهه العصريه هي يمنه ودنروح اني وياها للصيديليه بدلنا ودنطلع وندك الجرس ودالبس بلشال اني وطلعت حوراء فتحت الباب وجان تفوت ووياها ثنين بنات باوعت انصدمت ذني خوات ايهم كلبي رجف ودك حيل اول مشفتهم سلمت عليهم وكتلهة لحوراء اعرفج عبير صديقتي وام احمد اختهه بس شنو كوه لازمه نفسي مابجي واني عيوني كلهه عتب عافتني حوراء يمهم وراحت تجيب مي وضيافه واني هنا متحملت كبل وكعت دمعتي وكتلهه ليش
ام احمد:: كافي ساره حبيبتي خلص كلشي راح يتصلح
ساره:: ياريت اكدر اصلح شي وشلت ايدي البيهه الحلقه واشرتلهه عالحلقه وكلت ... الجمعه الاخ زواجي تدرين لو لا
ام احمد وعبير:: بشهكة لاااااا
ام احمد :: ساره لتكوليهه عليج الله تشاقين مو ؟؟؟ والله اخويه يتخبل
ساره ببجي :: والله العظيم زواجي بعدله اسبوع .... يتخبل ؟؟؟ هو السوه هيج بيه شد وياي وسمع من غيري والله مرضني بغيابه بعد ما علقني مثل الطفل بامه ليش خاله ليش حتى مسمع مني راح صدك منو الجان وكعدو يصفطون عليه كلام اني لا بي ولا عليه مجرد عقده عدهم وانتقموا مني بايهم والمفروض مجان يصدك شي لان اني صار اربع سنوات وياه المفروض عارف اخلاقي زين بس شنو الفايده بعد ماكو فايده للكلام ... اجتي حوراء كعدت وتباوعلي شلون احجي وابجي ومستغربه عاد حجت ام احمد
ام احمد :: كافي يعمري دموعج غاليه وصح كل التحجي بس هو رجال شمدري وهي مفهمته انه انتي وياهه كلش صديقات يكول اكيد هي تعرف اسرارهه بس صح المفروض يسمع منج ويفهم
ساره ببجي:: خاله اني شهر اخابره وميفتح خط لو يفتح ويكلي عندي شغل بعدين من افرغ اخابرج وميخابر وارجع ادزله رساله اساله واكله شصاير ليش هيج متغير عليه ميرد يشوفهه وميرد احترك كلبي منه وجانت رده فعل طبيعيه مني اول متقدملي خطيبي انه اوافق واني والله والله مشفته بس شفت حذائه
حوراء:: شنو القصه ساره وليش تبجين ومنو الي دتحجون عليه
عبير:: سمعيني حبيبتي ام فهد السالفه وما بيهه وووووووووووووووووووو حجيتلهه كولشي وهي مصدومه
حوراء:: ولو اني مقابله على اختي من حجت ويه شخص غريب بس هي بعد صفحه وانطوت وخلص البنيه نخطبت وزواجهه بعد اسبوع يعني اساسا بعد منكدر نسوي شي
ام احمد :: لا فدوه ام فهد لتكولين هيج لا زم نحاول نسوي شي احنه اليوم جايين نخطبهه منكم والله يتخبل عليهه هو بس الشيطان اعوذ ب الله بعد من يلعب بعقل الشخص
حوراء::والله يام احمد مابدينا شي نسوي صح هو يحبه مثل متكولين بس هذا ميغفرلة والحمدلله انه صار هالشي وهمه مثل ميكول ممخطوبين او مزوجين معناها اساسا هو ماعنده ثقه بيهه واله معقوله عشرت كم سنه تجي جم حجايه تخربهه؟؟ انتي تعقليهه؟؟ لوما اساسا هو ثقته ضعيفه بيهه ميصدك بسرعه
