فتحت عيني لكيت نفسي بغرفه ومعلكيلي مغذي ويمي خالتي واسماء كتلهم اني وين
اسماء:: ليش هيج خوفتينه عليج نلكاها منج لو من امي وبجيت بحركة
ساره:: اسماء اموت والله اذا صار بامي شي والله ولج طول ماهي نايمة احس روحي مختنكة والدنيا مابيهه هوة
خالتي:: يمة ساره صلي على محمد واذا صار شي هاذا امر الله ولا اعتراض على حكمه وانتي هيج جاي تعترضين وربج يكول وبشر الصابرين انتظري وادعي ربج والله بعد عيني اسمة انشالله ميقصر ويانه تفائلي وذكري الله وانشالله خير اني اني املي بربي ميخيب
ساره :: خاله نار نار مشتعله بكلبي والله حتى من اريد ادعي احس ماعرف شدعي والله اعلم مافي القلوب ... وخليت ايدي على وجهي وبيقيت ابجي بحركة وصوت عالي واجت الممرضه وظربتني ابره ونمت محسيت لليل وكعدت لكيت وسن بت خالي يمي
وسن :: هاحبي شلونج هسه
ساره ..:: الحمدلله .. شوكت جيتي
وسن :: قبل ساعتين اجيت.... ابشرج عمتي كعدت
ساره:: فتحت عيوني حيل ممصدكة السمعته ...شنو شنو عليج الله لتجذبين عليه وسن تره ماعندي كلب يتحمل
وسن: وهي تبجي: لج والله ممجذبه عليج كعدت والله كعدت وسالت عليكم وحده وحدة وجنت منتظرتج تكعدين ونروحلهه كلهم كاعدين يمهه
ساره :: شمنتظره لعد كمت واني من فرحتى نسيت حتى المغذي المشكل راسا ركضت حسيت بشي جرحنى اباُوع هاي الكانونه بايدي كعدت واجت الممرضه شالتهه الي ورحت اركض للانعاش صاحت وسن عليه لج طلعوهه لغرفه خاصه انداريتلهه كتلهه وين كالت بلخاص ورحنه اني وياهه وطبينه وكفت يم باب الغرفه ممصدكة شافتني وفتحتلي ايديهه ركضت حضنته واني ابجي حيل بصوت مسموع هديتي حيلي بنومتج يمة وبجينه اني وياهه ومسحت على راسي وكالت لتخافين مابيه شي كتلهه انشالله مابيج اللا العافيه وكعدت على جهه واباوع الكل فرحان ووره يومين طلعناهه للبيت وذبح ابويه خروف لسلامتهه وسوينه عزيمه كبيره لان بله عزيمة الناس كلهه اجت تتحمدلنه على سلامتهه ومنا بدت رحله مرض والدتي لان صار عدهه بدايه عجز بلقلب شلنة عنهه كافه اشياء التسويهه بلبيت قسمنه الشغل والطبخ بينه وهكذا مشت بينه الحياة الف الحمدلله لله مقصر ويانه ومرت الايام ورجعت احجي ويه حيدر بس ببرود وبقينه تقريبا شهر وكال اريد اعترفلج
ساره:: اي كول تعترف بشنو هههههه
حيدر::بصراحة ساره اني احبج ويوميه يزيد حبي الج انتي خوش بنيه وحبابه وصافيه ونقيه لابعد الحدود لذلك اني ماريد اخرب حياتج فقررت اعوفج لان اني ... اني... اني متزوج وعندي ولد
ساره:: اني جنت حاسة بهالشي وجنت دائما على صوت البنيه الاسمعه يمك اكول يمكن زوجته وارجع استغفر الله من تكلي اختي عموما الله يوفقك بحياتك ويسعدك ويهنيك واحب اني اعترفلك واكلك اني ابدا مجنت اشوفك غير اخ وصديق واعتقد جان هالشي مبين بعلاقتي وياك فدير بالك على بيتك ومرتك لان مالك غيرهم ولا الهم غيرك
