(Phone conversation)
10:33 PM
Silas:
Hello, Ma? Nakauwi ka na?
Mama Cynthia:
Hello, Silas. Nasa opisina ka pa rin? Kumain ka na ba?
Silas:
Kumain na po akong hapunan.
Mama Cynthia:
Uuwi ka ba ngayong gabi?
Silas:
Baka po. 'Di ko lang alam kung anong oras kasi sinusubukan kong tapusin na 'tong ini-edit ko.
Mama Cynthia:
May kasama ka sa opisina n'yo?
Silas:
Wala na, Ma, ako na lang. Nasa bahay ka na ba? Kumusta lakad n'yo ni Chacha natin?
Mama Cynthia:
Nasa bahay na, kani-kanina lang. Nagdala ako ng pagkain mo rito kung uuwi ka. 'Yong lakad namin ni Chacha, ayos naman. Nagpa-manicure-pedicure lang kami 'tapos kumain. Uminom din nang kaunti. (Laughs softly) 'Yong batang 'yon, mana sa ama niya. Hindi basta tinatamaan ng alak. Aba, nandadaya na 'ko sa iniinom namin para lang hindi ako malasing. Ayoko namang ako ang poproblemahin niya pauwi eh. (Laughs softly)
Silas:
(Chuckles) 'Di basta nalalasing 'yon, Ma. Matindi 'yon uminom.
Mama Cynthia:
Kaya nga, eh. Nagulat ako. (Laughs) Initin mo na lang ang pagkain pag-uwi mo, ha? Kung uuwi ka. Matutulog na ako at nahihilo ako sa ininom namin.
Silas:
Ano ba ininom n'yo? Empi? (Laughs)
Mama Cynthia:
Hindi. Cocktail lang 'yong sa 'kin. Si Chacha, nag-cocktail no'ng una pero inalok ng mas matapang na alak, sumige. Kaya binantayan ko na lang.
Silas:
Ah. Thank you, Ma. Dapat tinawagan n'yo 'ko para hindi kayo nahirapan umuwi.
Mama Cynthia:
Nag-taxi naman kami. Hinatid ko muna si Chacha sa kanila bago tumuloy sa atin.
Silas:
Naks. Peyborit mo talaga Chacha natin ah.
Mama Cynthia:
Aba, siyempre. Kailangang ingatan at pakakasalan mo pa.
Silas:
(Chuckles) Iba talaga boto mo kay Chacha, Ma.
Mama Cynthia:
Gustong-gusto ko siya talaga, anak. Kaya kung pakakasalan mo, sabihan mo 'ko agad nang mapag-ipunan natin.
Silas:
Sige, Ma. Tulog na po.
Mama Cynthia:
Good night, anak. 'Wag kang puyat nang puyat para hindi ka pumangit. Baka malugi si Chacha.
Silas:
(Chuckles) Grabe 'yon--
(Door opening and closing.
Chacha: Baby...)
Mama Cynthia:
Nandiyan si Chacha?
(Muffled noises)
Silas:
Opo, Ma. Hatid ko na lang uli siya sa kanila mamaya. (Laughs) Good night, Ma.
Call ended.
BINABASA MO ANG
Hashtag Boys Series 2: #StupidLove (Silas)
RandomKabit advocate-masaya on the outside, madugo on the inside. Bakit ka tanga, Silas? Sagot ni Silas, oo. *** Si Silas, isang masayang kabit. Si Alice, isang panatag na may kabit. Si Chacha na nanonood lang, hindi masaya at hindi panatag sa kanilang...
