Hashtag Boys Series 2: #StupidLove (Silas)

Day 377.1

(Temporary GC nina Hulyo)

50th Anniv Pampanga Project 
Fri | 7:33 AM 

Hulyo:
Naka-position na lahat para sa entourage. Double-check nyo comms, ah. Silip dito pag may problema. 

Silas:
okay na sa drones

Moi:
okay na sa rails

Chacha:
okay na sa venue

Hulyo:
👍

Seen by all 

11:48 AM

Moi:
@everyone
12:30 ready na lunch sets natin
Proceed sa Jasmine Hall. Dun tayo lunch. 
Sabihan nyo teams nyo.

12:41 PM

Moi:
@Cha, san ka na? 

Chacha:
May pahabol request client. Kausap ko pa. Pabukod na lang nung lunch ko. 

Moi:
Okay.

01:22 PM

Chacha:
@Moi, nasan yung lunch? 

Moi:
Ibinilin ko sa nakatao sa hall. Hindi mo nakuha? 

Chacha:
Wala nang tao rito. Di bale na nga. Wala na rin akong oras kumain. 

Hulyo:
Nagligpit na kanina run. Bat ang tagal mo kasing dumating? 

Chacha:
Kausap ko kasi yung client kanina. 

Moi:
Ikukuha na lang kita ng snack, Cha. 

Chacha:
Okay lang. Ako na bahala, Moi. Thanks. 

03:29 PM 

Moi:
May meryenda tayo rito sa Jasmine Hall. 
Padala ng rep per team para ma-distribute food. 
@everyone

Seen by all

Chacha:
May nagdala ba rito for Team Lake? 

Moi:
Nagdala sina Hulyo diyan. Hindi ka pa rin nakakuha, Cha? 

Chacha:
No.

Hulyo:
Iniwan sa kasama mo kaninang freelancer ah. 

Chacha:
Wala akong kasamang freelancer. Sina Sansan ang kasama ko. 

Hulyo:
Kinuha naman nung freelancer kanina yung pagkain. 

Moi:
Nakakain ka na, Cha? 

Chacha:
Don't worry. 

07:30 PM 

Moi:
Dinner sa Jasmine Hall by 8:15.
Punta kayo as soon as makasingit. 
Ako ang tatao so take your time. 
@everyone 

08:44 PM 

Silas:
san ka na, cha? 

Chacha:
Nasa program ako. Why? 

Silas:
dala ko pagkain mo. punta ko dyan. 

Chacha:
No need, Silas. 

Hulyo:
May iso-shoot ka pa sa long cam, di ba, pre? 

Silas:
o ngayon, kung meron pa, hindi ko ba pwedeng takbuhin pagbibigay ng pagkain kay chacha na hindi pa kumakain mula kanina bago ko gawin yung dapat kong gawin? 

Seen by all

Silas:
tangina ka hulyo, para kang noob sa malalaking project. hindi ka naman busy, di mo maasikaso nang maayos pagkain ng mga tao mo. papaligpit ka ng di nagche-check kung kumain na lahat. mag-aabot ka ng pagkain na di mo sigurado kung kanino mo binibigay. 

Hulyo:
Hectic lang kasi, pre. 

Silas:
hectic amp

Silas:
yung ibang tao mo, nakita kong inaasikaso mo. pag si chacha, mukha kang tanga. 

Hulyo:
Bat galit na galit ka? Tanginang yan. Tagapagtanggol ni Chacha amp

Silas:
bat nakakatuwa ka ba? dami mong pakinabang kay chacha, di mo ayusin trato mo. tangina ka. nakakaubos ka ng pasensya

Moi:
Tama na yan, boys. May shoot pa. 

Hulyo:
Baka uuwi na yan si Silas. 

Silas:
tatapusin ko trabaho ko bago ako umuwi, tanga. hindi ako unprofessional at noob gaya mo. isasama ko si chacha kaya ikaw ang mag-wrap up ditong tangina ka

Chacha:
Isasama mo ko?

Silas:
oo.

Hulyo:
Buti kung sasama yan eh workaholic yan.

Silas:
sasama siya. kaya magtrabaho ka nang maayos dahil ikaw ang haharap sa kliyente nyo mamaya pagka-wrap up. wag kang puro utos kay chacha punyeta ka

Silas:
at kayong mga katrabaho, nakita nyo nang mukhang tanga tong si hulyo pagdating kay chacha, di man lang kayo pumipiyok. amp

Chacha:
Tama na, Silas. 

Silas:
papunta na ko dyan dala pagkain mo. wait lang