الحلقة الثالثة
ما ذنبي انا
للكاتبة banu
كمت على حيلي
افكر اروح الها بس لا اخليها لباجر
نمت بجوعي
والطفلة فاقدة على امها تريدها اخاف اشرحلها وضع امها جنت كل يوم اكلها باجر تجيج
نمت بعد تعب ومعاناة
فزيت من الصبح اروح لمكان المره
كعدت على حيلي غسلت ولبست
باوعت لاسمهان نايمة وتعبانة
وين اخليج عند منو أأمنج
قررت اخذها وياي لحد ما ادبر الوضع
شلتها ومشيت
ركبت بالنفرات ومكان يذب بمكان
لحد موصلت لعنوانها
اباوع بيت كبير والبناء مليان رقي مساحتة عملاقة
شنو ح اشتغل هنا
معقولة مستحيللل شنو شغلهم
معقولة هو هذا العنوان
رجعت تاكدت من العنوان هو نفسه
رحت سألت ..بيت ال.....
كان يدعى باسم عشيرته ..منو هذول
اشرلي الرجال هو نفسه البيت
دكيت الباب ..مره مرتين فتحه الي
رجال بيده سلاح ولابس اسود باسود
فتحه باوعلي بتساؤل
..جيت على الحجية ام مصطفى
..شرايده شنو اكللها
..كلها من طرف ام حسين
هز راسه
خابر بتلفونه ..الووو ماري اكو بنية برى
تريد الحجيه اسأليها ادخلها تكول من طرف مره اسمها ؟
هز راسه شوي سكت بعدين سألني
من طرف منو كلتي
..من طرف ام حسين
هز راسه مرتين وجاوب ..تآمرين عمه ..
اشرلي افوت سد الباب ويباوع بتساؤل ومستغرب شكلي ولبسي وهيئتي
الكراج طويل كُلش وحديقة
من الجوانب والممر يزينه الياس من الطرفين
ومبين هسههہ مسكي
ريحته تجننن والبيت نضيف يبرك
سيارة موجودة سودة مظلله
فتت جانت اكو وحدة سمرة الضاهر الخادمة مالتهم
انتظرتني ورحبت بيه
..مرهباا المدام بانتزارك(بانتظارك)
فتت وهي تمشي وراي
جانت لابسه زي لونه ازرق
وبالمطبخ اكو هم بعد
٢ خدم
فوتتني لصالة جانت جبيرة وراقية
اباوع انبهرت ؏ــمريـہ كله مشفت هيج تصميم كانوا بيت تركي
الستائر عملاقة لونها راقي
وشكلها فخم يدل على فخامة المكان
كعدت بالصاله واسمهان بحضني
لزمت بيها حيل من توتري
المكان رغم الكبر
بس دافي حيل مريح نفسيًا
لكن اضطرابي مخلاني اشعر
براحه
أنت تقرأ
ما ذنبي انا (الموؤدة)
Short Storyأسِيْرُ ولَسْتُ أعْلَمُ أينَ أمْضي غَريبَ الدَّارِ قد ضَيَّعْتُ بعضِي فَبَعْدَكِ ليسَ لي وَطٌنٌ وخِلٌّ أبُوحُ لهُ بما أشْكُو وأُفْضِي وأُطْفِئَ في عُيُوني كُلُّ حُلْمٍ وجَفَّتْ كُلُّ عاطفتي ونَبْضِي أعِيشُ التِّيْهَ أسْبَحُ في ظلامٍ وآمالي تُواجِهُ...
