﷽.
اللهم صل وسلم على نبينا مُحمَّدﷺ
بنات لُطفاً التفاعل بين الفقرات
وتصويت بـ⭐️
.............................
مَاذا يُفيدُكَ أن حَضيتَ بَودَّهم،وخَسرتَ نَفسك والحياةَ جَميَعا.
من المُستقبل :
نزلت اركض واتعثر
بعدني ع الدرج مال طابق اخير وهو صعد
رجعت لورا ..لزكت بالحايط اباوعله يتلفت يدور
جان الدرج اظلم فـ ما لمحني
احس كلبي ..صار طبل من الخوف ..اجت
ببالي ذكريات وي هيج موقف ..صرت ارجف
اسمعه نزل يهرول ..طفرت من الدرج شسوي
شسوي وين انهزم وين اختل ..ماكو غير حل انو اشمر نفسي من البيتونه حتى ينقهر عليه وما يحاجيني بس ما انطاني كلبي ..عاد اني بهيج مواقف الله يذب علي ذكاء خارق ..احير شسوي
نزلت افتر بالصالة مال طابق ..انزل شكله بالله وين جنت ..هسه يطيح حظ اهلي
سمعته يصيح ع ابو جنان ويتعارك ويا
والرجال ..يكله ما طالعه مساع شفتها طلعت وام جنان تأيده تكله اييي بالبيت ما طالعه
اسمع صوته بارجاء البيت يناديني مخبوص
سوى الدرج خطوتين
اني من ذكائي وخبصتي..ختلت جوه الدرج
الي بالطابق الثاني جان عبارة عن مخزن
جواه زوالي قديمة وغراض قديمة ..ختلت
بين الاشياء ..ع ساعة يطفر علي ابو بريص
اباوعله متخبيه بين الاغراض صعد فوك واني اخرمش بخدي شسوي هسه ..فتح باب السطح
ورا مده نزل ..كلت هسه عباله طافره ع الجيران
لو شوف شمسوية وحق الله اليوم يعلقني من رموشي لان شعري ما يجلب
احس كلبي كام يوجعني من التفكير..الوضع
راح يطور اكثر ..واني اخاف اطلع واكلي
كتله معدلة ..صرت اعض باصابعي بندم وخوف
ساعة اكول لو من البداية طالعه ولا هل
هبطه الاكلها ..بس شسوي هو دوم مروعني
ابو جنان وام جنان بالبيت ويسألونه
ها وينها ..يمه احس كلبي راح يوكف من الخوف
نوب من عصبيته رجع عليهم يرزل بيهم ..احسه
يرعد رعد ..
..وين راحت غير افتهمممم اذا مطالعه
فريت البيت كله وهي ماكو ..حتى جوه الجرباية دورت
احس حصرتني الضحكة..ادري شعندي
جوه الجرباية خرب حظي غير ماخذ علي
نظره
..والله قبل ساعة اني وابو جنان كاعدين وهي طلعت من شافتنا رجعت فاتت للبيت ..شوف
حتى التلفزيون مشتغل ..قابل وين تروح
اسمعه يريد يطلع بالسيارة يدورني وابو جنان يأكدله انو هو كان كاعد ع طول برى
يمه يمه ..راح ينجلط ..ردت اطلع بس اخاف
لا يخبزني خبز صوته يرعد رعد من عصبيته واني راح اسويها جواتي من الخوف
ساحت روحي من الحر وهذول يتعاركون
غير يدوروني ويلكوني عاد متتت حاره هنا كلبي ما ينطيني اطلع اخاففف
أنت تقرأ
ما ذنبي انا (الموؤدة)
Short Storyأسِيْرُ ولَسْتُ أعْلَمُ أينَ أمْضي غَريبَ الدَّارِ قد ضَيَّعْتُ بعضِي فَبَعْدَكِ ليسَ لي وَطٌنٌ وخِلٌّ أبُوحُ لهُ بما أشْكُو وأُفْضِي وأُطْفِئَ في عُيُوني كُلُّ حُلْمٍ وجَفَّتْ كُلُّ عاطفتي ونَبْضِي أعِيشُ التِّيْهَ أسْبَحُ في ظلامٍ وآمالي تُواجِهُ...
