ما ذنبي انا_
للكاتبة اوليڤيا_
اذا صار لامها شي ف شلون بينا
وشحنسوي ووين اروح بهل طفله
مر وكت هواي ماكو هي
نزلت لابو لؤي اخابرها اخذت اسمهان وياي
خابرت عليها ماكو مغلق
خفت اكثر طولت جوه وكل شوي اخابر وهي ماكو
لزمت اسمهان وصعدت
الساعة تمر والوكت يمشي والهدوء سيد الموقف
اسمهان رغم كُلشـي
هادئه مو متعبه عاقلة
كل شوي اكسر الصمت وتسأل على امها
جانت اضوج مرات يمي لان حتى تلفزيون ما عندي واريد ارجع وي امها للشقة تباوع افلام كارتون
كل شوي تسأل
مللتني هواي والخوف تملكني
باوعت ساعة صارت ب ١٢ ونص
ايست منها كمت دا انزل اخابر تراجعت
باوعتلي اسمهان
حجت بطفولة ..عمه اليد اتل شويه
جانت تاشر ؏َ الكباب مال امها
هزيت راسي
انطيته الها اكلت شوي وعفت الها الباقي
اكلته ونامت
اليل منمته افكر بيها
كعدت وجه الصبح بوجهي نزلت اخابرها
ماكو متجاوب
حاولت وياها اكثر من مره مغلق
تملكني الخوف اكثر من قبل
صعدت لاسمهان جبت وياي ريوك
كعدتها واكلت
مرت يومين واني بقلق والطفلة بس بجي اريد امها الفلوس الي عندي بدت تخلص
جانت دنيا الليل كُلش والملل فول عندي
واسمهان صارلها يوين بس تون على امها صخنت وخرت بيها شسويلها كمادات ومدري شنو التهيت بيها
كل يوم اخابر امها ماكو
البليل بجيت ..يعني هم اني وهم امانة فوكي روحي مشايلة مسؤليتها امج جانت شايله مسؤوليتي نوب انتي فوكي شسوي هسههہ أنيـہ حتى فلوس مضلت عندي
جانت تباوعلي وروحها دايبة خدودها حمره
ووجها غادي نار
بجت انقهرت عليها
شلتها جان عندي مفاتيح شقة امها
اخذتها وياي وفتحت الباب بحذر وخوف
الممر مضلم مخيف والدنيا كُلش ليل وشتا اليل يخلس
خفت يكلفني واحد وما الحك افوت للشقة ويسوي بيه شي لحد موصلت للشقة مال امها عبالك عمري كله شفته بهل لحضات جنت ما امشي اركض
وحاطة راسها بصدري
خفت اشوف هل ضلمة وهل رعب
وكفت افتح بالباب
عصه ميفتح ..حسيت صوت اكو قريب مني
وتحسسته طخ برجليه
دنكت اباوع جانت بيدي جداحه وضواها ضعيف
فزيت ووكعت من ايدي
اخاف ارجع اخذها
جان ضوها قليل
باوعت الي طخ بيه كان جريدي وكبير شكله مقرف ارتجفت الطفلة ثكلت عليه حسيت راح اوكعها
فتحت الباب بصعوبة
حسيت العرق يتصبب مني
أنت تقرأ
ما ذنبي انا (الموؤدة)
Historia Cortaأسِيْرُ ولَسْتُ أعْلَمُ أينَ أمْضي غَريبَ الدَّارِ قد ضَيَّعْتُ بعضِي فَبَعْدَكِ ليسَ لي وَطٌنٌ وخِلٌّ أبُوحُ لهُ بما أشْكُو وأُفْضِي وأُطْفِئَ في عُيُوني كُلُّ حُلْمٍ وجَفَّتْ كُلُّ عاطفتي ونَبْضِي أعِيشُ التِّيْهَ أسْبَحُ في ظلامٍ وآمالي تُواجِهُ...
