﷽.
اللهم صل وسلم على نبينا مُحمَّدﷺ
بنات لُطفاً التفاعل بين الفقرات
وتصويت بـ⭐️
.............................
بالسيارة ويحجي وي سرور الطريق طول واني صفناتي ما الها نهاية حتى كل بال ما الي يمهم افكر بنفسي ومستقبلي المبهم
كانوا يحجون بموضوعي ويفكرون بيه
وبالتحاليل والاشعة وكلشي بس ! بالي ابدا مو يمهم وكانوا موضوعهم ما يمت الي بصلة
انتبهت لافته ..بغداد ترحب بكم..
صفنتي زادت حيره
وكف السيارة كدام بيت بعد مدة قيادة لا تقل عن ساعه ونصف
فوت السيارة
فوتتني سرور وهو يباوع علينا وشايل
كيس يحتوي علاجاتي وبعض الوصفات والاشياء الخاصة بيه وبمرضي حفنة ادوية تساعد على استرداد ولو جزء من عافيتي
دخلوني جانوا مجهزيلي مكاني
خلوني وطلع ابو فيصل بقت يمي سرور تعدل بفراشي ..ساعدتني انام
وطلعت
من دون اي تفكير نمت بسبب العلاج
كعدت على سرور وهي تندهني
علمود اكل
جان المغرب وياها ابنها يطلع عمره ١٢ سنه
كنت خجلانة منها وما احجي ..جانت تحاول
تفتح مواضيع ..عرفت انو هي منفصلة وحسن
ابنها الوحيد والشي الوحيد الي ظل ببالي شنو
علاقتها وي ابو فهد
بيومها ظلت تسولف وياي وحجيت الها
الي صار عند اهلي وشنو الي وصلني هل حال رغم تاذيت من القهر ومن هل ذكرى واليوم البشع
جانت مصدكتني بحيث حتى بجي بجت
وياي دليل على تأثرها باحداث حياتي استغرب انو صدكتني لانو اني نفسي جنت اخاف احجي كلها تحط اللوم والشك بيه من اهلي والناس الي مرت بطريقي واخرها الحجيه؟!
ثاني يوم كعدتني وتريكت وياها وراحت للشغل وابنها للمدرسة
بقيت الفراغ ياكل بيه ..طريحة فراشي لساني ضعيفة ما اعين نفسي وصحتي لسا مو مستقرة
اما حالتي النفسية للان مو فاهمتها لسا مصافنه وي نفسي ولا متصالحة معاها
اجا ابنها ب ١ ونص وهي ماكو
وين بالاربعة وصلت يمي
جانت تعبانه كلش اول مفاتت خلتلي اكل وهي نامت لليل اجا ابو فهد اسمعها تسولف ويا برى
شوي وكالت يريد يسلم عليج لبست شال وعدلت
كعدتي
فات سألني عن حالتي وسولف ويا
سرور مطول هواي وراح
ثاني يوم نفس الحالة
طلعت واني خلصتها نايمه
كعدت بالاربعة صحت على حسن ابنها مرتين تلاثه ماكو
ولا هيه
بقيت انتظر للعصر كلش
انفتحت الباب وفاتت هي وابو فهد ومره ثانيه
جانت ممرضة توقعت هدا بيت
سرور بس طلع بيت ابو فهد
أنت تقرأ
ما ذنبي انا (الموؤدة)
Cerita Pendekأسِيْرُ ولَسْتُ أعْلَمُ أينَ أمْضي غَريبَ الدَّارِ قد ضَيَّعْتُ بعضِي فَبَعْدَكِ ليسَ لي وَطٌنٌ وخِلٌّ أبُوحُ لهُ بما أشْكُو وأُفْضِي وأُطْفِئَ في عُيُوني كُلُّ حُلْمٍ وجَفَّتْ كُلُّ عاطفتي ونَبْضِي أعِيشُ التِّيْهَ أسْبَحُ في ظلامٍ وآمالي تُواجِهُ...
