﷽.
اللهم صل وسلم على نبينا مُحمَّدﷺ
بنات لُطفاً التفاعل بين الفقرات
..................
جانت ايام محرم
الي صرت اشوفه واسمع بيه بس بالتلفزيون
حتى طبخ ماكو بمنطقتنا
ولا حسيت بيه ..مثله مثل الايام العادية الي مرت
بيوم العاشر من مُحرم تحديدا ساعه بـ ١١ الصبح
جنت نايمه ..وسمعت الباب انفتح
عرفته موجود
ما كعدت بقيت ع نومتي واني اباوع للساعة دايخه اثر النوم ..ولا كمت رُغم سمعت صوت بالمطبخ
ما كعدت الا بـ ١ الضهر
غسلت وفتت اشرب ماي
انتبهت اكو عالطباخ جدورة ٤
عكدت حاجبي ..غريبات مو مالاتي ذن
رحت فتحتهن..جدر تمن وواحد قيمه واحد فاصوليا ..وواحد حبيه او( هريس )
معقولة هو ..! هههه اصلا منو غيره
شعجب ذاكرني وحاسبلي حساب هم ادري بيوم العاشر يسوون طبخ وقراية ينخبصون خبص بهيج يوم ..يالله شكد فرحت لمن ذكرني بعز
خبصته وهوسته ..اختلف وضعنا عن سابقاً
صار كلبي شكبرهه
والله فرحت بيهن ..وكعدت اكل رغم هسه كاعده حتى بقيتهن بجدورتهن واكلت..بحيث احسه غير طعم ..وهو فعلا غير طعم
اكلت فوك الشبع
اكلب بالتلفزيون اغلب القنوات العراقية عن الطف والمحاظرات واللطميات ..اليوم الوحيد الي ذكرني بايام المواكب اول ما انهزمت
محد لفاني غيرهن..محد شبعني الا هن
مرت الايام نفسها ..مُكرره مُمله
رتيبة ..
خلص محرم واجا صفر وهو ممبين اصلا
ولا اجا غير مره وحده جابلي بيها طبخ جماعته طابخين وهم عالسريع خلاهن وراح ولا شفته
بوقتها طلبت منه طلب
وجنت اتمنى يقبل ..من كلبي جنت اتمنى ما يردني ..بوقتها ام جنان جانت عازمتني عالملايه لاقاربهم ..وكالت شوفي ابو فهد يقبل لا
بوقتها حتى مجاوب
عافني وطلع ..عبالك حجايتي حجايه جهال
شكد فشلت ..وانقهرت منه ..مرت ايام واني اكل باصابعي ندم لان طلبت منه وجنت ادري راح ميقبل وياريت عالاقل كال لا
وما هيج فشلني
بقيت من يخابر ما اجاوب ..واذا جاوبت يجيني صوته مثل البرق يرعد ويتوعد..بعصبية ينتر بيه لانو ما اجاوبه ..جنت اقابله ببرود اخلي يشيل روحه ويركعها وهم ما اتأثر
جنت اتمنى اعرف شنو يمنعه انو يمر
علي ولايام ولاشهر طويله ..حتى لو زواجنا كاذب ..بس ما المفروض هيج يعوفني ويدريني ما الي غيره
بودي اسأله هواي اسأله
هسه اني وبعدين ويا ..وبعدين شنو تاليتنا
جنت كاعده ابحوش بالغرف الفوك
لكيت واحد من المفاتيح..وصار ايام اصعد ادور
واباوع رغم حاره موتتتت ..انزل العرق يتصبب مني ..لكيت دفاتر مذكرات ..واشياء قديمه سند
بيت ..وسيارة واوراق رسميه بس من هذاك الزمن القديم ..حتى الكتابه والاختام الموجودة تختلف وكأني بحُقبة سابقة كان بيت جداً قديم
أنت تقرأ
ما ذنبي انا (الموؤدة)
Historia Cortaأسِيْرُ ولَسْتُ أعْلَمُ أينَ أمْضي غَريبَ الدَّارِ قد ضَيَّعْتُ بعضِي فَبَعْدَكِ ليسَ لي وَطٌنٌ وخِلٌّ أبُوحُ لهُ بما أشْكُو وأُفْضِي وأُطْفِئَ في عُيُوني كُلُّ حُلْمٍ وجَفَّتْ كُلُّ عاطفتي ونَبْضِي أعِيشُ التِّيْهَ أسْبَحُ في ظلامٍ وآمالي تُواجِهُ...
