﷽.
اللهم صل وسلم على نبينا مُحمَّدﷺ
بنات لُطفاً التفاعل بين الفقرات
وتصويت بـ⭐️
.............................
اباوع لشعري صاير يجننن
طولان ومبروم
طلعت من الحمام انفش بيه
وولا اخليله قراصه عاجبني هيج شكلهه
صرت اخليله حنه على طول ..
صار حيوي وبيه لمعه ..
عدلت حاجبي بالملقط وخليت ام جنان
تسويلي وجهي ..صار شي حلو وبسيط
هل فترة طول ولا مر ابد
حتى اتصال ماكو كاطع بس ام جنان تكول على طول يخابر علينا ويسأل ويوصينا بيج استغرب ليش ميتصل عليه اني ويسأل ..! رغم هو ما ناسيتي ابد ما رايحه عن باله بس ميضهرلي هل شي ابد
شبيه هيج جاف وياي
وما يضهرلي اي اهتمام ..عجيب امره
لا مو عجيب وانما واضحهه ليش
هيج يسوي ..
صرت ولا اهتم ..ولا انقهر منه
شفت الحياة هيج ماشيه ونفسها راح تبقى
جنت عايشة بسكينة وهدوء هل فترة تعلمت
ع وضعي وصرت اتعايش اكثر
كلت اعيشها حرامات اخسر ايامي وشبابي
انتظر لا شيء ..المُشكلة حتى امنية ما عندي حتى هدف ما عندي ..كلشي يمي وكلشي عندي ..
ما الي لهو غير التلفزيون
هل حيوان الي جابهه..والله ميجي ذره يم هلهول بس شسوي ..مضيعه ايامي الفارغة ويا اكعد بباب الترك بالساعات اسولف ويا ..من ميجاوب امل وافوت مرات ابقى مكابلته مثل المجنونه اتوسل بيه يحجي وياي يتجاوب..لحد ما انقهر
ع نفسي وافوت
صرت اخاف انجن والله صرت
احاول احافظ على هدوئي وعلى عقلي
احاول الهي نفسي بأيشي واتصرف طبيعي
وصيت ام جنان على مكياج
بكل روحه اوصيها على شي ..الي يضحك
لا اني اعرف بالاشياء الحديثة ولا هي حتى اسمائهن الحالية الدارجهه منعرفهن
اجيب واني الطش ولا عبالك
اجت بنتهم كم مره وصادفتها
صارت عندي علاقة بيها..ما ادري اذا راح يتقبل او لا بس لشوكت ابقى اسمع الكلام وابقى حبابه
تعبت
هي متزوجه بغير محافظة
بوقتها باتت عشر ايام ..من اطك روحي اطلعلها نسولف ..وجهالها هوسه ..صرت احن واشتاق لصوت الاطفال ..للعب للهوسه ..افتقد اللمه بكل
معانيها
مرات من شباك الغرفة تبقى تسولف وياي
بوقتها كان عدها نت تفعله بالتلفون وتحجي مع زوجها ..وعيالها ..وهي على طول متعودة عليه
تطلعلي اشياء بيه اضحك
فديوهات وكلشي ..جنت ما كلش متعمقة بيه
حتى من فعليا ابو فهد ..ما كلش عرفتله
علمتني شلون اشترك عن طريق الرصيد
وصيتها تجيبلي واشتركت مال شهر
من دون علم اهلها ..دزيت ابنها عصريه وراح جابلي حلفتها الف يمين ما تحجي ..جانت تضحك عليه تكلي هو شكو شبيج خايفه الناس كلها عدها
كتلها ميقبل رجلي عليه ووصيت ابنها
أنت تقرأ
ما ذنبي انا (الموؤدة)
Short Storyأسِيْرُ ولَسْتُ أعْلَمُ أينَ أمْضي غَريبَ الدَّارِ قد ضَيَّعْتُ بعضِي فَبَعْدَكِ ليسَ لي وَطٌنٌ وخِلٌّ أبُوحُ لهُ بما أشْكُو وأُفْضِي وأُطْفِئَ في عُيُوني كُلُّ حُلْمٍ وجَفَّتْ كُلُّ عاطفتي ونَبْضِي أعِيشُ التِّيْهَ أسْبَحُ في ظلامٍ وآمالي تُواجِهُ...
