﷽.
اللهم صل وسلم على نبينا مُحمَّدﷺ
بنات لُطفاً التفاعل بين الفقرات
وتصويت بـ⭐️
.............................
اباوع بصدمة..من شباك المطبخ هذا احمد
ياربي شجابه هيج وقت ..ومنو هاي الي ويا
انصدمت بشكله..عبالك متعارك وويا بنيه صغيره حالها مبهذل وشعرها منفوش
جان يدك الباب بعصبية وقوة انخمش كلبي
فتحت الباب بتردد ..
من دون سلام ..وييين جنتي صار شكد ادك بالباب
بتوتر وعيوني تتنقل بيناتهم..هنا..هنا ...
فات من دون حتى لا ينتظر اكوله فوت
غسل وجهه بالسينك ..سحب البنت
الي جانت تباوع بخوف ووجهها اصفررر
غسل وجهها ويحجي..شبيج عمو ليش خايفة
مجاوبت جانت تباوع الي بتوتر وخوف
رجف كلبي عليها..جانت كلش صغيرة
اخذها احمد للاستقبال ..وحجه وياي بهدوء
..ليلى بلا زحمة عليج احجي وياها
هزيت راسي وسديت الباب
من توتري جنت ناسيه انو اني بدون حجاب
ولابسة ثوب قصير ..رحت للغرفة ابدل
وكل تفكيري وتركيزي بيهم
طلعت واني اخلي الشال ع راسي
لكيت محمد متصل لاكثر من مره
مجاوبته كلت اخاف احجي ويقلق خطيه بس من شفت إلحاحه بالاتصال فتحته
اجاني صوته يرعد..الفففف مره دكيتتت عليج ليششش متشيليييي وين جنتي
..يمه يمه بسمالله شكو اليوم
بعصبية ..ليشششش متشيليييي النعلللل
..ما جنت يمه والله ع كيفك شجاك يا عيني
هدء اكثر ..عبالي شوف شصار دكيتي وكطعتي
نوب اتصل ما صار ربع ساعة من مخابره كلت وين راحت ..انفتح باب الاستقبال واحمد يحجي
مجان منتبه انو دا اتصل
..منو يمج
..هااا ..!!!
بعياط ..اكو صوت عندج ..منو موجود
حجيت بتوتر..اح احمم احمد احمد اخوك اخوك
احمد اشرلي بهدوء ..انطي التلفون ..مردت انطي اله لان محمد من يمه انهد استحيت منه بالقران
حجيت بهدوء بعد ما سمعني حجي يهز البدن
..ديحجي وياك الولد افهم شكو
بعدين شكك بيه
مديت التلفون اله ..اخذه وطلع برى يحجي ويا
جان عصبي فدنوب
البنت فتت عليها ..وجهها احمر
بقيت صافنه هاي مضروبة لو مختنكة وهيج
طاكة حمره ..جانت تباوعلي بخوف واحراج
انطيتها ماي وكعدت من دون ما انطق بكلمة
شربت الماي وايدها ترجف وتباوعلي
مرت مدة وهي عينها كل ما تجي بعيني
تدير وجهه ..فات احمد بعد ما حمحم
تقدم عليها ..ودنك يحجي وياها
بهدوء ..دا اطلع صاح عليه
..خوية ليلى البنية بامانتج هل كم يوم
..بعيوني لا تقلق
..محمد لا تاخذين بخاطرج منه شكد ما بيج اعذري
..الله كريم
انطاني التلفون وطلع ..
بقيت كاعده وياها جانت حتى من اسألها
ماجاوب ..عفتها وفرشت الها بالغرفة يمي
أنت تقرأ
ما ذنبي انا (الموؤدة)
Historia Cortaأسِيْرُ ولَسْتُ أعْلَمُ أينَ أمْضي غَريبَ الدَّارِ قد ضَيَّعْتُ بعضِي فَبَعْدَكِ ليسَ لي وَطٌنٌ وخِلٌّ أبُوحُ لهُ بما أشْكُو وأُفْضِي وأُطْفِئَ في عُيُوني كُلُّ حُلْمٍ وجَفَّتْ كُلُّ عاطفتي ونَبْضِي أعِيشُ التِّيْهَ أسْبَحُ في ظلامٍ وآمالي تُواجِهُ...
